Levitico 22:2 - Biblia Mixe de Quetzaltepec

² Ënëëmë yë Aarón ets y'u'unk y'ok, ko mëk jëtu'un yajxon timkyëwent'atëty, mëti'ipë yë Israel ja'ayëty yajktëpën, mëti'ipës yajmoopyën. Jä'ä ko wa'atsëty yë'ë, këtiipës yë nxëëw ëxëëk wyë'ëmëty. Ëjts jëtu'un Wintsën.

Levitico 22:2 ပူးပေါင်းရင်းမြစ်များ

Deuteronomio 15:19

Tëkokyë yë jëyujk yä'äypyë mëti'ipë ëka'any miintëpën naaxwiiny, yë'ë mëpaat xytyuknipëjkë'ëkëtë ja mWintsën. Këtii ënätyë xyajtuunë'kojëty yë mtsajpkaa yä'äy, mëti'ipë ëka'any të myëxu'unk'atyën, ka'ap yë nyi'u'kxy ënätyë xypyëjkëty yë mkupixyny, mëti'ipë kä'äxkopkën.

Levitico 18:21

Këtii nijëna'a yë m'u'unk xykyë'ëyakëty ma ja wiink tiosën, mëti'ipë xyëëwajtypyën Moloc, këtii yë mTios jëtu'un'äämpy xyajjotma'atëty. Ëjts jëtu'un Wintsën.

Números 18:32

Ma ënäty ëpëky të xypyëjktaknëtën ja mëti'ipë wäänë oyën, mëti'ipës njä'ä'atëpën. Jyëkyäpëp xyjyë'kxnëtëty oy myëti'ipëty ets ka'ap ënäty tii poky xytyuntë. Jëtu'un ka'ap xyaj'ëxëëkëtëty ja Israel ja'ayëty ja y'ayajk y'ako'onënëty ets ka'ap tii xykyu'ookëtëty.

Levitico 22:32

Këtii xyjyaamtään xynyaaxtääntëty ëjts yë nxëëwës, jëtu'un'äämpyës mëj nyajpëjkta'akëty ma Israel kajpnën. Ëjts jëtu'un Wintsën, mëti'ipë miits të mkënu'kxëtën ets të myajwa'atsëtën.

Levitico 19:12

Këtii nëkoo tii xytyukwinwanëty mëët yë nxëëwkyëjxmës, jä'ä ko m'ëxëëktijpy jëtu'un ënäty yë Tios yë xyëëw mëti'ipë m'ëwtajtypyën. Ëjts jëtu'un mëj Wintsën.

Éxodo 28:38

Yë'ë Aarón ya'atë tsyëëm'itëp ets yë'ë tukëtakpäjta'ajëtëp ja Israel ja'ayëty ja nyëë pyokyëty, näjyëtu'un ko ja yojxën tkë'ëyakëty ma ja Tiosën, yë Tios ko t'ixëty ya'atë tsya'a, ënätnëm t'ëxajëty tkupëkëty ja yojxën mëti'ipë ënäty yajmoopyën.

Éxodo 13:12

Yë Tios yë'ë kopkpëky mtukmëyoxtëp yë m'u'unkëty m'ëna'këty mëti'ipë më''ëka'any miintëpnëm naaxwiiny, ets näjyëtu'un ja mjëyujkëty mëti'ipë ënäty më''ëka'any mëxu'unk'ajtëpën yë Wintsën jyä'ä'atëp.

Levitico 21:6

Ni'ik jëtu'un mëpaat wa'ats yajpaatë ma Tyiosëtyën, këtii ja xyëëw t'ëxëëktijëtëty. Jä'ä ko yë'ë jëtu'unëty yajktëp yë ayajk ako'onën mëti'ipë yajno'kpën ets ja tsajpkääky mëti'ipë yajmoopyën ja Tyiosëty. Paaty jä'ä jëtu'un mëpaat nyäyaj'itëtë wa'ats.

Levitico 20:3

Ëjts ntëytyunäämpyës ets nyaj'ookäämpyës tääpë ja'ay, mëët ko ënäty të t'ëxëëktuny ja n'ijtaknës ets ko ënäty ja nxëëwës ja wa'atspë të tjaamteeny të tnaaxteeny. Ko ja y'u'unk të tkë'ëyajkpë ma ja wiink tiosën mëti'ipë xyëëwajtypyën Moloc.

Levitico 15:31

Jëtu'un'äämpy jëtu'un ja ëxëëkajtën jëkäm yajpaatëty ma Israel ja'ayëtyën, këtiipë y'ooktëty, mëët ko ënäty tyaj'ëxëëkëtë ja it naaxwiinyëtë maas ëjts n'ityën.

Levitico 22:1

Ënät yë Tios ojts tmëkäjpxy yë Moisés ets t'ënëmaay:

Esdras 8:28

Täätsës n'ënëmaaytyë: Miitsëty tëë myajkënu'kxta'atë, näjyëtu'un ja apëjk atu'unën ets ja wit meeny. Ja poop pujxn ets ja pu'ts pujxn aakyë'ë Wintsën yam yajtukniyajkëp, mëti'ipë y'ëwtajtën ja nteety'ajt n'ap'ajtëmë,

Isaías 52:11

Tso'onta'atë, tso'onta'atë jam ni'ëmukë Babilonyë, këtii nëkoo tii xy'ëktuuntëkooynyëtë, pëtsëmtë jam Babilonyë. Wa'ats mnäyaj'itëtëty miitsëty mëti'ipë mënëjkxantëpën yë Wintsën y'apëjk y'atu'unën.

Ezequiel 44:8

Ets ka'ap tuntë ja näkyënu'kxën ma ja pokymyä'kxën yajpëjktsoyën, yë'ë të nyätyukë'ëwanëtë ja jaaypyaat jaaypyo'kxy.