Levitico 23:34 - Biblia Mixe de Quetzaltepec

³⁴ Jëtu'un xy'ënëëmëty yë Israel ja'ayëty: ko myajkmokx'anëty ja mëwëxtujkpo'opë wëxtujk xëëw nëjkx mxëëwtuntë. Yë'ë mnixëëwtuntëp ja tëjk mëti'ipë jëtu'unyë xo'omyën ets ja Tios jä'ä nëjkx jä'ä xymyëjjaw xyänty jawëtë.

Levitico 23:34 ပူးပေါင်းရင်းမြစ်များ

Juan 7:2

E jä'ä ko tyimpatyp ënäty ja ujts aaytyëjk xëëw, tu'uk ja xëëw mëti'ipë ja jutiis ja'ayëty xyëëwtuuntëpën,

Nehemías 8:14

ets jap tpatë ko ojtstëm tëëyëp yë Wintsën tuk'ëne'emy yë Moisés ets Israel ja'ayëty tsyëënëtëty ma tu'uk tëjkën mëti'ipë ujtsxo'omyën ko koo xyëëwtuntëty winjëmëjt ma ja mëwëxtujkpë ja po'o y'änyën.

Esdras 3:4

Ojts tnixëëwtuntë ja tëjk nixo'omy, jëtu'un tä ënäty myinyën; xëmë winjëpom ijty tyaktë ja wintsë'kën, jëtu'un tä tu'kxëëwjaty tyuka'ayën,

Números 29:12

Ma myajkmokx'anyën ja mëwëxtujkpo'opë, jää mye'eymyuktëty ets nëjkx xymyëjjawëtë ja Tios. Jä'ä xëëw nitituunk jää xykyatuntëty. Wëxtujk xëëw nëjkx mxëëwtuntë, ma yi'iyë ja Wintsën xy'ëwtatëtyën.

Éxodo 34:22

Mëjjawëtëp ja xëëw mëti'ipë sëmaan'am yajtuunpën, ma yajnixëëwtunyën ja pëjktä'äky mëti'ipë mëjaawtso'onpën ets ma ja pëjktä'äky pyëti'ikyën ko jajëmëjt kyëjxnë.

Juan 1:14

Mëti'ipë yajtijpën Aaw Ayuk, yë'ë awinpijt naaxwiinyëtë ja'ay ets ojts jyuuky'äty ma ëëtsajtëmën. Tëë n'ijxëm ja myëj'ajt y'oyajtën ets ja myëj'ajt jyääntyajtën mëti'ipë ja Tios Teety tu'kpajk Y'u'unk'ajtypyën, mëët mëj'äämpy ja tsojkën ja'awën ets ja tëyajtën.

Éxodo 23:16

Mnixëëwtunëp näjyëtu'un yë pëjktä'äky ma ëka'any xyajpëtë'ëka'anyën yë mpëjktä'äky, näjyëtu'un mëti'ipë jää myajpëtë'kpyën ma jajëmëjt kyëjxnën, ma ënäty xyajpëtë'ktaaynyën tëkokyë mëti'ipë të xynyi'ipy të xykyojyën.

Hebreos 11:9

Mëët ko myëpëjky jëtu'un tsyënaay tä jaaypyaat jaaypyo'kxyën wiink naax wiink kajpn, ma ja Tios ënäty të tyukwinwanëtyën. Yë'ë tyuktsënaay yë wit tëjk, ujts tëjk, näjyëtu'un ja Isaac ets ja Jacob mëti'ipë y'ëxajëtyën ja waantakën.

Hebreos 11:13

Tëkokyë ya'atë ja'ayëty ojts y'o'kta'atë ets kä'äpyëm t'ëxajëtyë mëti'ipë ja Tios ënäty të tyukwinwanëtën; je'eyëp ko mëët ko myëpëjktë ojts jëkämpaat myäytyë tyajtë ets jotkujk nyäjya'awëtë jä'ä ko jëtu'un yaa najxëmë naaxwiiny jaaypyaat jaaypyo'kxyën.

Levitico 23:33

Ënät ja Tios ojts tmëkäjpxy ja Moisés ets t'ënëmaay:

Levitico 23:42

Miitsëty ninu'un m'Israel ja'ay'atën, ja wëxtujk xëëwpë yajpëjktä'äkyën mxëëwtuntëty, yë'ë nëjkx xytyuk'itëtë ja tëjk mëti'ipë ja'ayë nikemy nixo'omyën.

Levitico 23:43

Ets jëtu'un nijawëtëty ja m'u'unk m'okëty, ko ojts miitsëty jap nyajpëtsëmtë Egiptë, jam ojts nyaj'it nyajtsëënëtë, ma ja jëën tëjkën nikemy nixo'ompyë. Ëjts jëtu'un Wintsën mëti'ipë miits mTiosajtëpën.

Deuteronomio 16:16

Tu'kë'ëyë ye'etyëjktëjk tëkëëk'ok jam nyäwya'këxë'ëkëtëty Wintsën wyintum tu'kjëmëjtpë. Jam ma ja it naaxwiinyëtën mëti'ipë ënäty yë'ë kë'ëm të twin'ixyën. Jää nëjkx jam nyäwya'këxë'ëkyë ma ënäty ja tsajpkääky ka'apë tsyooymyëëtëtyën yajnixëëwtunyën, ma yajnixëëwtunyën ja pëjktä'äky wëxtujk sëmaan ets ma yajnixëëwtunyën ja tëjk nixo'omy. Ni pën tkajëkyepy tninëjkxëty ja Wintsën jëtu'unyë ets ka'ap tii tmënëjkxëty ets tukwintsë'ëkëty.

Deuteronomio 31:10

Tääts ojts tyajwë'ëmy ya'atë ënä'ämën, y'ënäny: Win wëxtujk jëmëjt, ma ënäty tukka'ayën ets ja nu'kxy yajnimä'kxëty, jää xynyixëëwtuntëty ja tëjk nixo'ompyë.

1 Reyes 8:2

E jä'ä xëëw ma ënäty yajxon yajnixëëwtunyën ja tëjkxo'omy, ma Etanim po'o y'änyën, wa'ats myujktaaytyë ja Israel ja'ayëty mëët ja Salomón.

1 Reyes 8:65

Näy jä'ä xëëw ja Salomón ojts tnixëëwtuny ja tëjk xo'ompyë mëët tëkokyë ja may Israel ja'ayëty. Mayjyä'äy ënäty jam yajpatp, ojts myiinta'atë ja mëti'ipë jam tsënaaytyëpën Hamat ets jampaatpë tsyëënëtën ma ja Egiptënaax mëët nyäpyaatëtën. Wëxtujk xëëw wëxtujk tsu'um xyëëwtuuntë, ëpëky ojts kyä'pxy majkmajkts xëëw.

1 Reyes 12:32

Ojts näjyëtu'un tu'uk ja xëëw tyajnaxkëtä'äky, ma myajkmokx'anyën ja mëtuktujkpo'opë, jëtu'un tä ijty jam xyëëwtuntën ja ja'ayëty ma ja Judá kajpnën ets kë'ëm wyintsë'kën ojts tkë'ëyajkojy ma ja wintsë'këntyaknën. Ya'atë ojts jam tuny Betel, ko tmooy ja wyintsë'kën ja tsajpkaa ayääkë, ma ënäty ja nyiteety kë'ëm të tpëjktakën.

Ezequiel 45:25

Näyjyëtu'un ma yajnixëëwtunyën yë tëjkxo'omy, ma myajkmokx anyën yë wëxtujk po'opë, yë yajkutujkpë wëxtujk xëëw mëpaat yë wintsë'kën tyäky, mëti'ipë nëë poky tyukunaxëpën, näjyëtu'un yë jëyujk ets aaypyajk ujtspajk tyakëty tä jëyëjp të yajnikäjpxyën.