Levitico 26:26 - Biblia Mixe de Quetzaltepec

²⁶ Koos ënäty nyajkutëkoy ja it naaxwiinyëtë ma ja mjë'kxy mpëky xypyëjkë'ëktën. Tu'uk je'eyë ja tsijtk, tukmuktëty ja to'oxytyëjkëty ma ënäty ja tsajpkääky tyajkë'ëwtën, mëti'ipë miits mkaytyëp. Ets nuky e'kxy je'eyë mjaakaytyëty ets ka'ap nëjkx mku'uxëtë.

Levitico 26:26 ပူးပေါင်းရင်းမြစ်များ

Miqueas 6:14

Mjakayëp, je'eyëp ko ka'ap mku'uxëtëty, je'eyëm myuu'ookëtëty; mjayajmukëp mjë'kxy mpëky, je'eyëp ko ka'ap nëjkx tii xypyääty ets oy ënäty tii të xyjyapaaty ko ja tsip tyunëtëty jää nëjkx tyëkooytyä'äy.

Isaías 3:1

Ja'aykyukëtë yajxon. Yë Wintsën jyëpëjkäämpy, ja ka'ayën ukën jam Judá ets jam Jerusalén, näjyëtu'un ja nëë tuu ets tëkokyë ja jë'kxy pëky.

Ezequiel 5:16

Nyajminäämpyës yë yuu xëëw ma miitsëtyën, jëtu'un tä jeexyë pën tmëjti'pxyën yë ti'pxnkepy mëti'ipë yajkutëkoopyën. Jëtu'un, nyajminäämpyës ma mijtsën yë yuu xëëw, amay jotmay ets mëti'ipë nëjkx myaj'ook myajtëkoyëtën.

Salmos 105:16

Ojts tyaj'ity yë yuu xëëw ma tääpë it naaxwiinyëtën, ets tjëpëjktaay tëkokyë yë jë'kxy pëky.

Hageo 1:6

Miitsëty may mni'iptë ets wäänë mpëjktä'äky xyajpëtë'ëktë; mjakaaytyëp ets ka'ap mku'uxëtë; mjänëë'uktëp ets ka'ap mtëëtsë myontë; mjanämyu'uxëtëp ets je'eyëm mtëpooktë; mëti'ipë mëtuunpën ka'ap ja myëju'uny tyajnipety.

Ezequiel 14:13

Ko tu'uk yë naax kajpn xymyëtëkoyëtyës ets wintsë'kën tyajtëkoyëty ma ëjtsën, nixajë'ëkäämpyës ets ntëytyunäämpyës ko npëjkëtyës yë jyi'kxy pyiky; nkäxäämpyës yë yuu xëëw ma yë'ëjën ets y'ooktëty yë jëyujk ets ja'ay.

Ezequiel 4:16

Ënätës näjyëtu'un xy'ënëmaay ok: Ëjts nyaj'akëxëjäämpyës yë jë'kxy pëky jam Jerusalén. Wäänjaty nëjkx yë ja'ay kyäytyë y'uuktë mëët yë monyëtukyë ets kijpxtä'äky ja nëë t'uuktëty mëët ja tsë'ëkë.

Isaías 9:20

Nitu'ukjaty yë ja'ay aak ëxëëkëm ja myëku'uk t'ijxnë mëti'ipë pa'atënaayëpën, janty jëtu'un tjajë'kxy tjapo'otsy mëti'ipë pyätypyën anajnytsyow, je'eyëp ko kä'äpyëm kyu'uxyë. Aak kyutsu'tsnëp ja ja'ay ja y'u'unk y'ëna'k:

Oseas 4:10

Mëëtkyëjxm ko ka'ap ja Wintsën t'ëk mëtuunëtë, ja kay ja uuktëp, je'eyëp ko ka'ap kyu'uxëtëty; jyatooktëp ja jyot nyini'kxëty, je'eyëp ko ka'ap y'u'unkpaatëty.

Ezequiel 4:10

Mja'amyätsëp tii xëëw mkayën, taxkpëky xyajwa'kxëty ja tu'ktsimpë ets tu'kpëkyäty xyjyë'kxëty tu'kxëëwpë;

Jeremias 14:12

Yë'ë oy jënu'un y'ayuu'atëty, ëjts ka'apës nmëtowanë y'aaw y'ayuk, oy jënu'un tmëminëty aaypyajk ujtspajk ëjts nwintuuyës ets wintsë'kën nino'oky nixämpyë nkatimnyi''ijxë'ëkäämpyës. Nyajkutëkoyäämpyës mëët yë tsip, mëët yuu xëëw, mëët yë pa'am ëyo'on.

Levitico 26:27

E pën kajtsën ninu'un nkäjpxyjyä'äkyukëtë ets je'eyëm ka'ap xymyëmëtowa'antës.

2 Reyes 6:25

Jä'ä jëmëjt ojts jam y'ity tu'uk mëk yuu Samaria, jä'ä ko ja ja'ayëty ojts ja naax kajpn tyajnatujkta'atë, ojts jap tu'uk ja krukts tsyoowpatnë tëkë'px aakyë'ë poop pujxn meeny ets ojts näjyëtu'un jap tjuuynyëtë yë pak të'ëny mëti'ipë ojts tsyoowpatnën mëkoxk aak poop pujxn meeny.

Isaías 5:10

Oy jënu'un katsy'am tsatym jya'itëty, wäänë nëjkx wyinmuky. Oy xa'k'am tsajpmok jyapëtë'ëkëty, tu'kxa'kën nëjkx je'eyë wyinmuky.

Ezequiel 4:17

Nëjkxëp jyi'kxykyukëxëtë ets nyëëkukëxëtë, xim yam nëjkx nyäwyintë'kxëtë mëët ja tsë'ëkë ets jëtu'unyë nëjkx pyutsta'atë mëët ja nyëë pyokyëty.

Isaías 9:19

Mëët ja tsyip y'äkë ja Wintsën mëti'ipë maaytyääyëpën winë, tëë ja naax kajpn jyëënmatsyë, tam ja tyooytyëkoy; Yë'ëpaat ja y'u'unk y'ëna'k tsu'tsnëtë, ka'ap t'ëkpa'ëyoownëtë ja myëkä'äx, tam mëti'ipë yiin wään kääpyën ets ka'ap kyu'uxyë, tam ka'apë ninu'un tyimkayën.