Levitico 24:22 - Biblia Mixe de Quetzaltepec

²² Ya'atë ënä'ämën tëyajtën nëjkxëp tyuunkpaaty ma ja kunaax kukajpnën ets oy jyamëty ma ja jaaypyaat jaaypyo'kxyën. Ëjts jëtu'un Wintsën, mëti'ipë miits mTiosajtëpën.

Levitico 24:22 ပူးပေါင်းရင်းမြစ်များ

Éxodo 12:49

Ya'atë ënä'ämën tunëp ma ja kunaax kukajpnëtyën ets ma ja jaaypyaat jaaypyo'kxyën, mëti'ipë jam tsënaaytyëpën ma miitsëtyën.

Números 9:14

Ja jaaypyaat jaaypyo'kxyëty mëti'ipë tsënaaytyëpën ma ja mnaax mkajpnëtyën, kopkpëky ko näjyëtu'un tmëjjawëtëty yë ëmaayxyëëw maas ëjts ja nxëëw mëj nyäxyën, jëtu'un tääjës të ni'ënä'ämën. Ja ënä'ämën mëti'ipës të nyajwë'ëmyën, tunëp näjyëtu'un ma jaaypyaat jaaypyo'kxëtyën ets ma kunaax kukajpnëtyën.

Números 15:29

Ya'atë ënä'ämën tunëp ma Israel ja'ayëty ets ma ja jaaypyaat jaaypyo'kxyën mëti'ipë tsënaaytyëpën ma miitsëtyën, pën ka'ap tsyokyëty të pyokytyuny.

Levitico 19:34

Jëtu'un xyjyawëtëty, tä aak miitsëty mnäjyawëtën. Tsoktë jawëtë jä'ä ko jëtu'un yë'ë jyä'äyëty tä miitsëtyën. Yë'ë ëkmëmay ëkmëtajtë ko miitsëty jaaypyaat jaaypyo'kxy ojts jap m'itë Egiptë. Ëjts jëtu'un Wintsën, mëti'ipë miits mTiosajtëpën.

Levitico 17:10

Ëjts ëxëëkës n'ixa'any ko tu'uk yë Israel ja'ay ëkë jaaypyo'kxyjyä'äy, mëti'ipë tsënääpyën ma miitsëtyën, tjë'kxëty yë ne'pny, wä'än twi'ixtsowëty. Yë'ë kopkpëkyës ko nyaj'ookëty ma ja nyaax kyajpnën.

Levitico 24:23

Moisés ojtsën jëtu'un ja naax kajpn t'ëwaanë ets ojts ja ja'ay jap tju'tnëtë naaxjoty kajpnjoty, mëti'ipë ënäty ja Wintsën të t'ëxëëktijyën, tä ojts tkuka'tsnëtë. Jëtu'un ojts tuntë ja Israel ja'ayëty, tä ënäty ja Tios ja Moisés të tyuk'ënä'ämën.

Deuteronomio 1:16

Ënätës näjyëtu'un ntuk'ëwa'anëtyë, tii mëpaat tuntën ets n'ënëmaaytyës: Miits mëtoow'itëp, tii y'amay'ajt jyotmay'ajtëp. Nipaye'eytyë ma amay jotmay tpaatën, wä'än yë'ëjëty yë kunaax kukajpn ets wä'än yë'ëjëty jaaypyaat jaaypyo'kxy.