Levitico 22:15 - Biblia Mixe de Quetzaltepec

¹⁵ Yë teetytyëjkëty ninu'un mëpaat tkanajts'ixëtë ets Israel ja'ayëty nëkoo tjaamtään tnaaxtääntëty yë mëti'ipë wa'atsën mëti'ipë yajmoopyën yë Tios.

Levitico 22:15 ပူးပေါင်းရင်းမြစ်များ

Números 18:32

Ma ënäty ëpëky të xypyëjktaknëtën ja mëti'ipë wäänë oyën, mëti'ipës njä'ä'atëpën. Jyëkyäpëp xyjyë'kxnëtëty oy myëti'ipëty ets ka'ap ënäty tii poky xytyuntë. Jëtu'un ka'ap xyaj'ëxëëkëtëty ja Israel ja'ayëty ja y'ayajk y'ako'onënëty ets ka'ap tii xykyu'ookëtëty.

Levitico 19:8

Pën tsyu'typ ja tsu'utsy, tuuntëkoopy ënäty, kopkpëky ko nëjkx yajjo'otsy ma ja myëkunaax myëkukajpnën, mëët ko ënäty të tyaj'ëxëëktëkë ja wa'atspë mëti'ipë ja Tios jä'ä të yajmo'oyën.

Ezequiel 22:26

Yë teetytyëjkëty mëti'ipë yajpatëpën ma ya'atë kajpnën, wiinkatsy tja'akyukëtë ëjts ja n'ijxpëjkënës ets yaj'ëxë'këtyääytyëp ja mëti'ipës wa'ats nyajnajxypyën; ka'ap t'ixtë mëti'ipë ëxëëkën ets mëti'ipë wa'atsën ets ka'ap pën tukni''ixëtë mëti'ipën oy'ajtp ets ëxëëk'ajtpën. Ka'ap tpo'kxtë npo'kxën nxëëwës ets ka'apës xymyëjpëjkta'aktë.

Levitico 22:9

Ënëëmëtë ets tpatuntëty ja n'aaw n'ayukës. Këtiipë tii poky tsëëmë'ëktëty, mëët ko tkumëtoownaxtë. Këtiipë y'ooktëty. Jä'ä ko ëjts Wintsën, mëti'ipë yë'ëjëty të yajwa'atsëtën.

Levitico 22:16

Ets pyokytyuuntëpëty jëtu'un, mëët ko ënäty tjë'kxtë ja mëti'ipë wa'atsën ets kënu'kxyën. Ëjts jëtu'un Wintsën, mëti'ipë yë'ëjëty të kyënu'kxëtën.

Éxodo 28:43

Yë'ë ya'atë wit pyëjkta'aktëp yë Aarón mëët yë y'u'unk y'ëna'këty ko jap tyëkëtëty ma wit tëjkën ma näpyaatë y'ityën ets näjyëtu'un ko twinkuwa'akëtëty yë wintsë'këntyakn, ëkë ko ënäty jap yë tyuunk tyajtu'uye'eytyë mëët ko tyeety'atë, këtiipë nëjkx tii tëkatsy tuntë ets y'ëk'o'knëtëty. Ya'atë ënä'ämën tëyajtën yë'ë xëmë itëp ma yë'ëjëtyën ets ma ja y'u'unk y'okëtyën.