Levitico 26:20 - Biblia Mixe de Quetzaltepec

²⁰ Natëkë miits yë mëjaaw xyaj'ixtuntëty jam mkamwinm mtu'uwinmëty. Nitii jam kyamuxëty ets aay kepy ka'ap nëjkx tyëëmpätë.

Levitico 26:20 ပူးပေါင်းရင်းမြစ်များ

Isaías 49:4

Ëjts jëtu'unës ënäty nmay ntajy: Natëkës të njuuky'äty, nëkoopës ja njot nmëjaaw të nyajma'aty. Tim mëtëypyë yë Tios yë'ëjës xynyipaye'eyaanp, ets mëti'ipës nkuma'ayën'ajtypyën tam ja Tios tmëëtëty.

Salmos 127:1

Pën yë Wintsën ka'ap yë'ë kë'ëm tkojy yë tsajptëjk, natëkë tyuntë mëti'ipë tëjkkojtëpën; pën yë Wintsën ka'ap kë'ëm tkëwent'aty yë naax kajpn, oy jënu'un yë ja'ay kyëwent'atëty ka'ap nitii tuntëty.

Deuteronomio 11:17

Jä'ä ko jëtu'unpë ja winma'any xypyaatëty, yë Wintsën nëjkxëp mëk mtukjoot'anpëkëtë ets ka'ap nëjkx yë nëë tuu t'ëkkäjxnë ma ja kam tu'ujën, jëtu'un'äämpy nëjkx mjë'kx kyutëëtsëtë ets ka'ap xy'ëkmëët'ajnëtëty tii mkaytyëp m'uuktëp ets m'o'kta'a mtëkooytya'atëty ma ya'atë oynyaax oykyamën, mëti'ipë ja Wintsën mo'ojanëtëpën.

Habacuc 2:13

Yë Wintsën mëti'ipë maaytyääyëpën winë ka'ap tmëjpëjkta'aka'any yë mtuunk ets oy jënu'un tii të xyjyayajnimëjaawtä'äky, jä'ä ko nitooytya'ajaanp ja mëti'ipë të xyapëjktä'äkyën.

Levitico 26:4

Ëjts nkäxëpës yë nëë tuu ma tnixëëw nijëmëjt'atyën ets aay kepy oy tsuj tyëëmpätëty mëti'ipë kamwinm tu'uwinm yajpatëpën.

Gálatas 4:11

Njëjpja'awëpës ko wä'änxyëp ja ntuunkës të kya'oyë ma miitsëtyën.

1 Corintios 3:6

Ëjts ojts ni'ipy nkojy ets Apolo të tyajxooky, e yë Tios yë'ë të tyajyony të tyajjiitsy.

Hageo 2:16

¿tiitën ko ijty jëtu'un mjatë mkëpätë? Ko ijty pën tninëjkx i'px tsim ja tsajpmok, je'eyë majk tsim tpaaty; ets ko ijty pën nyijkxy jam ma tsatym nyëë nyäxyën ets wëxtyikxy majk tu'ts tpëka'any, je'eyë ijty tpëky i'px tu'ts.

Isaías 17:11

yajxon xykyëwent'aty ko xypyeny xykyojy, jëtu'un xy'a'ijx xyjyëjp'ijxnë jëna'a pyëjja'any. E jääts ko ënäty ja nyipa'am jyä'ty, wa'ats pyutstëkooytya'aja'any.

Salmos 107:34

yaj'awinpijtyp yë naax kaanmëxëpinëpë ma ënäty winë të y'ity të wyintëyën, ko ja naaxwiinyëtë ja'ay ka'ap tukjaty wi'ix jyä'äy'atëtyën;

Job 31:40

jyëkyejpy yë nnaaxës wyinyo'onëtya'ajëty mëët yë äpny jëtu'un tä jeexyë jam yonyën yë tsajpmok, jyëkyejpy yë ëxëëk ujts jam yontëty tä jeexyë yë cebadë jam yonyën. Jëtu'un ja Job tyajkëjxy ja y'aaw y'ayuk ma nyäkyukäjpxyën mëk'äämpy.

Deuteronomio 28:42

Tëkokyë yë aay ujts, aay kepy, mëti'ipë yajpatpën ma mijtsën, nëjkxëp tyëëtsë'kta'ay ets mëti'ipë ënäty jaakwë'ëmpën tsuxk mu'u nëjkx tjaakyajkëjxta'ay.

Deuteronomio 28:18

Poky y'itëty yë m'u'unk m'ëna'k ets mpëjktä'äky, näjyëtu'un yë mjëyujk mtsajpkaa ets mtsajppax mkupixyny.

Deuteronomio 32:22

E ëjts yajxonës yë njoot'an të tsyooypyëjknë jëtu'un tä jëënën. Jëtu'unës yë njot nwinma'any tyam nja'awënë, tä yë patoyëjëën jyëtityën tunkëjxm kopkkëjxm ets tyajtooytyä'äy tëkokyë yë aay ujts, aay kepy; jëtu'un tä jap kopk'ëjxyën ets ma kopk kupi'tykyën wa'ats tyajwintooytyuta'ay.

Isaías 17:10

Jä'ä ko të xyjyä'äytyëkoy yë Wintsën mëti'ipë të myajtso'okyën, ka'ap të xyjyä'äymyetsy ko yë'ë tsoktakn'ajtp, jëtu'un tä tu'uk tsaakopkën. Mijts janty'oy ja mkam mtu'u xy'oytyuny, ets ja pëjy oyjätyëty jam xynyi'ipy xykyojy, yë'ë mtukwintsë'ëkëjäämpy mëti'ipë wiink naax wiink kajpn y'ëwtajtëpën,

Jeremias 12:13

Ojts tjani'iptë yë tsajpmok, äpny ojts tpëjkmuktë, nëkoopë ja tuunk nyatëkë'ajty. Ka'ap ojts ja pëjktä'äky wyintëy mëët koos ntukjoot'anpëjky.

Génesis 4:12

Oy jënu'un mjatun mjaye'eyëty, ka'ap nitii wyintëwëty ma mkam mtu'ujën. Jëtu'unyë m'anëty mpojëty naaxwiiny ets nijëna'a mkapo'kxëty.

1 Reyes 18:2

Ënät ojts ja Elías jyänty nyijkxy ets ja Ahab jam twinkuwa'këy. Ja yuu xëëw yajxon ënäty jam ni'ikyë myëjë kyëjääjënyë.

Oseas 2:11

Nëjkxëpës nyajkëxy nyajnaxy yë xyoontakënëty, yë xyëëwëty ets ma po'o u'unk tnixëëwtuntën, ma sapëtë xëëw tpo'kxtën ets tëkokyë xyëëwëty.