Levitico 26:34 - Biblia Mixe de Quetzaltepec

³⁴ Ënät ja naaxwiinyëtë nëjkx janty jotkujk nyäjyawëty, mëët ko ënäty ka'ap pën y'ëkwintsënaayënë. Ets ko ënäty jam myajpatnëtë ma ja mëtsipëty ja nyaax kyajpnëtyën. Jëtu'un'äämpy nëjkx ja naaxwiinyëtë näjyëtu'un jotkujk nyäjyawëty, mëët ko ënäty miits ëxëëk mjatë mkëpätë ets nëjkx ja po'kxën t'ixynyëm, ma ënäty ka'ap jeky të pyo'kxyën.

Levitico 26:34 ပူးပေါင်းရင်းမြစ်များ

2 Crónicas 36:21

ets y'atëwëty ja aaw ayuk mëti'ipë ja Jeremías, Tios mëtuunpë kyajpxën. Jëtu'un ja naax kajpn ojts pyo'kxy. Jeky y'ijty winwa'atstuuy, ka'ap nimaa pën. Tëkë'px majk jëmëjt jëtu'un y'ijty.

Levitico 26:43

Winwa'ats nëjkx wyi'imy ets nëjkxëp pyo'kxy ma ënäty ka'ap jam m'ëktsënaaynyëtën. Jëtu'un'äämpy ja mpokyëty ënäty xykyumëtowtë, mëët ko ka'ap të xytyuntë këwentë ja n'aaw n'ayukës ets mëët ko të xykyapatuntë ja n'ënä'ämënës ntëyajtënës.

Levitico 25:10

Ma ënäty jajëmëjt kyä'pxyën wëxtyikxy majk, tääpë jëmëjt wa'ats nëjkx xytyijtë ets jä'ä jëtu'un nëjkx may ja ja'ay wyë'ëmtë ëwaatsëtuuy. Ja ja'ayëty mëti'ipë ënäty nitooky të y'itën, nëjkxëp jatëkok tpaatë ja jyëën tyëjkëty ets ja y'u'unk tyo'oxytyëjkëty ets ja nyaax kyamëty.

Levitico 26:35

Jënu'un ënäty winwa'ats yajpaatyën, jëtu'un nëjkx ja naaxwiinyëtë ja po'kxën t'ixy, ma ënäty ka'ap të pyo'kxyën, ko ja mayjyä'äy jam të tsyëënëtë.

1 Reyes 8:46

Ko ënäty pën mëtëkoyë, jä'ä ko aak tëkoopyë ja'ay y'ity ets mjoot'anpëkëty, xykyë'ëyakëty ma ja myëtsipëtyën ets ja myëtsip ëxëëk tyunëtëty, yajnëjkxëtëty tsumy matsy wiink naax wiink kajpn, ma ja mëtsip ja kyajpnën, ëkë ma ja kajpn tmëwinkon'atën,

Jeremias 34:17

Paatyës mëti'ipë Wintsën'ajtpën, jëtu'unës n'ëna'any: Miitsëty ka'apës të xymyëmëtowtë, ka'ap të xy'ëxmatstë ets të xyaj'ëwaatsëpëtsëmtë ja mjëëky mmëku'ukëty mëti'ipë të xyajmëtuntën; e ëjts yë'ëjës nnajtsmatsëjäämpy yë tsip käjpxy, yuu xëëw ets pa'am ëyo'on, mëti'ipë ëxëëk myajjat myajkëpätëtëpën ets naax kajpn tsyë'ëkëtëty. Ëjts Wintsën, ëjts ënaanp.