Levitico 26:12 - Biblia Mixe de Quetzaltepec

¹² Naxaanp tëkëjaanpës xëmë ma miitsëtyën, etsës nëjkx mijts xyTios'atë ets miits nkajpn'atëp.

Levitico 26:12 ပူးပေါင်းရင်းမြစ်များ

2 Corintios 6:16

Ka'ap tjëkyepy tu'ukyë yajpaatëty yë Tios yë jyëën tyëjk mëët yë awinax. Jä'ä ko jëtu'un ja Juukpyë Tios xyajwa'anëmë tsyënaaytyaknën. Jëtu'un ijxtëm ja Tios y'ënä'änyën: Tsëënëjaanpës ets juuky'ataanpës ma yë'ëjëtyën, yë'ëjës xyWyintsën'attëp, ets yë'ëjës nja'ay'attëp.

Jeremias 7:23

Mëti'ipës tëy ojts ntuk'ënä'ämtën, yë'ë etsës xymyëmëtowtëty; jëtu'unës ëjts nTyios'atëty ma yë'ëjëtyën ets yë'ë kyajpn'atëty maas ëjtsën. Ets n'ënëmaaytyës oy winë tuntëty tkajpxtëty jëtu'un tääjës të ntuk'ënä'ämtën, tääts oy winë wyimpëtsë'ëm jyëjpëtsë'ëmxëtëty.

Éxodo 6:7

Jëtu'un miitsëty n'ëxajëja'antë, tääjës yë ntimnyaax ntimkyajpnën etsës miits xyTios'atëp ets xynyijawëtëty, ko ëjts Wintsën, mëti'ipë miits mTiosajtëpën, mëti'ipë të myajpëtsëmëtën, ma ënäty miitsëty je'eyë mëtun m'ëyowtën, mëët ja mëkëtypë ja tuunk, mëti'ipë mooyëtëpën ja Egiptë ja'ayëty.

Hebreos 11:16

E yë'ëty, yë'ë tsyojktë ja it wäänë oypyë, mëti'ipë tsajpjotmën, paaty ja Tios ka'ap tuktsëtyuny ko Tios'atëtë, jëtu'unts tnipëjktaakë tu'uk ja mëj kajpn.

Joel 2:27

miitsëty Israel ja'ayëty, kopkpëky ko nëjkx xy'ijxpaatës ko ëjts Tios'ajtp ets ka'ap maa wiinkpë. Nijëna'a yë naax nkajpnës nëjkx kya'ëktsëtyuun kya'ëkjaaypyäjnë.

Deuteronomio 23:14

Jä'ä ko yë Wintsën najxp tëjkëp ma miitsëtyën ets ma m'itën, yë'ë mkëwent'ajtëtëp ets yë'ë myajmëtakëtëp ma mëtsiptëjkëtyën, paaty wa'ats mëpaat yë it naaxwiinyëtë xyaj'itë, këtiipë twiink'ixëty, jä'ä ko tii oy tka'ixëty tsojk jam jyëwa'akëty.

Apocalipsis 21:7

Ya'atë kyuma'ayën'atëp pën ënäty mëtakpën, etsës yë'ë xyTios'atëty ets yë'ëjës n'u'unk'atëty.

Ezequiel 11:20

Ënät nëjkx jyuuky'atë jëtu'un tääjës ja n'ënä'ämën ntëyajtën myinyën ets nëjkx tpatuntë. Nëjkxëpës nkajpn niwa'antë etsës nëjkx xyTyios'atë.

Jeremias 11:4

Yë'ë ja käjpxytyu'unën mëti'ipës mëët ntuunyën ja y'ap y'okëty koos jap nyajpëtsëëmtë Egiptë, ma ënäty yajpaatën jëtu'un tä jeexyë jyuuky'atën ma jëëntooytyaknën ma pujxn wyin'ëëtsyën. Ojtsës n'ënëëmëtë: Mëmëtoowtëkës, tuntë tu'kë'ëyë mëti'ipës ni'ënä'ämëpën ets jëtu'un nkajpnniwa'antëty etsës miitsëty xyTyios'atëty.

Isaías 41:10

Këtii mtsë'ëkëty, ëjts yajpatpës ma mijtsën, ëjts mijts xyTyios'ajtp. Ëjts mijts nmëjaawmoopy ets nputëjkëp, mëëtës ja nkë'ë nmajts'ity ets xëmë mmëta'akëty.

Génesis 17:7

Yë käjpxytyu'unën mëti'ipës ntuunpyën mëët mijts ets mëët yë m'u'unk m'ok. Yë'ë koos jëtu'un mijts xyTios'ataanpës ets tu'kë'ëyë m'u'unk m'ok ets ja y'u'unk y'okëty näjyëtu'un.

Jeremias 32:38

Nëjkxëp yë'ë nkajpniwa'anyës etsës nëjkx xyTyios'atë.

Jeremias 31:33

Jä'ä xëëw nëjkx ntunyës ya'atë käjpxytyu'unën mëët yë Israel kajpn: Jap jyootjoty wyinma'anyjoty npëjkta'aka'anyës ja n'ënä'ämënës ntëyajtënës ets jëtu'un jap tmëët'atëty këxja'aypyën. Ëjts nëjkx xyTyios'atë ets yë'ë nëjkx nkajpn'atës. Ëjts Wintsën, ëjts ënaanp.

Salmos 50:7

Mëtoow'itë, miitsëty Israel ja'ayëty, mëti'ipës nnaax'ajtyp nkajpn'ajtypyën, tyam mijts yajxon nmëkajpxa'any. Ëjts jëtu'un Tios, ëjts mijts xyTyios'ajtp.

Ezequiel 36:38

Ja naax kajpn mëti'ipë xit ko'ow të y'awinpityën nyaj'utsäämpyës mëët yë mayjyä'äy, jëtu'un yaj'ixa'any tä maykyupixynyën mëti'ipë yajmënëjkxtëpën jam Jerusalén ko xëëw tyunyë ets wyintsë'kën'ata'antë Tios wintum. Täänëm nëjkx tnijawëtë ko ëjts Wintsën.

Isaías 12:2

Yë Tios yë'ëjës xyajtsokp, yë'ëjës ntuk'ijxpejtyp, paatyës ka'ap ntsë'ëkë njawë. Yë Wintsën yë'ëjës ntsoktakn'ajtyp ets yë'ëjës xymyëjaawmoopy, yë'ëjës nwäämpy yaj'ëwaatsëpëtsëëmpë ets yajnitsokpë.

Éxodo 3:6

Ets ojts tjaaknikäjpxy: Ëjts jëtu'un ojts xyTios'atë yë m'ap m'okëty. Ëjts jëtu'un xyTios'ajtë yë Abraham, Isaac ets Jacob. Yë Moisés ënätyë ojts nyäwyinkumo'kxëty, jä'ä ko yë'ë ojts tsë'ëkë, ko ja Tios jeexyë t'ixy,

Génesis 3:8

Yë ye'etyëjk ets tyo'oxytyëjk myëtoowtë ko ënäty yë Wintsën jam jyëtity kamjotm, ko jyënäky xyëëwajnë ma ënäty tyitykpyojyën. Ënät ojts pojën nyäyu'utsëtë jam kepypya'tkë'ëm jë'kxykyamjotm.

Mateo 22:32

Ëjts xyTios'ajt ja Abraham, Isaac ets ja Jacob? Tios ka'ap yë'ëjëty niTios'aty o'kpë, yë'ë nyiTios'ajtyp mëti'ipë juuky'ajtëpën.

Apocalipsis 2:1

Nnijayë yë tsajpjotmëtë kukäjpxy jampë yajpaatyën Éfeso ma ja mëpëjkpëtëjk ye'eymyuktën: Jëtu'un y'ënä'äny ja mëti'ipë myëët'ajtypyën ja wëxtujkpë ja matsa'a jam ma y'a'oy kyë'ëjotmën ets yajpaaty ma ja wëxtujkpë ja cerë ato'oyënën aak pu'ts pujxnpë.

Génesis 6:9

Ya'atë jëtu'un nyimëtyä'äky'äjtyp yë Noé. Ko yë Noé jyuuky'äjty, jëtu'un ojts winë tuny ijxtëm ja Tios y'ëne'emyën. Yë'ë tu'uk ojts oy jyuuky'äty ma ja naaxwiinyëtë ja'ayëtyën.

Génesis 5:24

Yë'ë jëtu'un ënäty xëmë të jyuuky'äty ijxtëm yë Tios tsokyën, tu'kxëëw tu'kjëmëjt ojts jëtu'unyë tyëkooynyë. Jä'ä ko Tios ënäty të yajnëjkxyë.

Génesis 5:22

Yë Henoc xëmë ojts jyuuky'äty ijxtëm ënäty yë Tios tsokyën. Ko ënäty jëtu'un yë Matusalén të myëxu'unk'aty yë Henoc, jä'ä ojts jyaakjuuky'äty tëkëëk mëko'px jëmëjt ets ojts jyaak mëxu'unk'atë y'u'unkëty y'ëna'këty ye'etyëjkpë ets to'oxytyëjkpë.

Génesis 17:8

Mijts ets yë'ëjëty nmo'ojantëp yë naaxwiinyëtë jampë Canaán ma mijts tyam mtsëënën ets yë'ë tkuma'ayën'atëty, etsës ëjts nTios'atëty.

Éxodo 29:45

Ëjtsës kë'ëm jam timyajpaataanp ma Israel ja'ayëtyën ets ëjtsës xyTios'atëp.

Números 5:3

Yajpëtsëmtë tääpë ja'ayëty ma miits m'itën mtsëënëtën, ye'etyëjk to'oxytyëjk. Jëtu'un ka'ap jyam'atëty ëxëëkpë ma miitsëtyën, maas näjyëtu'un nyajpaatyën.

2 Samuel 7:7

Tyimnaxy ja xëëw jëmëjt ëjts ka'apës tu'ukën pën yajkutujkpë, ëkë tu'uwinye'epyë yë jëën tëjk të n'amëtoy ets tu'uk ja ntsajptëjkës xykyojëty mëti'ipë mëët ja oyëtypë tsaa ets kepy y'oytyunyëtyën.

Éxodo 29:46

Jëtu'un nijawëtëty ko ëjts Wintsën, mëti'ipë yë'ëjëty Tyios'ajtëpën, mëti'ipë ojts yajpëtsëmëtën jap Egiptë ets ntsëënëja'anyës ma yë'ëjëtyën. Ëjts Wintsënajtp mëti'ipë yë'ëjëty Tyios'ajtëpën.

Deuteronomio 23:15

Pën tu'uk yë mëtuunpë kyukekpy yë wyintsën ets myinëty ma miits yë mjëën mtëjkëtyën ets t'amëtowëty xyajkäktso'oktëty, këtii xykyë'ëyaktëty ma ja wyintsënën.