Levitico 21:20 - Biblia Mixe de Quetzaltepec

²⁰ mëti'ipë jëëku'uxën, mëti'ipë tim yi'inëm tënääpyën, ets näjyëtu'un mëti'ipë wiin'ëëxën, winmokën, winpa'ayën, ëkë pën ka'ap y'oyëty yë jyuukyajtën.

Levitico 21:20 ပူးပေါင်းရင်းမြစ်များ

Deuteronomio 23:1

Mëti'ipë ja'ay nakën yë y'ëxtsyaapajk, ëkë tuktsukë yë ye'etyëjkajtën, ka'ap tjëkyepy jam yajpaatëty ma ja Wintsën ja nyaax kyajpnën.

Isaías 56:3

Pën tu'uk jaaypyo'kxyjyä'äy näkyë'ëyajkëp ma Wintsënën, ka'ap tjëkyepy y'ëna'anëty: Ëjts ëpëkyës yë Wintsën xypyëjktä'äky ma nyaax kyajpnën. Ets ja'ay mëti'ipë të yaj'ixtsyaapëkyën, ka'ap tjëkyepy y'ëna'anëty: Ëjts jëtu'unës tä tu'uk të'ëts kepyën.

Levitico 21:19

mëti'ipë kë'ë wi'its teky wyi'itsën,

Levitico 22:22

Ka'ap mëpaat yë'ë Tios xytyimmooynyëtë yë jëyujk mëti'ipë wiintsën, mëti'ipë tsëtyutën, mëti'ipë kë'ëma'at tekymya'atën, mëti'ipë winxoots axootsën, mëti'ipë mokëpën, ëkë mëti'ipë pa'ayëpën. Ka'ap mëpaat yë jëtu'unpë xyaktë ets nyitoyëty ets ni xykyapëjkta'aktëty jam ma wintsë'këntyaknën ets yë'ë y'ayajkën'at y'ako'on'atëty ma Tiosën.

Levitico 22:24

Näyjyëtu'un yë jëyujk mëti'ipë tsëtyutën, wopyën, tsukyën, ëkë puxyën yë y'ëxtsyaa, këtii yë Tios jëtu'unpë xymyo'otëty. Këtii ja jëtu'unpë xytyuntëty ma ja mnaax mkajpnëtyën.

Deuteronomio 23:2

Näyjyëtu'un tu'uk yë ja'ay mëti'ipë ka'ap yajnijawën pën tyeety'äjtypyën, ka'ap tjëkyepy yajpaatëty ma ja Wintsën ja nyaax kyajpnën, ni yë'ë ja y'u'unk y'ëna'k jam kyayajpaatëty.