Levitico 25:9 - Biblia Mixe de Quetzaltepec

⁹ E ma nëjkx myajk'anyën ja mëwëxtujkpë ja po'o ma yajnixëëwtunyën ja pokymyä'kxën. Ënät nëjkx xytyukxu'uxtë ja tsajpkaawaj ma ja naax kajpnën.

Levitico 25:9 ပူးပေါင်းရင်းမြစ်များ

Levitico 23:24

Jëtu'un xy'ënëëmëty yë Israel ja'ayëty: Ma tyu'uk'anyën ja mëwëxtujkpo'opë, jä'ä tu'uk ja po'kxënxëëw xymyëjjawëtëty ets xyëëwtunëty ja pujxnxuxn ko yajtukxu'uxy.

Levitico 23:27

Ma myajkxëëpetyën ja mëwëxtujkpo'opë, jä'ä mëpaat ja pokymyä'kxën y'ity. Jä'ä mye'eymyuktëty ets wa'ats xyajnaxtëty ya'atë nyänyiye'eypyätë, m'ayuu'atëp jä'ä ets ja Tios xymyo'otëty ja wintsë'kën, ma jëtu'un'äämpyë xymyëjjawëtëtyën.

1 Tesalonicenses 1:8

Tëë tsyo'ontä'äky ja Wintsën ja y'aaw y'ayuk ma miitsëtyën ets të myëjtëkë, ka'ap jyämyëty je'eyë Macedonia ets Acaya, näjyëtu'un oymyaajëty ets yajnijawë wi'ix xymyëpëktën ja Tios. ¿Wi'ixës njaaktimy'ëna'anëty?

Romanos 15:19

ets mëët yë myëk'ajtën ja Kënu'kxymyëkajtën ko yajtuny ja mëj'ajtën. Jëtu'unës të nkajpxwä'kxy ja oy aaw oy ayuk ma ënäty ka'anëm ja Kristë yajnimëtyä'äkyën, jam Jerusalén ets Lirië y'itjotm.

Romanos 10:18

E nyajtëëpyës yam: ¿Wä'än jëtää ka'ap ja ja'ay të tmëtowtë ja Tios ja y'aaw y'ayukë? Myëtoowtë jä'ä. Jä'ä ko jëtu'un kuja'ay myiny: Tëë yajmëtoy ja y'ayuk mapaat yë naaxwiinyëtën yajpaatyën ets të yajnijawë mapaat yë naaxwiinyëtë jyëjpkukëxën.

Salmos 89:15

Wintsën, janty jotkujk yajpaaty yë naax kajpn mëti'ipë nyija'apën wi'ix akujk jotkujk myajwin'ëy myajwinyä'äxyën ets nyëye'ey tyu'uye'ey kutë'kxy mëët yë mtë'kxën mjajën.

Números 36:4

Ko tpaatëty ja xëëw jëmëjt ma ënäty jatëkok winë yajjä'äpëkyën ets y'ëwaatspëtsëmyën ma Israel kajpnën. Tääpë naax yë'ë nëjkx tyuka'ajënëtë etsës jëtu'unyë naaxtuk nwë'ëmnëtëty.

Números 10:10

Myajxu'uxtëp näjyëtu'un yë pujxnxuxn ma xoontakën y'ityën, ijxtëm ko yë xëëw tyunyën ets ko yë po'o pyi'k'aty. Näyjyëtu'un ko yë wintsë'kën xyaktëty nino'okpyë ets ko yë wintsë'kën xyaktëty ma ja nay'ëëw'oy näykyajpx'oyë y'ityën. Jëtu'un'äämpy miitsëty nja'amyätstëty. Ëjts mWintsën Tiosëty.

Levitico 27:24

E ko ënäty ja xëëw jëmëjt tpaaty ma ja it naaxwiinyëtë ëwaatsëtuuy wyi'imyën, ja naax yë'ë nëjkx tjä'ä'ajnë ja ja'ay mëti'ipë ënäty mëjëyëjp të nyaaxtookyën, jä'ä jëtu'un ja naaxwintsën.

Levitico 27:17

Pën jä'ä twaantä'äky ja naax kam ma tii winëjaty ëwaatsëtum wyi'imyën, jëtu'un tsyoowtëkëty, tä ënäty pyaat'atyën.

Levitico 16:30

Jä'ä ko jä'ä xëëw jëtu'un xypyata'antë miitsëty ja pokymyä'kxën ma Tiosën ets wa'ats mwë'ëmtëty ma ja nëë poky xymyëët'atën.

Levitico 16:20

Ko ënäty ja Aarón tëë wa'ats tyajwë'ëmta'ay winë ets ja wit tëjk ma ja näpyaatë y'ityën ets ja wintsë'këntyakn. Ënät tni'ënä'ämëty ets tyajmintëty ja tsajppax mëti'ipë juukyën,

Levitico 25:8

Wëxtujk sëmaan xymyëtsyoowëty jajëmëjt, kanaak jëmëjtpë, jä'ä ntijmëty, wëxtujk jëmëjt kyajpxëty ja tu'k sëmaanpë, e ja wëxtujk sëmaanpë jä'ä ënäty wyinë'aty, wëxtyikxy taxtujk jëmëjt.

Josue 6:4

Ëpëky ja teetytyëjkëty niwëxtujk twinye'eytyëty ja kaaxë mëti'ipë yë käjpxytyu'unën myë'ijtypyën. Nitu'ukjaty ja teety aak myëët'atëp ja xyuxn, yë'ë tsajppaxwaj. Ko wyëxtukxëëwpätëty, wëxtujk'ok nëjkx xynya'ëwtitë ja kajpn, e ja teetytyëjkëty jä'ä ja xuxn tyukxu'uxtëp.

Isaías 27:13

Jä'ä xëëw nëjkx yajtukxu'uxy ja xuxn ets myiinta'atëty ja ja'ayëty mëti'ipë jam tsënaaytyëpën Asiria ets Egiptë, ets yaa myina'antë Wintsën ëwtajtpë, yaa Jerusalén ma yajpaatyën ja kopk wa'atspë ets kënu'kxypyë.

Levitico 16:29

Ya'atë ënä'ämën itëp jëtu'un xëmë ma miitsëtyën. Ma myajk'anyën ja mëwëxtujkpo'opë nitii jää xykyajë'kxtëty, ayuu jä'ä mxëëwnaxtëty ets nitii jää xykyatontëty, wä'än timpyënëty, oy yë'ëjëty yë Israel ja'ayëty ets oy yë'ëjëty yë jaaypyaat jaaypyo'kxyëty, mëti'ipë ijtëpën ma miitsëtyën.

Salmos 89:16

Mëët mxëëwkyëjxm janty xoontakp ya'atë naax kajpn xëmë ets jotkujk nyäjyawëty ko mijts mëtëy winë xytyuny.