Levitico 26:13 - Biblia Mixe de Quetzaltepec

¹³ Ëjts jëtu'un Wintsën, mëti'ipë miits mTiosajtëpën, mëti'ipë ojts mjuutëtën jap Egiptë. Këtiipë m'ëk mëtuun m'ëk ëyoownëtëty ma yë'ëjëtyën. Jëtu'un ojts miitsëty nyajpëtsëmtë, jap tä jeexyë ja tejpxy, ëkë ja tsëmy ntuknipëjktu'ut ntuknikäjtu'utën, mëti'ipë ënäty më''ëyoowtëpën ets ënät janty akujk janty jotkujk m'ijnëtëty.

Levitico 26:13 ပူးပေါင်းရင်းမြစ်များ

Ezequiel 34:27

Kamjotypë aay kepy nëjkxëp tyëëmpätë, nëjkxëp yë pëjktä'äky wyintëy kamjoty tu'ujoty ets jotkujk nëjkx jyuuky'atë kyë'ëm naaxjoty. Koos ënäty nyaj'ëwaatsëpëtsëmy yë nnaax nkajpnës ma ja'ay ëxëëk tyunëtën, ënät nëjkx tnijawëtë ko ëjts Wintsënajtp.

Salmos 116:16

Wintsën, ëjts mijts xytyuunpë'ajtp. Ëjts xy'u'unk'ajtp ja to'oxytyëjk mëti'ipë mmëtuunëpën. Mijts të xypyojtuky ja tejpxy mëti'ipës të nyajtuktsumyën.

Levitico 25:38

Ëjts jëtu'un Wintsën, miits yë mTiosëty mëti'ipë ojts mjuutëtën jap Egiptë ets mo'oja'anëtë ya'atë naax kam yaapë yajpaatyën Canaán etsës xyTios'atëty.

Éxodo 20:2

Ëjts jëtu'un Wintsënajtp, mëti'ipë mijts mTios'ajtypyën, mëti'ipë ojts mjuutyën jap Egiptë, ma ënäty mmëtuny m'ëyoyën.

Jeremias 2:20

Tëëyëp xyajtso'ontä'äky maas je'eyë xykyäjpxykyumëtoownaxyën, maas ka'ap xymyëmëtoyën. Je'eyë m'ënany: Ëjts ka'apës tii ntuna'any. Jam muum kepypya'tkë'ëm, jam muum kopkëjxm, je'eyë ojts jam mpokytyuny, ko wiink tios xy'ëwtajty, jëtu'un tä to'oxytyëjk jyot nyini'kx tookyën ets kanaak yë ye'etyëjk tmëët'aty.

Levitico 25:55

Jä'ä ko yë Israel ja'ayëty ëjts yë ntuunpë'ajtëp ets ntimjyä'äjës yë'ëjëty. Ëjts ojts jam nyajpëtsëmtë Egiptë. Ëjts mëti'ipë Wintsën'ajtpën, mëti'ipë yë'ëjëty Tyios'ajtëpën.

Isaías 51:23

Yë'ëjës nmo'ojäämpy yë ja'ayëty mëti'ipë ëxëëk të mtunyën, mëti'ipë ijty m'ënëmaayëpën: Xii naaxkëjxy nekyo'okët, wä'änës jam nkëxye'eytyë; ets ojts mnäkyo'okyë tää myaj'ate'eny myajtukte'eny naaxwayën.

Levitico 25:42

Jä'ä ko yë'ëjëty ëjts yë xymyëtuuntëp, ëjts ojts njuutë jap Egiptë. E paaty ka'ap tjëkyepy ets jëtu'un yajtooktëty, tä yë mëtuunpë ëyoopëtyën.

Éxodo 6:7

Jëtu'un miitsëty n'ëxajëja'antë, tääjës yë ntimnyaax ntimkyajpnën etsës miits xyTios'atëp ets xynyijawëtëty, ko ëjts Wintsën, mëti'ipë miits mTiosajtëpën, mëti'ipë të myajpëtsëmëtën, ma ënäty miitsëty je'eyë mëtun m'ëyowtën, mëët ja mëkëtypë ja tuunk, mëti'ipë mooyëtëpën ja Egiptë ja'ayëty.

Ezequiel 30:18

Koos ënäty nyajkutëkoy yë Egiptë kyutujkën etsës nyajkëjxta'ay ja myëk'ajtën mëti'ipë të nyätyukyajnaxyën mëj këjxm, nëjkxëp yë xëëw kyootsë jam Tafnes ets Egiptë kajpn yoots nëjkx nyitukyë, e ja Egiptë ja'ayëty tsumy matsy nëjkx yajmënëjkxta'atë wiink naax wiink kajpn.

Oseas 11:4

Mëët ja tsojkën ja'awën nyajmiintës maas ëjtsën; jëtu'unës ojts ntseeny nkony tä tu'uk mëxu'unkën mëti'ipë tsi'tspnëmën; ojtsës n'amëtunëtë ets nyajkay nyaj'uuktë,

Éxodo 14:8

Tios ojts jëtu'un tyajkutuky ets mëj'ënä'ämpë ka'ap ninu'un oy myäyëty tyajëty, tyam tëë ënäty tja'ixy wi'ix ja Israel ja'ayëty të pyëtsëmtën jap Egiptë ets ni'ikyë tpatso'onpë.

Isaías 9:3

Wintsën, mijts të xyajminy të xyajkëtä'äky ja jotkujk'ajtën; mëj këjää ja jotkujk'ajtën tyam yajmëët'aty, janty jotkujk tyam ja ja'ay nyäyjyawëtë, jëtu'un tä jyää'atyën ja xoontakën ko ja pëjktä'äky y'ity wyintëy, ijxtëm xyoonta'aktën ja ja'ayëty ko ja wit meeny nyätyuknikääkëtë.

Jeremias 28:2

Yë Wintsën mëti'ipë maaytyääyëpën winë, mëti'ipë Israel ja'ayëty Tyios'ajtëpën, jëtu'un y'ënä'äny: Jëtu'unës yë Babilonyë yajkutujkpë ntuna'any tä tu'uk tsajpkaa myëpotën yë kyukë'ë mëti'ipë tyukyuupyën.

Jeremias 28:4

Näyjyëtu'un wyimpita'any jatëkok yë Jeconías, yë Joaquim yë myaank, mëti'ipë jam yajkutujkpën Judá ets nitëkokyë ja'ayëty mëti'ipë ojts jam Babilonyë yajmënëjkxtën tsumy matsy. Jëtu'un tääjës n'ëna'anyën, ëjts nyajmëpotëjäämpy yë Babilonyë yajkutujkpë. Ëjts Wintsën, ëjts ënaanp.

Nahúm 1:13

Piw nuukës ntuna'any ja kepy mëti'ipë mtsëëm'ijtypyën ets mpojta'ajäämpyës ja pujxn ntejpxy mëti'ipë të myajtuktsumyën.