Levitico 23:41 - Biblia Mixe de Quetzaltepec

⁴¹ Xëmë jëtu'un winjëmëjt ma ja mëwëxtujkpë ja po'o y'änyën, xëmë jëtu'un jä'ä mxëëwtuntëty ets jä'ä jyäkëty ja xëëw wëxtujk xëëw ma ja Tios jä'ä yajmëjjawëtyën. Ya'atë ënä'ämën kë'ëyxyëëw kë'ëyjyëmëjt jëtu'un y'itëty ets jëtu'un nyaaxëty u'unk ok.

Levitico 23:41 ပူးပေါင်းရင်းမြစ်များ

Números 29:12

Ma myajkmokx'anyën ja mëwëxtujkpo'opë, jää mye'eymyuktëty ets nëjkx xymyëjjawëtë ja Tios. Jä'ä xëëw nitituunk jää xykyatuntëty. Wëxtujk xëëw nëjkx mxëëwtuntë, ma yi'iyë ja Wintsën xy'ëwtatëtyën.

Nehemías 8:18

Wëxtujk xëëw xyëëwtuuntë; tyajtso'ontaktë mëtu'kxëëw ets tyajëjpkëjxtë ma wyëxtujk xëëwpetyën, winjëpom ja Esdras ijty ja ja'ay tukwinkukajpxë ja ënä'ämën tëyajtën mëti'ipë Wintsën jyä'ä'ajtypyën; kom tuktujk xëëw jää ojts ye'eymyujkta'atë ja ja'ayëty ets tu'uk ja mëj xëëw tyaj'apatëtyë jëtu'un tä ënäty tyu'unën'atyën.

Levitico 23:40

Ma mëtu'kxëëw ëka'any tsyo'ontä'äkyën, yë'ë nëjkx xyaktë ja oyëtypë ja aaytyëëm ujtstëëm mëët näjyëtu'un yë palmë'aay ets kepy'ääy mëti'ipë mëj këjää ninikëpën, tä yë kepyën mëti'ipë xyëëwajtypyën álamo, nëë ëkë'pë tyänëtën. E wëxtujk xëëwtsën jëtu'un y'itëty ma xi'iky xony myajpaatëtyën jam mWintsën Tios wintum.

Levitico 23:42

Miitsëty ninu'un m'Israel ja'ay'atën, ja wëxtujk xëëwpë yajpëjktä'äkyën mxëëwtuntëty, yë'ë nëjkx xytyuk'itëtë ja tëjk mëti'ipë ja'ayë nikemy nixo'omyën.

Levitico 23:14

Ma ënäty ja ayajk ako'onën xymyënëjkxa'antën Tios wintum, ka'ap mëpaat xykyäytyë yë tsajpkääky ets tsajpmokwaytyë'ëts, ëkë jëtu'unyë tsuxk. Ya'atë jëtu'unpë ënä'ämën jä'ä jëtu'un wyi'imy xëmëkyëjxm ets jëtu'un y'itëty u'unk ok, oy ënäty matsow mtimjyuuky'atë.