Levitico 22:13 - Biblia Mixe de Quetzaltepec

¹³ E pën ku'ookyts, ëkë tëë nye'ëxmajtsënëtë mëët ja nyiye'etyëjk ets ka'ap yë y'u'unk y'ëna'k tiijëty ets wyimpitëty jatëkok ma ja tyeety ja tyëjkën, jëtu'un tä jeexyë nyätyu'uk'atyën. Jyëkyäpëp tjë'kxëty, mëti'ipë ja tyeety jyi'kxy pyijkpyën. E wiink ja'ay mëti'ipë ka'ap tyeetyëtyën, ka'ap tjëkyepy tjë'kxëty ja jë'kxy pëky mëti'ipë kënu'kxyën.

Levitico 22:13 ပူးပေါင်းရင်းမြစ်များ

Levitico 10:14

E yë katsy ets puuy mëti'ipë jëtu'unyë nayajyajkpën, jam mëpaat xytsyu'utstë ëwaatsëtuuy ma wya'atsëtyën, mëët ja m'u'unk m'ëna'këty, m'u'unk mto'oxytyëjk; jä'ä ko miits yë mpatëtëp ma ja Israel ja'ayëty tyaktën ja ayajk ako'onën, ko ja nay'ëëw'oy näykyajpx'oyë tuntë.

Génesis 38:11

Ënät yë Judá t'ënëmaay yë xyäkxy Tamar: Wë'ëm jëtu'un atu'uk ma mteety yë tyëjkën, koonëm yë nmaankës, Selá y'ëkyääk, y'ëkpatëty. Yë Judá namääpy natajp ënäty, jä'ä ko näjyëtu'un nëjkx ja myaank Selá y'ëk'o'knë, ijxtëm ënäty ja myëkä'äxtëjk të jyat të kyëpätën. Ënät yë Tamar ojts nyëjkxnë tsënääpyë ma ja tyeety ja tyëjkën.

Éxodo 29:33

Ya'atë kyäytyëp tsyu'utstëp, paatykyëjxm ënäty të yajtukwintsë'ëkë ja Tios ets ja nyëë pyokyëty nyiwa'ats kyuwa'atsëtëty ma ënäty të yajkënu'kxtën ets ma t'ëxajëtën ja kutujkën ets tpa'atwa'akëtë ja teety'ajtën. E tyaapë tsu'utsy ka'ap tjëkyepy oynyapënëty tsu'utsëty, jä'ä ko yë'ë ëpëky të yajkënu'kxy.

Levitico 22:10

Ka'ap mëpaat oypyënëty, mëti'ipë ka'ap tyeetyëtyën tjë'kxy mëti'ipë wa'atsën. Ni yë'ë mëti'ipë ja'ajtakpën ma ja teety ja tyëjkën, ëkë mëti'ipë jap mëtuunpën, ka'ap mëpaat tjë'kxtë ja mëti'ipë wa'atsën.

Levitico 22:12

Pën yë teety yë nyëëx yë'ë mëët të pyiky, tu'uk yë ja'ay mëti'ipë ka'ap tyeetyëtyën, ka'ap tjëkyäpëty tjë'kxëty ja ayajk ako'onën, mëti'ipë yë teetyëjk yajmooytyëpën.

Éxodo 12:43

Ënät yë Tios t'ënëmaay yë Moisés ets Aarón: Ya'atë jëtu'un wë'ëmp, tä tu'uk yë ënä'ämënën, mëëtkyëjxm yë ëmaayxyëëw. Nitu'uk mëpaat yë jaaypyaat jaaypyo'kxy tkatsu'utsy yë jëyujk mëti'ipë tëë wyintsë'kën'atyën,

Deuteronomio 24:2

Ja to'oxytyëjk pën tëë jam tsyo'onë ma ja ye'etyëjk ja tyëjkën, jyëkyäjpnëp mëët wiink ye'etyëjk pyëkëty.

1 Samuel 21:7

E jä'ä xëëw tam'ajtp ënäty tu'uk ja Saúl ja tsyiptuunpë wintsën mëti'ipë ënäty jam të wyi'imyën ma ja tsajptëjkën, Edom ja'ay jä'ä, jä'ä xyëëwajtyp Doeg, yë'ë nyiwintsën'ajtyp ja ja'ayëty mëti'ipë kyëwent'ajtëpën ja Saúl ja jyëyujk tsyajpkaa.

Esdras 2:63

Ojts näjyëtu'un ja yajkutujkpë kë'ëm y'ënä'äny ko ka'ap tyaapë ja'ay nëkoo tkaytyëty t'uuktëty ja jë'kxy pëky mëti'ipë kënu'kxy ijtpën, koonëm tëy ja teety t'ëk ijxpëtsëmëty mëët ja Urim ets Tumim täänëm yajnijawëty pën mëpaat'ajtp tii tjë'kxtë.

Ezequiel 44:8

Ets ka'ap tuntë ja näkyënu'kxën ma ja pokymyä'kxën yajpëjktsoyën, yë'ë të nyätyukë'ëwanëtë ja jaaypyaat jaaypyo'kxy.