Levitico 23:2 - Biblia Mixe de Quetzaltepec

² Jëtu'un xy'ënëëmëty yë Israel ja'ayëty: ko ya'atë xëëw ya'atë jëmëjt jëtu'un mëpaat tnixëëwtuntë ja Tios ets ya'atë xëëw jä'ä xyajnaxëty wa'ats ets oy.

Levitico 23:2 ပူးပေါင်းရင်းမြစ်များ

Levitico 23:37

Ya'atë jëtu'un xëëw'ajtp jëmëjt'ajtp mëti'ipë mëpaat ja Tios jä'ä yajtukmëjjawën, ja näpyaat näy'ixë ets ja nämyuk näxyu'umë, mëti'ipë mëpaat wa'ats xyajnaxtën ets ma mëpaat xyaktën ja m'ayajk m'ako'onënëty mëti'ipë no'okyën, mëti'ipë ja Tios mo'otëpën, näjyëtu'un ja jëyujk mëti'ipë nino'oky myaktëpën, ja m'ujts tëëm m'ujts pajkëty, ja tsatsym nyëëjëty ets jëtu'un wi'ixëty ja nyixëëw tpaatyën tu'uk tu'ukëty.

Levitico 23:4

E tyaa jëtu'un myiny kuja'ay jëna'a jëtu'un mëpaat mniye'eypyätën ets mxëëwtuntën, ma ja Tios xymyëjjawëtyën.

Joel 2:15

Tukxu'uxtë yë pujxnxuxn jam ma Sión kopkën. Mëkajpxmujkta'atë yë kajpn ets m'ayuu'atëty;

Oseas 2:11

Nëjkxëpës nyajkëxy nyajnaxy yë xyoontakënëty, yë xyëëwëty ets ma po'o u'unk tnixëëwtuntën, ma sapëtë xëëw tpo'kxtën ets tëkokyë xyëëwëty.

Salmos 81:3

Myaj'ëna'antëp yë xuxn ko yë po'o myutsk'atëty, ets myaj'ëna'antëp näjyëtu'un ko tsyuukijpxëty, jä'ä ko jää ja nmëj xëëwajtëm nyäxy.

Números 29:39

Ya'atë wintsë'kën'atëp mëti'ipë Wintsën yajmo'ojëpën ma tu'uktu'uk ja xëëw nyaxëtyën, ëpëky ja ayajk ako'onën mëti'ipë nitu'ukjaty mëpaat ja ja'ay tyaktën ets ja tsojkënkyëjxmëpë tyajkpëtën, jä'ä jëtu'un ja mëti'ipë yajnino'kpën ets ja aaypyajk ujtspajk mëti'ipë ayajkën'ajtp ako'onën'ajtpën ets ja tsatym nyëë ets ja Tios jä'ä yajtukwintsë'ëkëty, mëët ko ja nay'ëëw'oy näykyajpx'oyë y'ity mëët yë'ë.

Números 10:10

Myajxu'uxtëp näjyëtu'un yë pujxnxuxn ma xoontakën y'ityën, ijxtëm ko yë xëëw tyunyën ets ko yë po'o pyi'k'aty. Näyjyëtu'un ko yë wintsë'kën xyaktëty nino'okpyë ets ko yë wintsë'kën xyaktëty ma ja nay'ëëw'oy näykyajpx'oyë y'ityën. Jëtu'un'äämpy miitsëty nja'amyätstëty. Ëjts mWintsën Tiosëty.

Juan 5:1

Tëë ënäty ja tiempo wäänë nyäxy ets tam ënäty ja jutiis ja'ayëty xyëëwtuntë ko ja Jesús ojts jatëkok nyijkx jam Jerusalén.

Nahúm 1:15

Ixtë, xim myiny kopkkëjxm ja mëti'ipë yajmiinpyën ja aaw ayuk ko jyää'ata'any ja jotkujk'ajtën. Xëëwtun xëëwkajpx ënät mijts Judá; tun ja mëti'ipë të xywyinwanën. Nijëna'a yë mmëtsip ëxëëk mka'ëktuunënëty; jä'ä ko tëë ja kyutëkooytya'atë.

Joel 1:14

Mëkajpxmujkta'atë yë naax kajpn ets y'ayuu'atëty; yajmujkta'atë yë yujkyeekytyëjkëty ets mëjja'aytyëjk ets nitëkokyë ja'ayëty jap tsajptëkoty ets tmëkajpxtëty yë Wintsën.

Lamentaciones 1:4

Mon tuk yaj'ixy yë Sión tu'u. Ka'ap pën y'ëkmiinë xëëw'ijxpë. Aanë'ëk tëëtsë'ëk yajpaaty ja tëjkëtyakn, jëëytyëp yaxtëp ja teetytyëjkëty, ëjtëp tu'ktëp ja ëna'ktëjkëty ets ja Jerusalén kajpn yajpaaty mon tuk.

Isaías 33:20

Ixtë ja Sión kajpn, ma xëmë ja xëëw tyunyë jyätyën; najts'ixëtë jam Jerusalén, jam ma yajpaatyën ja jotkujk'ajtën, mëti'ipë mëkën, mëti'ipë ta'tspëkyën ma ja tsiptuunpëtëjk jyajta'aktën, mëti'ipë ta'tspëky nikupën ets ka'ap nijënu'un nyitejpxy pyoty.

2 Crónicas 30:5

tä tkajpxwa'kxtaaytyë ja aaw ayuk, tyajtso'ontaktë jam Beerseba jampaat Dan, ma twoowtsowtën ja ja'ayëty ets myintëty jam Jerusalén xëëw'ajtpë, ma yajmëjjawëja'anyën ja ëmaayxyëëw mëti'ipë ja Wintsën jyä'ä'ajtypyën, mëti'ipë ja Israel ja'ayëty y'ëwtajtëpën. Jä'ä ko ka'ap ijty nëkooyë ja'ay jëtu'un ya'atë xëëw tnimintë, jëtu'un tä ënäty jyaminyën kuja'ay.

2 Reyes 10:20

ënät tnipëjktakëy tu'uk ja mëj xëëw ets ja Baal yajnixëëwtunëty.

Levitico 23:44

Jëtu'un'äämpy jëtu'un ojts ja Moisés tnikäjpxy jëna'a, jëtu'un mëpaat ja Israel ja'ayëty xyëëwtuntën ets ja Tios jä'ä tmëjjawëtëty.

Levitico 23:21

Jä'ä xëëw mye'eymyuktëty ets wa'ats nëjkx xytyijtë ya'atë nyänyiye'eypyätë, ni pën mëpaat tiituunk pën tkatuny. Ya'atë ënä'ämën jä'ä jëtu'un wyë'ëmëty kë'ëyxyëëw kë'ëyjyëmëjt ets u'unk ok jëtu'un xypyatuntëty.

Éxodo 32:5

Ko yë Aarón jëtu'un t'ijxy, ënät tu'uk yë wintsë'këntyakn tyaj'o'oyëy, ma ja awinax tpëjkta'aka'anyën, jëtu'unpë kyëxë'ëkyën tä ja tsajpkaajën ets ojts mëk jyänty yujk'ëna'any: Jëpom yë mëj xëëw ntu'unmëty ma Wintsën nmëjja'aw nkënu'kxyjya'awëmëtyën.

Colosenses 2:1

Yë'ës ntsojkpy ets miits xynyijawëtëty ko mëk yam nnitsiptuntë ets näjyëtu'un mëti'ipë tsënaaytyëpën jam Laodicea ets ni'ëmukë ja wiinkëtypë mëti'ipë ka'ap xy'ixy'atës.

Colosenses 2:16

Këtii xymyëjpëjkta'aktëty ko ja'ay mnikajpx mnimëtya'akëtëty pën tii mkaaytyëp mjë'kxtëp, mëti'ipë xëëw m'ëmaay'ajtëp mka'ëmaay'ajtëp, pën yë'ë jempyo'o ëkë po'kxënxëëw.

Levitico 23:1

Ënät ja Tios ojts ja Moisés tmëkäjpxy ets t'ënëmaay:

1 Crónicas 23:31

ets ko yajyäky ja wintsë'kën jëpom, jëpom, ma xëëw tyunyën ets ma po'kxënxëëwën ets jënu'un ja xëëw tyimtuny tyimjatyën mëti'ipë, xëmë mëpaat tmëtuntë ja Wintsën jëtu'un tä ënäty yë'ë të tyuka'ajëtën.

Ezequiel 44:24

Ko ja'ay tsyippaatëty yë'ë nëjkx tnipaye'eytyë ja tëko'oyën tä jeexyë tu'uk nipaye'epyën mëët ja n'ënä'ämënës ntëyajtënës. Nëjkxëp tpatuntë ja ënä'ämën mëti'ipë nyikäjpxypën jëna'a ja xëëw yajtunëtyën ets kopkpëky ko näjyëtu'un tpo'kxtëty ja npo'kxënxëëwës.

2 Crónicas 2:3

Ënät tnija'ayëy ja yajkutujkpë mëti'ipë txëëwajtpën Hiram, jampë kyukajpnëtyën Tirë, t'ënëmaay: Tun mëyajtën, ntsojkpyës ets näjyëtu'unës xy'oyjawëty tä ojts xy'oyjyawën ja nteetyës David, mijts ojts may xymyo'oy kepy ets t'oytyunëty ja kyutujkëntëjk ma jyuuky'atëtyën.

Esdras 3:5

ëpëky näjyëtu'un tyajktëpë ja wintsë'kën winjëpom, ma tmëjjawëtën ja po'o u'unk, ëpëky näjyëtu'un mëti'ipë ja kënu'kxy xëëw tyukwintsë'këtyëpën, ma ja Wintsën jä'ä yajtukmëjjawën ets ëpëky mëti'ipë kë'ëmwinma'any yajktëpën.