Levitico 24:4 - Biblia Mixe de Quetzaltepec

⁴ Ja kutë'kxy jam jëtu'un tyë'kxëty ma ja mëj jëëntooytyakn aak pu'ts pujxnpë ets jëtu'un kyutë'kxëty jam Wintsën wintum.

Levitico 24:4 ပူးပေါင်းရင်းမြစ်များ

Éxodo 31:8

ja kaaypyäjn mëët tëkokyë mëti'ipë mëët tyunyën, ja jëëntooytyakn mëti'ipë wa'ats pu'ts pujxn ets mëët tëkokyë mëti'ipë mëët tyunyën, ja poom ja wintsë'këntyakn.

Éxodo 39:37

Ja mëj jëëntooytyakn mëti'ipë aak pu'ts pujxn mëët y'oytyunyëtyën ets ja nyikutë'kxn mëti'ipë mä'kxy yajpatpën ets tu'kë'ëyë jënu'un ënäty mëët tyuna'anyën, jëtu'un tä ja onën mëti'ipë mëët tyoyën ja kutë'kxn;

Apocalipsis 11:4

Ja nimäjtskpë ijxpë mëtoopë, yë'ë tyijpy ja mäjtskpë ja olivë kepy ets ja mäjtskpë ja cera ato'oyën mëti'ipë Wintsën wintum yajpatpën.

Apocalipsis 2:5

Paaty mëmay mëtaj ma të mka'ayën, ja'amyäts ja Tios ets xytyuntëty ja oypyë jatëkok ijxtëm më'ëka'anyën. Pën ka'ap, ninëjkxëp yë'ë ets njëpëka'anyës ja mcera ato'oyën ma y'ityën, e ko mjootwinpitëty ka'ap jëtu'un jyatëty.

Apocalipsis 1:20

Ja wëxtujkpë ja matsa'a mëti'ipë të xy'ixyën n'a'oykyë'ëjotyës ets ja wëxtujkpë cera tooytyakn aak pu'ts pujxnpë, yë'ë nyikäjpxyp: Ja wëxtujkpë matsa'a, yë'ë ja niwëxtujkpë ja ayukkajpxwa'kxpë mëti'ipë ijtëpën ma ja mëpëjkpëtëjk ye'eymyuktën; ets ja wëxtujkpë cera ato'oyën, yë'ë ja wëxtujkpë ja kajpn ma ye'eymyuktën ja mëpëjkpëtëjkëty.

Hebreos 9:2

Ja wit tëjk ma ja näpyaatë y'ityën jä'ä ojts yajkojy mäjtskpëky, ma ja tu'kpëkpyën jä'ä yajtijy wa'ats it. Jap ja jëëntooytyakn ijty yajpaaty ets ja pëjkpäjn ja kënu'kxypyë ma ja tsajpkääky yajkëxmä'kxyën.

Jeremias 52:19

Näyjyëtu'un ja tsiptuunpë wintsën, ojts tmënëjkxta'ay ja apëjk atu'unën mëti'ipë pu'ts pujxn ets poop pujxn mëët y'oytyunyëtyën, tä ja mëj texyën, ma ja jëënpajk yaj'apëkën, ja mëj a'ukën; ja tu'ts ma ja kuyjaam nyipetyën, ja jëëntooytyakn, ja mëj jä'pn ets ja a'ukën mëti'ipë tuunpën ko yajyäky ja tsatym nyëë mëti'ipë tëë nyimaanaxyën.

1 Crónicas 28:15

ma yajtuk'oytyuna'anyën ja jëëntooytyakn. Ja putspujxn ets ja poop pujxn aak ojts yajkijpxta'ay jëtu'un tä ënäty tyuna'anyën;

1 Reyes 7:49

ja jëëntooytyakn mëti'ipë aak pu'ts pujxn mëët y'oytyunyëtyën japë y'ityën kënu'kxytyëkoty, mëkoxk ojts yajpëjktä'äky a'oytsyow ets mëkoxk anajnytsyow, mëët ja nyipuxnpëjy ja nyikutë'kxn ets ja nyimä'tn aak pu'ts pujxnpë mëët y'oytyunyëtyën,

Números 4:9

E ja jëëntooytyakn yë'ë nëjkx tukniwitstë tu'uk ja ukywyit ets jap näjyëtu'un niwitsy y'itëty yë pujxnmä'tn, ayä'äptexy, kutë'kxn ets tëkokyë ja nyi'a'ukën ma yajpëjkta'aktën yë on.

Números 3:31

Ya'atë ja'ayëty jënu'un tyu'kukajpn'atën, yë'ë ojts yajtuknipëktë ets tkëwent'atëty ja kaaxë mëti'ipë myë'ijtypyën ja käjpxytyu'unën ets ja kaaypyäjn ets ja mëj jëëntooytyakn, ja wintsë'këntyakn, ja apëjk atu'unënëty mëti'ipë tuunpën ko ja Tios ja wyintsë'kën yajmo'oy, ja wit'atëëytyuk ets tëkokyë winë mëti'ipë yajtuuntëpën ja teetytyëjkëty.

Levitico 24:3

Yë Aarón tëë tnijawë wi'ix t'oytyunyën yë kutë'kxn ets jap kyutë'kxëty tu'ktsu'um Wintsën wintum, ma ja wit tëjkën ma näpyaatë y'ityën, jää ma y'atëëytyukëtyën ja kaaxë mëti'ipë myë'ijtypyën ja käjpxytyu'unën. Ya'atë ënä'ämën xëmëkyëjxm jëtu'un y'itëty ets u'unk ok nyëjkxëty.

Números 8:2

Ënëëmë yë Aarón, ko t'oytyunëty yë kutë'kxn ets tyajtooypyëkëty, y'ixëp yajxon pën najtsjajëp jamtsow ma mëj jëëntooytyakn nyajts'ixën.

2 Crónicas 29:7

Ojts tyaj'ëtujknëtë ja tsajptëjk ma ja teetyëjk tyuntën ets ma ja wyit xyoxëty y'itën, mon pi'its ja jëën tëjk ojts wyë'ëmnë, ka'ap ja poom t'ëkyajtooynyëtë; nän ka'ap ja wintsë'kën t'ëkyajknëtë ma Wintsënën.