Levitico 26:16 - Biblia Mixe de Quetzaltepec

¹⁶ Ëjts wiinkës jëtu'un njawëja'any, nëjkxëp ntukjoot'anpëktë. Nëjkxëp ntuknikäxtë mëti'ipë atsë'ëk ajawën, pa'am ëyo'on mëti'ipë yaj'o'kp yajtëkoopyën, tä yë mëkjëënpa'amën, wiinpa'amën ets ma ni'kx kopk pyiky y'atonyën. Oy mjani'ip mjaakkojtëty, yë mëtsiptëjkëty yë'ë nëjkx tjë'kxtë tpëktë ja mpëjktä'äkyëty.

Levitico 26:16 ပူးပေါင်းရင်းမြစ်များ

Job 31:8

jyëkyejpy yë wiink ja'ay tjë'kxëty mëti'ipës të ni'ipy të nkojyën ets jyëkyejpy twijxë'ëktëty mëti'ipës të nkojy të nmä'kxyën.

1 Samuel 2:33

E nëjkxëpës tu'uk mäjtsk nyajwë'ëmy yë mjëëky mëku'uk winkon maas yë nwintsë'këntyaknën ets ëxëëk nëjkx nyäyjyawëtë mëët ja nämyëtsip'atë, ka'ap nëjkx ninu'un tii oy t'ixtë ets ka'ap nëjkx jyotkujk'atë yë jyot wyinma'anyëty; ja wiinkpë ja m'u'unk m'ëna'këty, ja'ay nëjkx yaj'ookëtë.

Miqueas 6:15

Mjani'ip mjakojëp, je'eyëp ko ka'ap nëjkx ja pëjktä'äky xyajpëtë'ëky; mjanijëtsëp yë aceitunas, je'eyëp ko ka'ap nëjkx yë y'on xyajtuunë; mjawintäänëp yë tsatsym, je'eyëp ko ka'ap nëjkx xy'ukë yë nyëë.

Ezequiel 33:10

Mijts ye'etyëjk, ënëëmë yë Israel kajpn: Miitsëty jëtu'un m'ëna'antë: Ujts nyajpatëmë mëët yë nëë poky ets ëxëëktu'un ëxëëk kajpxën. Paaty jëtu'un njajtëmë tä jeexyë ajuuky mputsëmën. ¿Wi'ix n'ëk juuky'ajtmëty?

Jeremias 5:17

Nëjkxëp tjë'kxta'atë mëti'ipë të xynyiyu'u të xynyitunën, nëjkxëp tkaaytya'atë yë mtsajpkääky, yë'ëpaat yë m'u'unk m'ëna'k ye'etyëjkpë to'oxytyëjkpë nëjkx tsu'utstë. Ja mkupixyny ets ja mjëyujk mtsajpkaa wa'ats tsu'tsta'aja'antë, yë mtsatym kyam ets mxe'enky kyam wa'ats tyajpëtë'kta'aja'antë. Mëët yë tyi'pxnëty kyu'umënëty tyajkutëkoya'antë yë mnaax mkajpn mëti'ipë ënäty mtijpyën ko tya'tspëkyëty ets kyëwent'atyëty.

Salmos 78:33

Paaty yë Tios ojts tpëjktä'äky yë o'kën tëko'oyën ma yë'ëjëtyën, ets juukyajtën jëtu'un kyëxëty nyaxëty tä yë ja'ay myëkxejyën ëtsë'ëkë ituuy.

Deuteronomio 28:51

Nëjkxëp tkutsu'tsta'atë ja mjëyujk mtsajpkaajëty ets tjë'kxta'atëty ja m'aaytyëëm m'ujts tëëm; jëtu'unyë nëjkx mnajtswitsëty, nitu'knuukyën yë tsajpmok, nitu'knu'unën yë on ets ni tu'ktsunyën yë tsatym nyëë, näjyëtu'un ja mjëyujkëty mtsajpkaajëty mtsajppaxëty mkupixynyëty mëti'ipë mëët'ajtypyën wa'ats nëjkx tyajnëjkxta'atë ets nëjkx mijts myuu'o'knë.

Hebreos 10:31

Mëj ëyo'on yë'ë ko Tios Juukpyë xytyiytyu'unmëty.

Zacarías 14:12

E ja naax kajpn mëti'ipë ënäty ja Jerusalén kajpn të tnipëtë'ëktën, nëjkxëp tyiytyunëtë mëk ja Wintsën: Juuky nëjkx ja ja'ay pyutsnëtë tsyojknëtë ets nëjkx pyutspëtsëëmnëtë ja wyiinëty ets nëjkx jëtu'unyë ja yä'änëty myëjtëtspäjnëtë.

Hageo 1:6

Miitsëty may mni'iptë ets wäänë mpëjktä'äky xyajpëtë'ëktë; mjakaaytyëp ets ka'ap mku'uxëtë; mjänëë'uktëp ets ka'ap mtëëtsë myontë; mjanämyu'uxëtëp ets je'eyëm mtëpooktë; mëti'ipë mëtuunpën ka'ap ja myëju'uny tyajnipety.

Jeremias 20:4

Jä'ä ko jëtu'un yë Wintsën y'ënä'äny: Kutsë'ëkë nyaj'awinpita'any, yë'ëpaat nëjkx mtsë'ëkëty yë ja'ay mëti'ipë mëët oy të mnäjyawëtyën; m'ixëp ko ënäty ja mmëku'uktëjk yaj'ookyë yë myëtsiptëjk. Nkë'ëyakäämpyës yë Judá ja'ayëty ma Babilonyë yajkutujkpën, may nëjkx tsumy matsy yajmënëjkxtë jam Babilonyë ets may nëjkx yajkupuxtë.

Jeremias 15:8

May ja ku'ookytyo'oxy nyajwë'ëmyës tä nëë ajinën. Kujkxyëëw të nyaj'ookyës ja taaktëjk mëët ja y'u'unk y'ëna'këty mëjatypë; ajotkumonës të nyajminy ja ëyo'on jotmay ets tsë'ëkë jawë ma yë'ëjëtyën.

Jeremias 12:13

Ojts tjani'iptë yë tsajpmok, äpny ojts tpëjkmuktë, nëkoopë ja tuunk nyatëkë'ajty. Ka'ap ojts ja pëjktä'äky wyintëy mëët koos ntukjoot'anpëjky.

Isaías 10:4

Oy ënäty miitsëty ka'ap të mnëjkxtë tsumy matsy wiink naax wiink kajpn, jam nëjkx mkëxtë ma ja ja'ay y'ooktën. Ja Wintsën ka'ap ja jyoot'an xyääma'any, ni'ikyë ja ëyo'on jotmay tyajmina'any.

Isaías 7:2

Jää jëmëjt ojts ja aaw ayuk tukninëjkxtë ja yajkutujkpë Ahaz ma ja jyëën tyëjkën, jëtu'un t'ënëmaaytyë: Yë yajkutujkpëtëjk mëti'ipë Siria ja'ayëtyën tëë käjpxytyu'unën tuntë mëët yë Efraín ja'ayëty. Tä ja yajkutujkpë tyëjkëy tsëyuuypyë mëët ja nyaax kyajpn ijxtëm aay kepy tsyëtyuyën ko pyojyu'kxy.

Salmos 109:6

Paaty nikë pëjkta'ak tu'uk yë ja'ay ëxëëkpë jyä'äy'ätyën ma yë'ëjëtyën ets tpaye'eyëty ijxtëm të tyëkoytyën, kyë'ëm ja'ay nëjkx tyukwinmëtowëtë ja pyoky;

Salmos 73:19

Tsojkyë nëjkx kyutëkoytyë. Yë tsë'ëkë yë'ë nëjkx yajkëxëtë.

Job 20:25

Yë ti'pxn nëjkx tyukjë'pnaxyë yë jyot nyini'kx ets jap nëjkx ja ti'pxn jëjp nyäxy ma xyo'otën. Yaxon nëjkx tsyë'ëkë;

Job 18:11

Oy maatsow jyanëjkxy je'eyëm ëyo'on pyaata'anyë; jëtu'un xëmë nyäjyawëty yaj'ixjëtijtp yajpaajëtijtp yowë.

Jueces 6:11

Paaty yë Wintsën yaa ja kyukäjpxy myiiny ets nyaaxwe'tsy jam xojpa'tkë'ëm ma txëëwatyën Ofrá ma ja Joás ja nyaaxjotën, yë Abiézer yë jyä'äy. Yë Gedeón yë myaank, yë Joás yë'ë ënäty jam yë tsajpmok yajpajk'ajtyp ayu'utsy, ma ja ja'ay ja tsatym ijty twintääntën ets tyajkojtë ja tsatym nyëë, jä'äkyëjxm ënäty jam ayu'utsy yajpaaty këtiipë ja Madián ja'ay y'ixëtëty.

Deuteronomio 32:25

Yë y'u'unkëty y'ëna'këty jam nëjkx muum kupuxy y'ooktë tu'ujotm, jap tyëkotyëty tsë'ëkëtëp jam xëmë, ooktëp ja yä'äy'ëna'k, to'oxy'ëna'k, mëjja'ay mutskja'aypyë, pi'k'ëna'këty mëti'ipë tsi'tstëpnëm.

Éxodo 15:26

Ets t'ënëmaay: Pën mijts mja'akyujkëtyëp tëkokyë mëti'ipë yam ntuk'ënëmaaytyëpën, mëët koos ëjts nWintsën'aty, mëti'ipë miitsëty mTiosajtëpën. Pën mtuuntëp jëtu'un mëti'ipës ntukjotkëtäkpyën, ko ënäty xypyatuntë ja n'ënä'ämënës ntëyajtënës, ka'ap ntuknikäxtëty ja ëyo'on jotmay mëti'ipës jap të nkexyën Egiptë, jä'ä ko ëjts Wintsën mëti'ipë miits myajtsokëtëpën.

1 Reyes 8:37

Ko ënäty jyää'aty ja yuu xëëw, ja pa'am ëyo'on, ja ëyo'on jotmay, ëkë myinëty ja aay ujts ja nyipa'am, tyëtstaaynyëty mëët ja xëëw'an ëkë ko y'ëyo'onpëjkta'akëty ja mëkuk, poo, kumtënë'k, mu'u ets oynatii jëyujk, ëkë ja mëtsip tyajku''ëtukëty ja naax kajpn, ëkë myinëty tiijaty ëyo'on tiijaty pya'am, tun mëyajtën mpa'ëyowëp yë mnaax mkajpn, mëtoow'ijtë ja jyiiytyak nyu'kxtakën.

Proverbios 3:33

Yë Tios pyojkpy yë ëxëëk ja'ay yë jyëën tyëjk, ets kyënu'kxyp yë oyjyä'äy yë jyëën tyëjk.

Isaías 62:8

Tëë yë Wintsën xyëëw tukajpxpety ets y'a'oykyë'ë të txajjë'ëky mëti'ipë maayëpën winë ets të y'ënä'äny: Nijëna'ajës nka'ëkyajkutujknë ets mmëtsip yë'ë tjë'kxtëty tkaytyëty yë mtsajpmok ëkë jaaypyo'kxyjyä'äy yë'ë t'uuktëty yë mtsatsym nyëë mëti'ipë të xynyitunën;

Jeremias 15:3

Ëjts, mëti'ipë Wintsën'ajtpën, ëjts jëtu'un ënaanp: Taxkpëkyës nkäxa'any yë ëyo'on jotmay: tam mëti'ipë tsipjotm ookaanpën, tam mëti'ipë uk nëjkx tsyu'utyën, tam mëti'ipë lut majkwejkxy nëjkx yë jyot nyini'kx yajkëjxëty ets tam mëti'ipë nëjkx kaa jëyujk myätsyën.

Ezequiel 24:23

Ka'ap tjëkyepy jää kuwa'ats ets tekywya'ats mjëtitëty. Këtii jää mya'axtëty ets mmontëty mtuktëty. Këjxta'ajantëp ja mjot mmëjaawëty ko winë ëxëëk xytyuntë ets nixim niyam nëjkx mnänyiya'axëtë.

Malaquías 2:3

Mpëjkëjantëp yam yë mkutujkënëty ets të'ëny ntukwinkujätëja'antë, yë kupixyny ets tsajpkaa yë tyi'iny mëti'ipë mwintsë'kën'ajtëpën. Ets tu'ukyë mëët yë të'ëny myajpätmuka'antë ets myaj'ixko'owtëty.

Amós 5:11

Tyam m'atä'än mtuktä'äntëp ja ëyoopëja'ay ets mtuk'ajuuytyujktëp ko jyi'kxy pyiky tpaaty; ko tpaatëty yë xëëw jëmëjt ka'ap nëjkx xytyuktsëënëtë yë mtsaatëjkëty mëti'ipë të xykyojtën ets nen ka'ap nëjkx xy'uuktë yë tsatym nyëë mëti'ipë të xynyiyu'ujëtën.