Levitico 23:5 - Biblia Mixe de Quetzaltepec

⁵ Ko myajkmajkts'anëty ja mëtu'ukpë ja po'o jënäkxyëëw, jä'ä xynyixëëwtuntëty ja ëmaayxyëëw ma ja Tios xymyëjawëtëtyën.

Levitico 23:5 ပူးပေါင်းရင်းမြစ်များ

Josue 5:10

Yë Israel ja'ayëty jam ojts tsyënaaytyaknpëktë Guilgal, e ko myajkmajkts'aany ja po'o jää ojts tnixëëwtuntë ja ëmaayxyëëw, ma ja mëj joyën mëti'ipë Jericó kajpn jyä'ä'ajtypyën.

Mateo 26:17

Ma ëka'any tu'kxëëw yajnixëëwtunyën ja tsajpkääky ka'apë levadura tmëëtëtyën, jää ojts ja Jesús ja y'ijxpëjkpëtëjk nyiminyë ets yajtëëwëtë: ¿Ma xytsyoky etsës ja a'ux nyaj'oyëtëty, ma yajmëjjawëja'anyën ja ëmaayxyëëw?

Éxodo 23:15

Mxëëwtuntëp ma ja tsajpkääky yajkayën jëtu'unyëpë ka'apë tsyooymyëëtëty, jëtu'un tä të ntuk'ëne'emyën, wëxtujk xëëw xykyäyëty yë tsajpkääky ka'apë tsyooymyëëtëtyën. Ya'atë xëëw jää xytyuntëty ma ja xëëw po'o y'änyën mëti'ipë xyëëwajtypyën Abib, jä'ä ko jä'ä po'o ojts jap mtsoontë Egiptë. Ets maas ëjtsën ni pën mëpaat kyaminy jëtu'unyë pën ka'ap tii tmëminy.

Lucas 22:7

Tääts ja xëëw tpaty ma ja tsajpkääky yajkayën mëti'ipë ka'ap tii levadura tmëëtëtyën, ets ma tyaj'ooktën ja kupixyny ets tukwintsë'ëkëtë ja ëmaayxyëëw.

Marcos 14:12

Mëtu'kxëëwpë ënäty ja xëëw tyunyë ko ja jutiis ja'ayëty ja tsajpkääky tkaytyë ka'apë ja levadura tmëëtëtyën; ko tyaj'ooktë ja kupixyny ëmaay xyëëwjoty. Ënät ja Jesús ja y'ijxpëjkpëtëjk tyajtëëwtë: ¿Maas ja ëmaayxyëëw a'ux nipëjktaakëtëty ets n'a'ux'ajtmëty?

Ezequiel 45:21

Ma myajkmajkts anyën ja mëët tu'kpo'opë jää nëjkx xyajtso'onta'aktë ja ëmaay xyëëwk ets wëxtujk xëëw nëjkx xykyäytyë tsajpkääky ka'apë tsyooymyëëtëtyën.