Levitico 23:22 - Biblia Mixe de Quetzaltepec

²² Ko yë mpëjktä'äky xyajpëtë'ëkëty, këtii janty wa'ats xy'ijxmujkta'ajëty winë, mëti'ipë muum ka'apën. Yajwë'ëmtë wäänë ets yë'ë ëyoopëja'aytyëjk pyëjkmuktëp, ëkë jaaypyaat jaaypyo'kxy. Ëjts jëtu'un Wintsën, mëti'ipë miits mTiosajtëpën.

Levitico 23:22 ပူးပေါင်းရင်းမြစ်များ

Isaías 58:10

Ko xyajkay xyaj'uukëty ja ja'ay mëti'ipë yuu'o'këpën, ko xypyutëkëty ja ja'ay mëti'ipë amaayjoty jotmayjoty yajpatpën, ja mjuukyajtën jëtu'un yaj'ixa'any tä jëën koots tyi'kxyën ets tä xëëw y'aantä'äkyën ko wyintuky'äty.

Lucas 11:41

Putëkëtë ja ëyoopëja'ay ëmuumtu'ukjot ets jëtu'un ja mjot mwinma'any wya'atstëty.

Salmos 112:9

Yajwä'kxyp ja wyit myeeny ma ja ëyoopëja'ayën, ja y'oyjyä'äyajtën xëmë tmëët'aty; mëët ja y'ijxë'ëky kyoowë'ëky.

Levitico 23:23

Ënät ja Tios ojts yë Moisés tmëkäjpxy ets t'ënëmaay:

Rut 2:2

Ënät yë Rut jatëkok t'ënëmaay yë Noemi: Nanë, ëwatskës yë ntu'u, wä'änës nëjkx n'ixta'ay yë tsajpmok, kooxyëp muum npaatëtyës yë ja'ay mëti'ipë oyjyä'äyën ets jam kyamjotm npëjkmukëtyës yë tsajpmok mëti'ipë tu'uka'apën. Nëjkx, u'unk, nëjkx, jëtu'un ja tyaakxyäkxy y'ëtsoowë.