Levitico 21:8 - Biblia Mixe de Quetzaltepec

⁸ Jä'ä jëtu'un mëpaat xymyëët'aty wa'ats. Jä'ä ko yë'ë jëtu'unëty xëmë kyë'ëyajktëp ja tsajpkääky ma Tiosën mëti'ipë mTios'ajtypyën. Paaty wa'ats jëtu'un mëpaat y'itë, jä'ä koos mëti'ipë Wintsën'ajtpën, wa'atsës yë'ë, etsës jä'äs yë'ëjëty mpëjkta'aktë wa'ats.

Levitico 21:8 ပူးပေါင်းရင်းမြစ်များ

Levitico 19:2

Jëtu'un xy'ënëëmëty yë naax kajpn: Wa'ats mëpaat myajpaatë, jä'ä ko ëjts Wintsën mëti'ipë mijts mTiosajtëpën, wa'atsës yë'ë.

Levitico 21:6

Ni'ik jëtu'un mëpaat wa'ats yajpaatë ma Tyiosëtyën, këtii ja xyëëw t'ëxëëktijëtëty. Jä'ä ko yë'ë jëtu'unëty yajktëp yë ayajk ako'onën mëti'ipë yajno'kpën ets ja tsajpkääky mëti'ipë yajmoopyën ja Tyiosëty. Paaty jä'ä jëtu'un mëpaat nyäyaj'itëtë wa'ats.

Hebreos 7:26

E jëtu'un yë Jesús, të nyäxy Mëj teety wintsën mëti'ipë ënäty nyajmëyajtëmën. Yë'ë kënu'kxy, wa'ats, ka'ap poky tmëëtëty, ka'ap pyokyjä'äyëty ijxtëm ëëtsajtëmën, wäänë këjxm yë'ë y'ity këtiinëm ja tsajp.

Juan 17:19

Yë'ë koos yë'ëjëty nmëmay nmëtajtë paatyës kë'ëm nnäkyënu'kxyë, ets näjyëtu'un yë'ëjëty yajkënu'kxtëty mëët ja tëyajtën.

Hebreos 10:29

¿wi'ix jëtää tkapaatëty ja tëytyu'unën mëti'ipë ja Tios U'unk kyamëjpëjktäkpyën, mëti'ipë jëtu'un tyuuntëpën ijxtëm jeexyë t'atään tuktääntën; mëti'ipë pyäjxtëpën ja Jesús ko të y'ooky ets ka'ap t'oyjya'awëtë ja Kënu'kxymyëkajtën, mëti'ipë tsojkëtëpën? Tääpë ne'pny yë'ë myë'ijtyp ja käjpxytyu'unën ets yë'ë mëët të yajkënu'kxtë.

Juan 10:36

E pën ëjts tëëjës ja Tios xykyënu'kxy ets yë'ëjës të xykyexy yaa naaxwiiny, ¿tii ko m'ëna'antë ko Tios nmëtëkoyës koos nätyijyë ko yë'ë xy'u'unkëtyës?

Éxodo 29:1

Ko pën xykyënu'kxëty mëti'ipë teety'ataanpën, ya'atë mtunëp: tu'uk xy'ixëty yë tsajpkaayä'äy ayääkë ets mäjtsk yë kupixyny yä'äy ayääkë, oypyë mëkpë ets kä'pxypë,

Éxodo 28:41

Jëtu'un xyoxëty ja m'ajty Aarón ets ja y'u'unk y'ëna'k ets xytyukkujaaxëty ja waaytsyooy ma kyëpajkën ets xymyëtuntëtyës jëtu'un tä teetytyëjkëtyën.

Éxodo 19:14

Ënät ja Moisés ojts jam tsyo'onë kopkkëjxm ets kyëtaknë ma jap ja ja'ayëtyën tääts nyäjyëjp'ixëtëty, jëtu'unts ja Tios tukxoonta'aktëty ets tmëjjawëtëty. Ja ja'ayëty ojts ja wyit tyujkxëty tpujta'atë tjä'tsta'atë,

Éxodo 19:10

ets ojts ja Tios y'ënë'ëmxëty: Nëjkx ënëëmë yë naax kajpn, wä'än tyam ets jopy nänyipëjktaakëtë etsës ëjts xytyukxoonta'aktëty ets xymyëjjawëtëtyës. Yajxon yë wyit tyujkxëty tpujtëty tjä'ätstëty,

Levitico 3:11

Ënät ja teety jam tu'ukyë tnino'kta'ajëty ma ja wintsë'këntyaknën, mëti'ipë ja Tios yajmoopyën tä tu'uk yë jë'kxy pëky oypyë xyuuky jyokyën.

Malaquías 1:7

Miitsëty yë'ë mëmiintëp maas yë nwintsë'këntyaknën ja kääky uuky mëti'ipë ka'ap wya'atsëtyën ets ni'ikyë xyajtëwtë: ¿Maatën myajmëtëkoy? Miitsëty jam xymyëtëkoytyës ma mmaytyën mtajtën ko jyëkyejpy ka'ap yajmëj ixëty yë nwintsë'këntyaknës

Levitico 22:16

Ets pyokytyuuntëpëty jëtu'un, mëët ko ënäty tjë'kxtë ja mëti'ipë wa'atsën ets kënu'kxyën. Ëjts jëtu'un Wintsën, mëti'ipë yë'ëjëty të kyënu'kxëtën.

Números 28:2

Ko këtii tja'atyëkoytyëty ets tmëmintëty xëmë yë y'ayajk y'ako'onënëty, tä yë tsajpkääkyën. Ko xëëw tpaatëty jää tyaktëty yë y'ayajk y'ako'onën nino'okpyë, mëti'ipë ja'tëpën ëjts nwintuuyës tä yë xu'kën jojkën janty oypyë.

Nehemías 13:29

Wintsën, ma mijts n'ëwtatyën, këtii xyjyä'äytyëkoyëty mëti'ipë të tjaamtään të tnaaxtaantën ja teetyëjk ja y'oytyu'un y'oykajpxënëty ets ja Leví ja'ayëty.