Levitico 21:12 - Biblia Mixe de Quetzaltepec

¹² Ka'ap mëpaat jap nijëna'a tsyoony ma ja Tios ja jyëën tyëjkën ets ka'ap mëpaat t'ëxëëktuny. Jä'ä ko ma yë'ëjën yë'ë jam ja on të yajpëjktä'äky ma kyëpajkën, mëti'ipë mëët winë yajtukkënu'kxyën mëti'ipë ja Tios jyä'ä'ajtypyën.

Levitico 21:12 ပူးပေါင်းရင်းမြစ်များ

Levitico 10:7

Këtii jam mjëwa'aktëty ma tëjkëtyaknën ma wit tëjkën ma näpyaatë y'ityën, këtiipë m'ooktëty, jä'ä ko miitsëty kënu'kxy yë m'ijnëtë mëët ja on mëti'ipë winë yajtukkënu'kxpën. E jëtu'un ojts tjantytyuntë, tä ënäty ja Moisés të tni'ënä'ämën.

Éxodo 28:36

Oytyun tu'uk yë tsya'a aakyë'ë wa'ats pu'ts pujxnpë ets jam xyajkëxkojëty tä tu'uk yë tsa'a'ajtënën, jä'ä jam xyaj'ëna'anëty: Tios ya'atë të yajmo'oy.

Isaías 61:1

Ja Wintsën ja myëk'ajtën y'oyajtën tyaa yajpaaty mëët ëjts, jä'ä ko tëëjës yë Wintsën xykyënu'kxy; të xykyexyës etsës njotkujkmo'ojëty ja ëyoopëja'aytyëjk, nyajtso'ok nyaj'akëta'akëtyës ja jëëpyë yaxpë, nyaj'ëwaatsëpëtsëmëtyës ja tsumpyë matsypë, njuutëtyës pujxn tëkoty mëti'ipë natëk nawa'akë të yajmatsyën;

Levitico 8:30

Ënät ja Moisés ojts tpëjkë'ëky ja on wäänë, mëti'ipë mëët winë yajkënu'kxyën ets näjyëtu'un ja ne'pny mëti'ipë ënäty jamën ma ja wintsë'këntyaknën, tä ojts tuknixijkxy ja Aarón ets ja y'u'unk y'ëna'k, näjyëtu'un ma ja wyitëtyën, mëti'ipë myëteety'ajtëpën, jëtu'un ojts ja Aarón yajkënu'kxtë mëët ja y'u'unk y'ëna'k ets ja wyit tyujkxyëty.

Hechos 10:38

Mnija'awëtëp näjyëtu'un ko ja Tios tmooy ja Jesús ja Kënu'kxymyëkajtën mëët ja mëk'ajtën, ets ko ja Jesús tuuny ja oypyë ko jyëtijty naaxwiiny ets tyajtsoky ja ja'ay ni'ëmukë mëti'ipë ënäty ja mëjku'u yaj'ëyoowëtëpën. Jëtu'un ojts ya'atë tuny jä'äkyëjxm ko ja Tios mëët yajpaaty.

Levitico 21:13

Yë'ë mëpaat tpëky tu'uk yë to'oxytyëjk, mëti'ipë ka'ap yë naaxwiinyëtë ja'ay nijëna'a tmëët'itynyëmën.

Números 6:6

Ets ka'ap mëpaat yë o'kpë tmëwinkony jää ma ënäty wa'ats ets kënu'kxy nyäyaj'ityën ma Wintsënën.