Levitico 22:20 - Biblia Mixe de Quetzaltepec

²⁰ Ets ka'ap mëpaat tyäky ja jëyujk mëti'ipë ka'ap y'oyëty myëkëtyën, jä'ä ko ka'ap ja yajkupëkëty.

Levitico 22:20 ပူးပေါင်းရင်းမြစ်များ

Deuteronomio 17:1

Këtii yë Wintsën xytyukwintsë'ëkëty yë tsajpkaayä'äy ëkë kupixyny'u'unk, mëti'ipë ka'ap y'oyëty myëkëtyën, ëkë pën ka'ap kyä'pxyëty, jä'ä ko ka'ap t'oyjyawë jëtu'unpë.

Malaquías 1:8

ets ko ka'ap kyupoky oy yë'ë Wintsën yajtukwintsë'ëkëja'anëty yë jëyujk mëti'ipë pëjkëpën mëti'ipë wiintsën, mëti'ipë tekymya'atën. Mënëjkxtë tääpë jëtu'unpë wintsë'kën, ma yajkutujkpëtëjkën ets xy'ëkjanty y'ixtëty pën kyupëjktëp tääpë jëtu'unpë wintsë'kën.

Deuteronomio 15:21

E pën tääpë jëyujk ma'at yë kyë'ë tyeky, ëkë wyiin, ëkë pëjkëp ijxëp, këtii yë wintsën xymyo'ojëty.

1 Pedro 1:19

yë'ë mëët ja Kristë nye'pyny, mëti'ipë të wyintsë'kën'atyën ijxtëm tu'uk ja kupixyny u'unkën mëti'ipë ka'ap tii ma'atpë ëxëëkpë tmëëtëtyën.

Hebreos 9:14

Pën jëtu'un, ni'ik ja Kristë ja nye'pyny. Jä'ä ko mëët ja Kënu'kxymyëkajtën xëmëkyëjxmëpë y'ityën, ojts ja Kristë nyäkyë'ëyäkyë ets wyintsë'kën'atëty ma Tiosën wa'ats pëk, ets ja nye'pny yë'ë yajwatsyp ja njoot'ajt nwinma'any'ajtëmë oy ënäty të njatu'unëmë mëti'ipë yaj'o'kpën, ets jëtu'un npatmëty ja juukyajtën.

Levitico 22:25

Näy ka'ap xykyupëktëty jëtu'unpë jëyujk, mëti'ipë yë jaaypyaat jaaypyo'kxy yäjkpyën ets yë'ë Tios yajmooypyëty, Tios ka'ap jëtu'unpë tkupëky. Jä'ä ko tääpë jëyujk ka'ap yë kya'pxëty ets ka'ap y'oyëty myëkëty.

Levitico 1:3

Pën yë'ë tsajpkaa yakäämpy tä tu'uk yë wintsë'kënën, yë'ë yakëp yë oypyë mëkpë ets mëti'ipë kä'pxyën, jam tyaj'ookëty ma yajnitëkën yë wit tëjk ma näpyaatë y'ityën ets jam ja wintsë'kën tyakëty ets Wintsën tkupëkëty.

Levitico 3:1

Ko pën tukwintsë'ëkëja'anëty yë tsyajpkaa wä'än yë'ëjëty yë tsajpkaato'oxy ëkë tsajpkaayä'äy, mëët ko ja nay'ëëw'oy näykyajpx'oyë tmëët'ata'any mëët ja Tios, ja jëyujk oy mëk mëpaat jyëyujk'aty ets kä'pxy

Levitico 3:6

Pën yë'ë yë kupixyny yë Tios mtukwintsë'ëkëjantëp, mëët ko xytyuna'antë ja nay'ëëw'oy näykyajpx'oyë. Yë mwintsë'kën'atëp mëti'ipë oy mëkën ets kä'pxyën oy yë'ë yä'äypyë ëkë to'oxypyë.

Números 19:2

Ëjts mëti'ipë Wintsën'ajtpën, ya'atë ënä'ämënës yam nyäjkpy: Ënëëmë yë Israel ja'ayëty ets tu'uk tmëmintëty yë tsajpkaato'oxy mëti'ipë natsapts yë y'ujkën, mëti'ipë oy mëkën ets ka'ap yajtukuwëënyëm tyuunpäjn.

Números 29:8

Mëti'ipë yajnino'okëpën ets ja Wintsën jä'ä yajtukwinjokëty: tu'uk yë tsajpkaa u'unk, tu'uk yë kupixyny yä'äy mëti'ipë tëë yä'kpetyën ets wëxtujk yë kupixyny mëti'ipë tu'ukjaty yë jyëmëjtëtyën ets yë'ë mëti'ipë oyëty mëkëtyën.

Ezequiel 45:18

Ëjts Wintsën, jëtu'unës yam n'ëna'any: Ko tyu'uk'anëty yë mëtu'kpo'opë, yë'ë nëjkx jää xyaktë yë tsajpkaa ayääkë mëti'ipë oy mëkën ets yë'ë mëët wya'atsëty yë tsajptëjk.

Levitico 22:24

Näyjyëtu'un yë jëyujk mëti'ipë tsëtyutën, wopyën, tsukyën, ëkë puxyën yë y'ëxtsyaa, këtii yë Tios jëtu'unpë xymyo'otëty. Këtii ja jëtu'unpë xytyuntëty ma ja mnaax mkajpnëtyën.