Levitico 22:32 - Biblia Mixe de Quetzaltepec

³² Këtii xyjyaamtään xynyaaxtääntëty ëjts yë nxëëwës, jëtu'un'äämpyës mëj nyajpëjkta'akëty ma Israel kajpnën. Ëjts jëtu'un Wintsën, mëti'ipë miits të mkënu'kxëtën ets të myajwa'atsëtën.

Levitico 22:32 ပူးပေါင်းရင်းမြစ်များ

Lucas 11:2

Tääts ja Jesús y'ëtsooy: Ko Tios xymyëpëjktsowtëty, jëtu'un m'ëna'antëty: Tios Teety, kënu'kxy ja mxëëw nyaxëty. Wä'än tminy ja mkutujkën.

Levitico 18:21

Këtii nijëna'a yë m'u'unk xykyë'ëyakëty ma ja wiink tiosën, mëti'ipë xyëëwajtypyën Moloc, këtii yë mTios jëtu'un'äämpy xyajjotma'atëty. Ëjts jëtu'un Wintsën.

Mateo 6:9

Jëtu'un ja Tios xymyëkajpxtëty: Tatë Tios tsajpjotmëpë m'ityën, wintsë'ëkë ja mxëëw y'itëty.

Levitico 22:2

Ënëëmë yë Aarón ets y'u'unk y'ok, ko mëk jëtu'un yajxon timkyëwent'atëty, mëti'ipë yë Israel ja'ayëty yajktëpën, mëti'ipës yajmoopyën. Jä'ä ko wa'atsëty yë'ë, këtiipës yë nxëëw ëxëëk wyë'ëmëty. Ëjts jëtu'un Wintsën.

Levitico 10:3

Ënät ja Moisés t'ënëmaay ja Aarón: Ya'atë jëtu'un yë Tios të tjatijy ko të y'ënä'äny: Pën nëkoo kë'ëmwinma'any xymyëwinkoonpës ntuk'ixëpës yë nwa'atsajtën, ets jëtu'un yë Israel ja'ayëty t'ixtëty, ëjts yë nmëj'ajt n'oyajtën. Yë Aarón amonyë ojts tyimwë'ëmy.

1 Corintios 1:2

Tyamës ja mëpëjkpëtëjk ntuknikäxtë ja noky mëti'ipë ye'eymyujktëpën jam Corinto ets tu'ukyë y'itë mëët ja Kristë Jesús, mëti'ipë ja Tios të yaxtsowëtën ets jyuuky'atëty wa'ats, miits ets ni'ëmukë mëti'ipë ja Jesukristë xyëëw kyajpxpatëpën, ëëts nWintsën'ajtëmë ets näjyëtu'un yë'ëjëty.

Juan 17:17

Kënu'kx mëët ja tëyajtën ets mijts xytyuk'oy'atëty; jä'ä ko yë m'aaw m'ayuk tëy'ajtën'ajtën yë'ë.

Isaías 5:16

Ja Wintsën mëti'ipë maaytyääyëpën winë, nëjkxëp ja myëj'ajtën tyaj'ixyë ko ënäty winë tnipaye'ey; jëtu'un nëjkx ja Wintsën tyaj'ixyë ja wya'atsajtën ko ënäty mëtëy winë tuny.

Levitico 21:15

Këtii ixtijy tyajwë'ëmpëty ja myëku'uk mëti'ipë mëët tyu'kjëëky'äty tyu'kmëku'uk'atyën. Jä'ä koos mëti'ipë Wintsën'ajtën tëëjës yë nkënu'kxtë.

Levitico 21:8

Jä'ä jëtu'un mëpaat xymyëët'aty wa'ats. Jä'ä ko yë'ë jëtu'unëty xëmë kyë'ëyajktëp ja tsajpkääky ma Tiosën mëti'ipë mTios'ajtypyën. Paaty wa'ats jëtu'un mëpaat y'itë, jä'ä koos mëti'ipë Wintsën'ajtpën, wa'atsës yë'ë, etsës jä'äs yë'ëjëty mpëjkta'aktë wa'ats.

Levitico 20:8

Patuntë yë n'ënä'ämënës ntëyajtënës ets yë'ë kuuytyuntë. Ëjts jëtu'un Wintsën, mëti'ipë yam miitsëty mkënu'kxëtëpën.

Levitico 22:16

Ets pyokytyuuntëpëty jëtu'un, mëët ko ënäty tjë'kxtë ja mëti'ipë wa'atsën ets kënu'kxyën. Ëjts jëtu'un Wintsën, mëti'ipë yë'ëjëty të kyënu'kxëtën.

Levitico 22:31

Pëjkë'ëktë yë n'ënä'ämënës ntëyajtënës ma mjot mwinma'anyëtyën ets patuntë jëtu'un. Ëjts jëtu'un ënaanp mëti'ipë Wintsën'ajtpën.

Levitico 22:33

Ets të nyajpëtsëmtë, jap ma Egiptë kajpnën, ëjts näjyëtu'un miits xyTios'ajtëp. Ëjts jëtu'un Wintsën.

Isaías 8:13

Yë Wintsën mëti'ipë maaytyääyëpën winë yë'ë mëpaat yajtsë'ëkë, jä'ä ko wa'ats yë'ë ets yë'ë wyintuuy mëpaat'ajtp yajwintsë'ëkëty.