Levitico 23:10 - Biblia Mixe de Quetzaltepec

¹⁰ Jëtu'un xy'ënëëmëty yë Israel ja'ayëty: ko ënäty miitsëty jam të mjajnëtë ma ja itjotmën, mëti'ipë nmo'ojantëpën ets xynyiyu'ujëtëty ja tsajpmok ets y'itëty wyintëwëty, ko nëjkx xyajpëtë'knëtë ja pëjktä'äky, ja më''ëka'anypë xyajpëtë'ëktën, tu'k'atsumy nëjkx ja teety jëyëjp xymyo'otë.

Levitico 23:10 ပူးပေါင်းရင်းမြစ်များ

Éxodo 34:26

Yë'ë mëpaat xymyënëjkxtë ma ja mWintsën Tios ja tyëjkën, oyëtypë aaytyëëm ujtstëëm mëti'ipë tëëm'ajtë'kpën më''ëka'any, jampë pyëtsimyën naaxwinm kamwinm. Këtii yë tsajppax u'unk jap xyajkë'ëwtëty ma tyaak yë tsyi'tsk nëëjën.

Éxodo 23:19

Yë oyjyätyëtypë aay ujts mëpaat xymyënëjkxy ma mWintsën yë tsyajptëjkën, mëti'ipë ëka'any tëëm'ajtë'kpën. Këtii yë tsajppax u'unk jap xyajwinkë'ëwëty ma tyaak yë tyi'tsknëëjën.

Apocalipsis 14:4

Yë'ë mëti'ipë oy tsuj të jyä'äy'atën ets ka'ap të nyäyaj'ëxëëkëtë mëët ja to'oxytyëjk. Wa'ats yë'ëjëty të nyäyaj'itëtë, pyanëjkxtëp oy tyimmaajëty mëti'ipë yajtijpën Kupixyn U'unk. Yë'ë jëtu'un jëwyiin të nyätyukmëyoxëtë ja Tios ets mëti'ipë yajtijpën Kupixyny U'unk ets të tuknitso'oktë.

Santiago 1:18

Jä'ä ko Tios jëtu'un të tsojkën'aty, paaty të xymyo'oyëm ja juukyajtën mëtëypyë mëët ja aaw ayuk. Tu'kë'ëyë mëti'ipë Tios yajkojën, jëtu'un yë'ë ijxtëm tii tyëëm'atyën ets n'ijtmëty ijxtëm ja aay ujtsën mëti'ipë jëyëjp tëëm'ajtë'kpën.

Deuteronomio 16:9

Ko ënäty wëxtyikxy ja taxtujk xëëw të nyäxy, jä'ä xëëw ma ënäty ëka'any ja pëjktä'äky yajtuunk'atyën, ma ja tsajpmok myukyën.

Números 28:26

Ma yajnixëëwtunyën ja pëjktä'äky ma më''ëka'any pyëti'ikyën, ko ja Wintsën xymyo'otëty ja jemypyë ja aaytyëëm ujtstëëm, jää ma ënäty yajnixëëwtunyën ja wëxtujk xëëwpë. Nëjkxëp jää mye'eymyuktë ma ja Tios mëj'äämpy xypyëjkta'aktëtyën. Jä'ä xëëw nitiituunk mëpaat jää xykyatuntë.

Ezequiel 44:30

Yë teetytyëjkëty nän yë'ë nëjkx tjä'ä'atë mëti'ipë më''ëka'any pëtë'kpën kamjoty tu'ujoty ets ja ayajk ako'onën mëti'ipë më''ëka'any yajyajkpën. Ets ko ënäty ja jëtsy yajwooky mëti'ipë tsajpkääky yajtuk'oytyuunpën, yë'ë nëjkx yë teetytyëjkëty tjä'ä'atë. Jëtu'un nëjkx yë nkënu'kxënës jam kyëtä'äky ma mjëën mtëjkëtyën.

Números 15:2

Jëtu'un xy'ënëëmëty yë Israel ja'ayëty: ko ënäty jam të jya'ajnëtë ma ja naax kamën mëti'ipës nmo'ojantëpën ets jam tsyëënëtëty jyuuky'atëty.

Levitico 23:17

Ets mäjtsk yë tsajpkääky xymyëtsoontëty jam ma mtëjkëtyën tsajpmokwaytsyooymyëëtpë, mëti'ipë mëët y'oytyunyëtyën yë tsajpmokway ja wäänë'oypyë, tu'ukpë ja tsajpkääky jä'ä ja tsajpmokway tyajnëjkxëty taxk tsimën ets ja Tios yë'ë yajmo'ojëty, mëët ko ja jë'kxy pëky jam tyäky kamwinm tu'uwinm.

Éxodo 34:22

Mëjjawëtëp ja xëëw mëti'ipë sëmaan'am yajtuunpën, ma yajnixëëwtunyën ja pëjktä'äky mëti'ipë mëjaawtso'onpën ets ma ja pëjktä'äky pyëti'ikyën ko jajëmëjt kyëjxnë.

Éxodo 23:16

Mnixëëwtunëp näjyëtu'un yë pëjktä'äky ma ëka'any xyajpëtë'ëka'anyën yë mpëjktä'äky, näjyëtu'un mëti'ipë jää myajpëtë'kpyën ma jajëmëjt kyëjxnën, ma ënäty xyajpëtë'ktaaynyën tëkokyë mëti'ipë të xynyi'ipy të xykyojyën.

Éxodo 22:29

Ka'ap xymyëpo'kxëty yë m'ayajk m'ako'onën ets mpëjktä'äky mëti'ipë mmëminëpën ma ëjtsën. Yë m'u'unk mmaay, mëti'ipë ënäty më''ëka'any mëxu'unk'ajtpën, ëjts xymyo'ojëp.

Romanos 11:16

Jëtu'un ijxtëm ja jëtsyën mëti'ipë ja Tios yajtuknipëjktakëpën kënu'kxy ja nyäxy, näjyëtu'un ja tsajpkääky nän kënu'kxy jä'änë. Näyjyëtu'un ënät tu'uk ja kepy tyikts ko tëë Tios tkënu'kxy, ja kepyxye'enty aak wa'ats ja nyajxtaaynyë.

Levitico 14:34

Ko ënäty miitsëty jam myajpatnëtë Canaán, ma ja it naaxwiinyëtën mëti'ipë nmooytyëpën etsës ajotkumonë nkäxëty yë pa'am mëti'ipë xyëëwajtypyën pu'uts pa'am, ma mjëën mtëjkëtyën oymyëti'ipë naax myëti'ipë kajpnëty.

Levitico 23:9

Ënät ja Tios ojts tmëkäjpxy ja Moisés ets t'ënëmaay:

Levitico 23:11

Ets komjëpom ma ja po'kxënxëëw ënäty të nyäxyën, jä'ä xëëw tyakëty ma Wintsënën, jëtu'un tä tu'uk yë ayajk ako'onën, täänëm nëjkx yajkupëky.

Rut 1:22

Jëtu'un'äämpy yë Noemi mëët yë Rut ojts jam tsyo'onëtë ma Moab y'itjotmën ets nyëjkxnëtë Belén, ko jam jyajtë yë'ë ënäty yë tsajpmok ja'ay kamwinm yajpëtë'ëkantëp.