Levitico 22:18 - Biblia Mixe de Quetzaltepec

¹⁸ Ënëëmë yë Aarón mëët yë y'u'unk y'ëna'k ets Israel ja'ayëty: Pën tu'uk yë Israel ja'ay ëkë jaaypyo'kxyjyä'äy yakäämpy tu'uk yë tsajpkaa ëkë tsajppax ets Tios yë'ë tukwintsë'ëkëja'any mëët ko tyaj'ëtuka'any ja wyaantakën ëkë ko tyakaanpë jëtu'un tä tu'uk yë ayajk ako'onën.

Levitico 22:18 ပူးပေါင်းရင်းမြစ်များ

Deuteronomio 12:6

Jam nëjkx yë Wintsën xytyukwintsë'ëkëtë yë jëyujk. Nëjkxëp yë Wintsën jam xymyo'otë yë tu'kpëkpyë yajjëpëkyën ma ja mmajkpëkpyën ets tii ënäty miitsëty mo'ojantëpën. Yë'ë nëjkx xykyë'ëmo'otë ja mjëyujk mtsajpkaajëty, mëti'ipë më''ëka'any të myinyën naaxwiiny.

Números 15:3

Koos xymyo'oja'antëty tu'uk yë tsajpkaa ëkë tsajppax etsës xytyukwintsë'ëkëja'antëty nino'oky ets oy xyuukëty jyokëty nwintuuyës. Mëët ko ënäty ja wyaantakën tyaj'ëtuka'antë, ëkë ko jëtu'un ja tsyojkën tpëjkta'aktë.

Levitico 1:2

Mëëtmëtya'ak yë Israel ja'ayëty ets xy'ënëëmëty, koos pën xytyukniminëty yë jëyujk ets xymyo'oja'anëtyës tä tu'uk yë ayajk ako'onën, yë'ë xytyukniminëpës mëti'ipë tsyajpkaa'ajtypyën ëkë mëti'ipë kyupixyny'äjtypyën.

Hechos 18:18

Ënät ja Pablo ojts jyaak wë'ëmy kanaak xëëw jam Corinto. Ok ojts nyäjyëkajpxënë ma ja mëpëjkpëtëjkëtyën, ets mëët ja Priscila ets Aquila tyëjkëy jap kepy nëëwinye'epyëjoty ets nyëjkxtë jam Sirië y'itjotm. Jam Cencreas, jam ojts nyäkyukeepyë, ka'anëm ënäty tyëkë kepy nëëwinye'epyëjoty, jä'ä ko ojts tja'amyetsy ko ënäty jëtu'un ja waantakën të tpëjktä'äky.

Nahúm 1:15

Ixtë, xim myiny kopkkëjxm ja mëti'ipë yajmiinpyën ja aaw ayuk ko jyää'ata'any ja jotkujk'ajtën. Xëëwtun xëëwkajpx ënät mijts Judá; tun ja mëti'ipë të xywyinwanën. Nijëna'a yë mmëtsip ëxëëk mka'ëktuunënëty; jä'ä ko tëë ja kyutëkooytya'atë.

Jonás 2:9

E ëjts nyajnaxäämpyës ja kukajpxën ja'awëkyëtakën ma mijtsën ets nmo'ojäämpy yë mwintsë'kën. Mijts tu'ukyë maayëp wi'ix yë ja'ay xyaj'ëwaatsëpëtsëmëtyën.

Jonás 1:16

Ko t'ijxtë ja ja'ayëty mëti'ipë ja kepy nëëwinye'epyë yajye'eytyëpën ko tëë ja nëë yu'kxmony ënät tmëjja'aw tkënu'kxyjya'awëtyë ja Wintsën ets tmooytyë wyintsë'kën ets tpëjktaktë ja waantakën.

Eclesiastés 5:4

Ko tii xywaanta'akëty ma Tiosën, ënätyë xykyuuytyunëty, jä'ä ko yë'ë ka'ap t'oy'ixy ko tii je'eyë yajwinwanë. Mtunëp jëtu'un mëti'ipë ënäty të xy'ëwaanën,

Salmos 116:18

Nkuuytyunäämpyës ja waantakën ma ja Wintsënën mëti'ipës të ntukwinwanën, ets y'ixtëp tëkokyë ja naax kajpn mëti'ipë yë'ë kyajpn'ajtypyën.

Salmos 116:14

Nkuuytyunäämpyës ja waantakën ma ja Wintsënën mëti'ipës të ntukwinwanën, ets y'ixtëp tëkokyë ja naax kajpn mëti'ipë yë'ë kyajpn'ajtypyën.

Salmos 66:13

Tëkëjaanpës ma mtsajptëjkën etsës nyaka'any tu'uk yë wintsë'kën nino'okpyë mijts mwintuuy; jëtu'un'äämpyës ja nwaantakën nyaj'ëtukëty,

Salmos 65:1

Mijts Tios, mëti'ipë yajpatpën jam Sión, mijts mpatëp myajkuuy'ëw myajkuuyya'axëty ets mpatëp yajpatunëty ja waantakën ma mijtsën,

Salmos 61:8

jëtu'unës yë mxëëw nkuuy'ëw nkuuyya'axëty winë xëëw winë jëmëjt etsës nkuuytyunëty winjëpom mëti'ipës të nwaantä'äkyën.

Salmos 61:5

Mijts, Tios, mëti'ipës nTios'ajtypyën tëë xymyëtoow'ity mëti'ipës yam nwaantäkpyën, tëë xymyo'oyës ja kuma'ayën mëti'ipë jyä'ä'ajtëpën ja ja'ay mëti'ipë myëjja'awëtëpën ja mxëëw.

Salmos 56:12

Ja waantakën mëti'ipë të ntukwinwanën, nkuuytyunäämpyës ma mijts mëj'äämpy nyajnaxa'anyën,

Salmos 22:25

Ma ja mnaax mkajpnën jamës nimëtya'aka'any wi'ix tii mëtëy xytyunyën. Ma ja ja'ayëtyën mëti'ipë oy mëtuunëpën, jamës nkë'ëyaka'any mëti'ipë të ntukwinwanën.

Deuteronomio 16:10

Jää xyajtso'onta'aktëty ja xëëw ma yajnixëëwtunyën wëxtujk sëmaanpë ja pëjktä'äky ets ja Wintsën jää yajmëjjawëty; ma ja xëëw ënäty tyunyë jyätyën nëjkxëp xyaktë yë m'ayajk m'ako'onënëty ets oytyiijëty tii ënäty yë Wintsën mtukmëjjawëjantëpën.

Deuteronomio 12:17

Ka'ap xykyäyëty ma mnaax mkajpnën ja tu'kpëkpyë yajjëpëkyën ma ja majk pëkpyën, mëti'ipë yë Wintsën mo'ojantëpën, ijxtëm yë tsajpmokën, tsatym nyëë, on, jëyujk tsajpkaa y'u'unk mëtu'ukpë, mëti'ipë ayajk ako'onën'ajtpën ma Wintsën të xytyukwinwanën.

Levitico 23:38

Ëpëky ja po'kxënxëëwpë näjyëtu'un ma ja Tios yajmëjjawën ets ëpëky ja jëtu'unyëpë ja Tios näyajmoopyën ets ja ayajk ako'onën mëti'ipë kë'ëmtsojkën yajyajkpën.

Levitico 17:13

Wä'än yë'ëjëty yë Israel ja'ay ets wä'än tyë'ëjëty yë jaaypyaat jaaypyo'kxy, pën myäjtsyp tu'uk yë ujtsjëyujk ëkë joon mëti'ipë yajtsu'tspën, jëyëjp mëpaat yajxon tyajwintajxta'ay ets ja nye'pyny tnaaxnitajëty.

Levitico 17:10

Ëjts ëxëëkës n'ixa'any ko tu'uk yë Israel ja'ay ëkë jaaypyo'kxyjyä'äy, mëti'ipë tsënääpyën ma miitsëtyën, tjë'kxëty yë ne'pny, wä'än twi'ixtsowëty. Yë'ë kopkpëkyës ko nyaj'ookëty ma ja nyaax kyajpnën.

Levitico 7:16

E pën ja jëyujk jä'äts yajtukëpäjtp ma ënäty winë ja Tios të yajtukwinwanën, ëkë atsoky pën tyäky, jä'ä xëëw xytsyu'utstëty ja nyitsu'uty, e ja mëti'ipë natëjkëpën jyëkyejpy komjëpom tjaaktsu'utstëty.

Levitico 1:10

Pën Tios mtukwintsë'këtyëp yë kupixyny ëkë ja tsajppax, yë'ë myaktëp yë yä'äypyë

Éxodo 12:5

Ja jëyujk mëti'ipë nëjkx xyaj'ooktën, yë'ë mëti'ipë ënäty ja jyëmëjt tu'uk të t'apetyën, yä'äypyë ets oypyë mëkpë; oy yë'ë'atëty yë kupixyny ëkë tsajppax.

Levitico 22:17

Ënät ja Tios ojts tmëkäjpxy yë Moisés ets t'ënëmaay:

Amós 4:5

Yaktë nino'oky nixämy yë mtsajpkääkyëty ma ja kukajpx ja'awëkyëtakën xyajnaxtën; xiitsow yaatsow nikajpx nimëtya'aktë ko m'ayak m'akonëtë kë'ëmtsojkën, jä'ä ko yë'ë jëtu'unpë oy mja'awëtyëp. Yë Wintsën jëtu'un ënaanp.

Malaquías 1:14

Poky yë ja'ay wyi'imy, mëti'ipë ënaanpën ko oypyë jëyujk xytyukwintsë'ëkëja'anyës ets jä'ä xytyukwintsë'këpës mëti'ipë ka'ap y'oyëtyën myëkëtyën. Ëjts yajkutujkpë'ajtp ets aak xytsyë'këpës yë naax kajpn. Jëtu'un y'ënä'äny yë Wintsën mëti'ipë maaytyääyëpën winë.

2 Crónicas 31:14

Ja mëti'ipë yajtuknipëjkën ets tkëwent'atëty ja tsajptëjk'aaw matsow ja xëëw pyëtsimyën, yë'ë Coré, mëti'ipë ojts näjyëtu'un yajtuknipëkyën tkëwent'atëty ja mëti'ipë ja ja'ay nyayajktëpën jëtu'unyë ets tpëjkwa'kxëty mëti'ipë ja'ay näjyëtu'un myëmiintëpën ets nyätyukuyakëtë ets näjyëtu'un tkëwent'atëty mëti'ipë ja ja'ayëty jä'ä ja Wintsën tyukwintsë'këtyëpën.