Levitico 22:23 - Biblia Mixe de Quetzaltepec

²³ Pën mo'ojäämpy yë Tios yë wintsë'kën tsojkënkyëjxm, jyëkyejpy yë'ë tyaktëty tsajpkaa ëkë tsajppax mëti'ipë tyekyën winpukon. E pën yë'ë myaj'ëtukäämpy yë mwaantakën yë'ë jëtu'unpë ka'ap nëjkx yë Tios m'ëxajxëty.

Levitico 22:23 ပူးပေါင်းရင်းမြစ်များ

Levitico 21:18

Oy ko tëyajtën ntimkyajpxëtyës, ni pën mëpaat ma ëjtsën kyawa'këxë'ëky; mëti'ipë wiintsën tekymya'atën, jëjp keyën, tatsk keyën,

Éxodo 35:29

Tëkokyë yë ja'ayëty ye'etyëjk to'oxytyëjkpë ojts ja jyot wyinma'any y'ëwa'atstë ets pyutëkëja'antë ma ja tuunk jam y'ityën, mëti'ipë ja Moisés ojts ja Tios tyuk'ëne'emyën, mëët ja ayajk ako'onën mëti'ipë myëmiintën, jëtu'un ojts tyaktë tä ënäty ja jyot wyinma'any y'ëna'antën.

Levitico 22:22

Ka'ap mëpaat yë'ë Tios xytyimmooynyëtë yë jëyujk mëti'ipë wiintsën, mëti'ipë tsëtyutën, mëti'ipë kë'ëma'at tekymya'atën, mëti'ipë winxoots axootsën, mëti'ipë mokëpën, ëkë mëti'ipë pa'ayëpën. Ka'ap mëpaat yë jëtu'unpë xyaktë ets nyitoyëty ets ni xykyapëjkta'aktëty jam ma wintsë'këntyaknën ets yë'ë y'ayajkën'at y'ako'on'atëty ma Tiosën.

Levitico 22:24

Näyjyëtu'un yë jëyujk mëti'ipë tsëtyutën, wopyën, tsukyën, ëkë puxyën yë y'ëxtsyaa, këtii yë Tios jëtu'unpë xymyo'otëty. Këtii ja jëtu'unpë xytyuntëty ma ja mnaax mkajpnëtyën.

Deuteronomio 15:21

E pën tääpë jëyujk ma'at yë kyë'ë tyeky, ëkë wyiin, ëkë pëjkëp ijxëp, këtii yë wintsën xymyo'ojëty.

Deuteronomio 17:1

Këtii yë Wintsën xytyukwintsë'ëkëty yë tsajpkaayä'äy ëkë kupixyny'u'unk, mëti'ipë ka'ap y'oyëty myëkëtyën, ëkë pën ka'ap kyä'pxyëty, jä'ä ko ka'ap t'oyjyawë jëtu'unpë.

Malaquías 1:8

ets ko ka'ap kyupoky oy yë'ë Wintsën yajtukwintsë'ëkëja'anëty yë jëyujk mëti'ipë pëjkëpën mëti'ipë wiintsën, mëti'ipë tekymya'atën. Mënëjkxtë tääpë jëtu'unpë wintsë'kën, ma yajkutujkpëtëjkën ets xy'ëkjanty y'ixtëty pën kyupëjktëp tääpë jëtu'unpë wintsë'kën.