Levitico 22:27 - Biblia Mixe de Quetzaltepec

²⁷ Ko myëxu'unk'atëty tu'uk yë tsajpkaa u'unk, ëkë kupixyny u'unk, ëkë tsajppax u'unk, wëxtujk xëëw mëpaat tmëwë'ëmy yë tyaak. Ko tuktujk xëëw t'apäjtnëty, jyëkyäjpnëp yë Wintsën yajtukwintsë'ëkëty ets nyitoyëty jam ma ja wintsë'këntyaknën.

Levitico 22:27 ပူးပေါင်းရင်းမြစ်များ

Éxodo 22:30

Näyjyëtu'un ja më''ëka'anypë tyajja'tyën ja y'u'unk myääy ja mtsajpkaato'oxy, ëkë mtsajppax mkupixyny nëjkx xymyo'oyës. Jyëkyäpëp je'eyë wëxtujk xëëwën myëët'atëtëty yë tyaak, e ma ënäty tuktujk xëëw y'apäjnë, jää xymyooynyëtyës.

Levitico 22:25

Näy ka'ap xykyupëktëty jëtu'unpë jëyujk, mëti'ipë yë jaaypyaat jaaypyo'kxy yäjkpyën ets yë'ë Tios yajmooypyëty, Tios ka'ap jëtu'unpë tkupëky. Jä'ä ko tääpë jëyujk ka'ap yë kya'pxëty ets ka'ap y'oyëty myëkëty.

Éxodo 28:38

Yë'ë Aarón ya'atë tsyëëm'itëp ets yë'ë tukëtakpäjta'ajëtëp ja Israel ja'ayëty ja nyëë pyokyëty, näjyëtu'un ko ja yojxën tkë'ëyakëty ma ja Tiosën, yë Tios ko t'ixëty ya'atë tsya'a, ënätnëm t'ëxajëty tkupëkëty ja yojxën mëti'ipë ënäty yajmoopyën.

Levitico 22:26

Ënät yë Tios ojts tmëkäjpxy yë Moisés ets t'ënëmaay:

1 Samuel 7:9

Ënät yë Samuel ojts tu'uk tyaj'ooky yë kupixyny u'unk ets tukwinno'ky yë Tios, ets tkunu'kxtäky ja Israel ja'ayëty, e ja Wintsën ojts ja jyänty y'ëtsoyë.

Éxodo 22:29

Ka'ap xymyëpo'kxëty yë m'ayajk m'ako'onën ets mpëjktä'äky mëti'ipë mmëminëpën ma ëjtsën. Yë m'u'unk mmaay, mëti'ipë ënäty më''ëka'any mëxu'unk'ajtpën, ëjts xymyo'ojëp.