Levitico 23:20 - Biblia Mixe de Quetzaltepec

²⁰ Yë teety yë'ë nëjkx tyäky ya'atë wintsë'kën jam ma Tiosën, mëët ja tsajpkääkyëty, mëët ko tkënu'kxy ja pëjktä'äky ets mäjtsk ja kupixyny. Ya'atë yë'ë nëjkx ja Tios jëyëjp yajtukninëjkxy ets ja teety jä'ä nyiwë'ëmëtëty.

Levitico 23:20 ပူးပေါင်းရင်းမြစ်များ

Deuteronomio 18:4

Näyjyëtu'un ja aaytyëëm ujtstëëm, ja aaypyajk ujtspajk, tä yë tsajpmokën, tsatsymnyëëjën ets on mëti'ipë ëka'any yajpëjkë'kpën; näjyëtu'un ja u'kxywyit mëti'ipë ëka'any ja ja'ay nyëëke'pyën ma ja kyupixynyën.

Efesios 2:14

Kristë ëëts të xymyo'oyëm ja jotkujk'ajtën. Yë'ë të tyajnämyukyë ja jutiis ja'ayëty mëët mëti'ipë ka'ap jyutiisëty ets të tyajkutëkoy ja tsip mëti'ipë ijty xyajnäwya'kxëmën,

1 Corintios 9:11

Tëës ja Tios ja y'aaw y'ayuk ni'ipy ma miitsëtyën ets paat'ajtëp miits n'amëtowtëty mëti'ipës ntukjuuky'atëpën.

Lucas 2:14

Mëjjaw jaantyjawë ja Tios nyäxy tsajpjotmëpë, ets wä'än jotkujk ja naaxwiinyëtë ja'ay tyajpaatë mëti'ipë tyuk'oy'ajtëpën ko ja mëyajtën të tuny.

Levitico 23:17

Ets mäjtsk yë tsajpkääky xymyëtsoontëty jam ma mtëjkëtyën tsajpmokwaytsyooymyëëtpë, mëti'ipë mëët y'oytyunyëtyën yë tsajpmokway ja wäänë'oypyë, tu'ukpë ja tsajpkääky jä'ä ja tsajpmokway tyajnëjkxëty taxk tsimën ets ja Tios yë'ë yajmo'ojëty, mëët ko ja jë'kxy pëky jam tyäky kamwinm tu'uwinm.

Levitico 8:29

Tä ja Moisés tpëjkë'ky ja tsajppax katy ets ojts ja Tios tmo'oy tä ënäty tyuny'ätyën. Ja tsajppax ja kyäty mëti'ipë të yajkënu'kxyën, yë'ë ojts tjä'ä'aty ja Moisés, jëtu'un ijxtëm ënäty ja Tios të tnikäjpxyën.

Éxodo 29:24

Pëjktakta'a ya'atë ma Aarón yë kyë'ëjën ets ma y'u'unk y'ëna'këtyën ets jëtu'un xytyukkë'ëwanëty ijxtëm tyuunk'atyën Wintsën wintum.

Levitico 23:19

Nëjkxëp näjyëtu'un ja tsajppax tu'uk xyaktë ets ja Tios xytyukwintsë'ëkëtëty ets ja poky jä'ä tkunaxtëty ets mäjtsk yë kupixyny mëët ko ja nay'ëëw'oy näykyajpx'oyë tyunyë mëët ja Tios.

Levitico 23:21

Jä'ä xëëw mye'eymyuktëty ets wa'ats nëjkx xytyijtë ya'atë nyänyiye'eypyätë, ni pën mëpaat tiituunk pën tkatuny. Ya'atë ënä'ämën jä'ä jëtu'un wyë'ëmëty kë'ëyxyëëw kë'ëyjyëmëjt ets u'unk ok jëtu'un xypyatuntëty.