Levitico 26:11 - Biblia Mixe de Quetzaltepec

¹¹ Ëjts yajpaataanpës xëmë ma miitsëtyën ets nijëna'a miitsëty ixtijy nkayajwë'ëmtëty.

Levitico 26:11 ပူးပေါင်းရင်းမြစ်များ

Éxodo 25:8

Ets xy'oytyuntëty tu'uk yë tsajptëjk, maas ëjts nyajpaatëtyën etsës mëët yë'ëjëty ntsëënëtyës njuuky'atëtyës.

Apocalipsis 21:3

Ets nmëtooyës tu'uk ja ayuk mëk tsajpjotm y'ënä'äny: Jam ja Tios tyam y'ity ma ja ja'ayën ets jyuuky'ata'any mëët yë'ë. Yë'ëts ja'ay'atëtëp ets ja Tios yajpaata'any mëët yë'ëty.

Éxodo 29:45

Ëjtsës kë'ëm jam timyajpaataanp ma Israel ja'ayëtyën ets ëjtsës xyTios'atëp.

Efesios 2:22

Näyjyëtu'un miits ko tu'ukyë m'itë mëët ja Kristë, tu'ukyë mwinpätë koonëm myajpaatëty ma ja Tios ja tsyajptëjkën mëti'ipë yajpatpën mëët ja Kyënu'kxymyëk'ajtën.

Salmos 106:40

Yajxon yë Wintsën ojts ja kyajpn tukjoot'anpëky, paaty ojts ka'ap tmo'oy mëti'ipë ënäty ja patëtëpën,

Salmos 76:2

Yë tsyajptëjk jam yajpaaty ma Sión kopkën, jam Jerusalén;

Levitico 20:23

Këtii jëtu'un winë xytyuuntëpëty, tä ja ja'ayëty winë tuntën, mëti'ipës yam n'ëxwopäänpyën ma ja nyaax kyajpnëtyën mijts mwintuuyëty. Jä'ä ko yë'ëjëty aakyë'ë jëtu'un tyuuntëp, mëti'ipës n'ëtujkpyën, paatykyëjxm ka'ap n'ëkupëjknëtës.

1 Reyes 8:27

Je'eyëp ko ¿Wä'än jëtää tyiyëty ko yë Wintsën jyëkyejpy jyuuky'atëty naaxwiiny naaxkëjxyë? Ix yë tsajp, ix jënu'un myëjëty ets ka'ap myäyë nyikojta'ajëtëty. E ya'atë tsajptëjk mëti'ipës yam të nkojyën tim yi'inëm yë'ë.

1 Reyes 8:13

E tyam tëëjës tu'uk ja mtsajptëjk nkojyës, ma mtsëënëtyën xëmë.

Josue 22:19

Pën miitsëty m'ënantëp ko ya'atë naaxwiinyëtë ka'ap y'oyëty ets Wintsën yaa yaj'ëwtatëty, mintë yaa ma ja Wintsën ja y'it nyaaxwiinyëtën, ma yajpaatyën ja wyittëjk ets xyjyä'äpëktë yë mnaaxëty ma ëëtsëtyën. Je'eyëp ko këtii nëkoo xykyäjpxy kumëtoownaxtë yë Wintsën ets ëëtsëty, ko wiinkpë wintsë'këntyakn xyajkojtë.

Lamentaciones 2:7

Ka'ap të tkupëky yë wintsë'këntyakn, ka'ap të tkupëky yë tsajptëjk; yë mëtsip të tukkë'ëtëjkëtyä'äy yë potsy mëti'ipë ijty nyapots'ajtypyën yë naax kajpn. Jëtu'un jap tsajptëkoty ja'ay yaxnëtë jyojknëtë tä jeexyë jap xyëëwtuntën.

Jeremias 14:21

Yajmëjnax mxëëw, këtiis xy'ixtijtë; këtii xy'ëxëëktijy yë mnaax mkajpn ma y'ityën oypyë tsujpë ja m'ënyääytyakn ma myajkutukyën. Ja'amyäts ja käjpxytyu'unën mëti'ipë mtuunën mëët ëëtsëty, këtii xyjyä'äytyëkoyëty.

Deuteronomio 32:19

Ko yë Tios jëtu'un t'ijxy ojts jyoot'anpëky ets ojts näjyëtu'un timjyä'ätyëkooynyë ja y'u'unk y'ëna'k ye'etyëjk to'oxytyëjkpë,

Zacarías 11:8

Tu'kpo'o je'eyë të nyäxy nitëkëëk jää të n'ëxwopyës yë kupixyny këwent'ajtpë mëti'ipë ënäty yë nmä'kxtujkënës të tyajkëxyën ets mëti'ipë xy'ëxëëk'ijxpënës.

Salmos 78:59

Tios ojts jyoot'anpëky ko jëtu'un t'ijxy, ets ojts jëtu'unyë tnajts'ixë ja Israel,

Apocalipsis 7:15

Paaty jam y'itë ma ja kutujktaknën ma ja Tios y'u'unyën, xëënaxy tsunaxy ja Tios tmëtuntë ma ja Tios ja tyëjkën. Yë'ë ijx'ijtëtëp këwent'ajtëtëp mëti'ipë u'unyääpyën ma kutujktaknën.

Éxodo 29:46

Jëtu'un nijawëtëty ko ëjts Wintsën, mëti'ipë yë'ëjëty Tyios'ajtëpën, mëti'ipë ojts yajpëtsëmëtën jap Egiptë ets ntsëënëja'anyës ma yë'ëjëtyën. Ëjts Wintsënajtp mëti'ipë yë'ëjëty Tyios'ajtëpën.

Levitico 26:15

Ets ka'ap xy'ëkmëjpëjktaknëtë ja n'ënä'ämënës ntëyajtënës ets ka'ap xy'ëkpatuunëtëty ja n'aaw n'ayukës, xyjyä'äytyëkooynyëtëty jëtu'unyë ja käjpxytyu'unën, mëti'ipës të njatunyën mëët miitsëty.

Levitico 26:43

Winwa'ats nëjkx wyi'imy ets nëjkxëp pyo'kxy ma ënäty ka'ap jam m'ëktsënaaynyëtën. Jëtu'un'äämpy ja mpokyëty ënäty xykyumëtowtë, mëët ko ka'ap të xytyuntë këwentë ja n'aaw n'ayukës ets mëët ko të xykyapatuntë ja n'ënä'ämënës ntëyajtënës.

Levitico 26:44

E pën tëë jëtu'un jyäty kyëpety ets miits jam myajpatnëtë ma ja nyaax kyajpnëtyën ja mëtsipëty, ka'ap nwiink'ixëty ets ka'ap n'ixtijtë; ka'ap nyajkutëkoytyëty ets nkuuytyunäämpyës ja käjpxytyu'unën mëti'ipës ntuunën mëët ja m'ap m'okëty, jä'ä ko ëjts Wintsën, mëti'ipë miits mTiosajtëpën.

Josue 22:31

Ënät ja Finees, ja teety Eleazar ja myaank, y'ënëmaayëtë: Tyam yajnijawë ko yë Wintsën tää yajpaaty mëët ëëts'ajtëmë, jä'ä ko miitsëty ka'ap yë'ëjëty yë Wintsën të xyjyakäjpxykyumëtoownaxa'antë, jëtu'un'äämpy ëëtsajtëm të nitsokëmë ma ja Wintsën yë tyiytyu'unënën.

2 Samuel 7:7

Tyimnaxy ja xëëw jëmëjt ëjts ka'apës tu'ukën pën yajkutujkpë, ëkë tu'uwinye'epyë yë jëën tëjk të n'amëtoy ets tu'uk ja ntsajptëjkës xykyojëty mëti'ipë mëët ja oyëtypë tsaa ets kepy y'oytyunyëtyën.

1 Reyes 6:13

ëjts nän nëjkxëpës jëtu'un winë ntuny tä ja David ojts ntukwinwanënës mëët mijts; ëjts tsëënëpës yë'ë ma ja Israel ja nyaax kyajpnën ets ka'apës nijëna'a n'ëxmatsa'antë.

Joel 2:27

miitsëty Israel ja'ayëty, kopkpëky ko nëjkx xy'ijxpaatës ko ëjts Tios'ajtp ets ka'ap maa wiinkpë. Nijëna'a yë naax nkajpnës nëjkx kya'ëktsëtyuun kya'ëkjaaypyäjnë.