Levitico 21:13 - Biblia Mixe de Quetzaltepec

¹³ Yë'ë mëpaat tpëky tu'uk yë to'oxytyëjk, mëti'ipë ka'ap yë naaxwiinyëtë ja'ay nijëna'a tmëët'itynyëmën.

Levitico 21:13 ပူးပေါင်းရင်းမြစ်များ

Apocalipsis 14:4

Yë'ë mëti'ipë oy tsuj të jyä'äy'atën ets ka'ap të nyäyaj'ëxëëkëtë mëët ja to'oxytyëjk. Wa'ats yë'ëjëty të nyäyaj'itëtë, pyanëjkxtëp oy tyimmaajëty mëti'ipë yajtijpën Kupixyn U'unk. Yë'ë jëtu'un jëwyiin të nyätyukmëyoxëtë ja Tios ets mëti'ipë yajtijpën Kupixyny U'unk ets të tuknitso'oktë.

2 Corintios 11:2

Ni'ikës miits ntsoktë mëët ja Tios ja tsyojkën mëti'ipës të xymye'eyën. Jëtu'unës ëjts ijxtëm tu'uk ja u'unkteetyën mëti'ipë ja nyëëx nyi'ëtsoopyën ets pyëkëty mëët tu'uk ja yä'äy ëna'k. Jëtu'un miitsëty ijxtëm ja to'oxy ëna'kën ets ja Kristë ijxtëm tu'uk ja yä'äy ëna'kën. Ntsojkpyës ets miits nkë'ëyaktëty ets ja Kristë mëët mpëktëty m'uuktëty ijxtëm tu'uk ja to'oxy ëna'kën wintëy wiinkujkpë.

Ezequiel 44:22

Ka'ap tjëkyepy pyëkëty mëët tu'uk yë to'oxytyëjk tëëpë kyu'ookyën ëkë mëti'ipë pëjktëkatsyën, yi'iyë mëpaat mëët pyiky tu'uk yë to'oxytyëjk mëti'ipë ka'ap ye'etyëjk tmëëtsëënënëm ëkë mëti'ipë ënäty tu'uk yë teety të tku'ookyën.

Levitico 21:7

Näy ka'ap tjëkyepy tpëktëty, tu'uk yë to'oxytyëjk mëti'ipë yë nyini'kx tyo'kpyën ets mëti'ipë tëë yë naaxwiinyëtë ja'ay atsip myëëtko'knëtyën ets mëti'ipë tëë nye'ëxmajtsënëtën. Jä'ä ko yë'ëjëty tëë yë Tios kyënu'kxëtë.

Levitico 21:12

Ka'ap mëpaat jap nijëna'a tsyoony ma ja Tios ja jyëën tyëjkën ets ka'ap mëpaat t'ëxëëktuny. Jä'ä ko ma yë'ëjën yë'ë jam ja on të yajpëjktä'äky ma kyëpajkën, mëti'ipë mëët winë yajtukkënu'kxyën mëti'ipë ja Tios jyä'ä'ajtypyën.

Levitico 21:14

Ka'ap jëtu'un nijëna'a tjëkyepy ets tpëjkpëty yë to'oxytyëjk mëti'ipë ku'ookyën, ëkë mëti'ipë tëë yë nyiye'etyëjk mëët nyänyikäkënën, mëti'ipë atsip muum të yajmëëtko'knën, ëkë mëti'ipë yë jyot nyini'kx tyo'kpyën. Yë'ë jëtu'un tyo'oxytyëjk'atëp, mëti'ipë ka'ap nijëna'a mëët yë ye'etyëjk tsyëënënëm ets myëku'uk'ajtyp.