Levitico 25:5 - Biblia Mixe de Quetzaltepec

⁵ Ets ni yë'ë xykyatëjtëty ja tsajpmokway, mëti'ipë kë'ëm mujxpën, ko ënäty tëë ja mpëjktä'äky xyajpëtë'kta'atë ets ni yë'ë xykyatuktëty ja tsatsymkyam, mëti'ipë kë'ëm tëëmpäjtpën ets ka'ap jëyëjp xywyimpux xywyinka'atstëty. Yë naaxwiinyëtë nitii mëpaat xykyayajwa'antë, po'kxëpë jëtu'un yajxon.

Levitico 25:5 ပူးပေါင်းရင်းမြစ်များ

Isaías 37:30

Ënät ja Jeséas t'ënëmaay ja Ezequías: Ya'atë mtuk'ixëp ets xynyijawëty mëti'ipë tunan jatanëpën: Ya'atë jëmëjt yë'ë mkaytyëp yë tsajpmok mëti'ipë kë'ëm yonaanp muxaanpën, e kom tëkëëk jëmëjt jyëkyejpy mni'iptëty ets xyajpëtë'ëktëty ja mpëjktä'äkyëty, ijxtëm ja aaytyëëm ujts tëëmën ets aaypyajk ujts pajkën mëti'ipë mjë'kxtëp mpëktëpën.

2 Reyes 19:29

Tä ja Jeséas t'ënëmaay ja Ezequías: Ya'atë jëtu'un ja ijxpäjtën yakäämpy mëët ja mëti'ipë tunan jatanëpën: Ya'atë jëmëjt ets tääpë myinyën yë'ë nëjkx xykyäytyë xy'uuktë ja tsajpmok mëti'ipë kë'ëm yoonpën, kom tëkëëk jëmëjt jyëkyejpy myuunëtëty mtuunëtëty ets mnipnëtëty mkojnëtëty, xyajpëtë'knëtëty ja mpëjktä'äkyëty, jyëkajpnëp xypyäntëty xykyojtëty ja m'aay mkepyëty.

Levitico 25:4

E jää ko nëjkx wëxtujk jëmëjt t'apäjnë, kopkpëky ko nëjkx jä'ä xyajpo'kxtë yë naax kam ets ja Tios jëtu'un mëj'äämpy yë'ë xypyëjkta'aktëty. Këtii jä'ä nitii xynyi'iptëty ets këtii xywyimpux xywyimka'atstëty yë mtsatymkyamëty.

Levitico 25:6

Mëti'ipë jam naaxwinm kamwinm kë'ëm pëtsëëmpën, ma ënäty pyo'kxyën ja kam tu'u, yë'ë mni''itëp. Jëtu'un'äämpy jotkujk kyäytyëty y'uuktëty ja mtuunpë ye'etyëjkpë to'oxytyëjkpë ets ja jaaypyaat jaaypyo'kxy mëti'ipë ijtpën ma ja mnaax mkajpnën.

Levitico 25:11

Ma wëxtyikxy majk y'apetyën ja xëëw jëmëjt, jä'ä jëtu'un miitsëty mëpaat mnäyaj'ëwaatsë pëtsëmëtë. Ma tääpë jëmëjtën ni pën mëpaat jä'ä kyani'ipy kyakojy ets tkapuxy tkaka'atsy ja tsajpmok mëti'ipë kë'ëm yoonpën ets ka'ap yajwimtsuk yajwinjoowëty ja tsatym kyepy ëkë yajpiiwmukëty ja tsatymtyëëm.