Levitico 21:11 - Biblia Mixe de Quetzaltepec

¹¹ Näyjyëtu'un yë'ë ka'ap mëpaat tyëkë ma ja o'kpë yajpaatyën, oy ënäty yë'ë të jyatimy'o'kpë yë tyaak ëkë tyeety, ka'ap mëpaat jëtu'un ja ëxëëkpë nyätyukpaatyë.

Levitico 21:11 ပူးပေါင်းရင်းမြစ်များ

Números 19:14

Ko pën y'ookëty ma tu'uk yë wit tëjkën, tyaa myiny yë ënä'ämën tii mëpaat yajtunyën: tëkokyë yë ja'ayëty, mëti'ipë ënäty jap yajpatëpën ma ja wit tëjkën ets näjyëtu'un pën jap tëjkëpën, ëxëëk nëjkx wyë'ëmta'atë jam Tios wintum, wëxtujk xëëw ëxëëk yajpaatëty.

Números 6:7

Oy ënäty yë tyeety tyaak jya'o'kpë ets myëkä'äx näjyëtu'un. Ka'ap mëpaat tmëwinkony, këtiipë yë'ë mëët nyäyaj'ëxëëkëtëty. Jä'ä ko yë'ë wa'ats mëpaat nyäyaj'ityë ma Tiosën.

Levitico 19:28

Këtii yë mnini'kx nëkoo xyajtsëtyutëty ko pën y'ookëty. Ets këtii nëkoo tii ijxën xykyëxja'atëty ma mnini'kxëtyën. Ëjts jëtu'un Wintsën.

2 Corintios 5:16

Paaty ëëtsëty ka'apës ja njëëky nmëku'uk jëtu'un n'ëk'ijxnëtë ijxtëm ja naaxwiinyëtë ja'ayëtyën, oy ijty tëëyëp ja Kristë n'ixtës ijxtëm yë naaxwiinyëtë ja'ayëtyën, tyam ka'apës jëtu'un ja winma'any n'ëkmëët'ajnëtë.

Lucas 14:26

Pën jää ja'ay mëti'ipë ja ënaanpën koos xypyamina'any ets yë'ë ni'ik tsyojkyp ja tyaak tyeety, y'u'unk tyo'oxytyëjk, myëkä'äx, myëku'uktëjk, ëkë kyë'ëm juukyajtën ets këtiinëm ëjts; jëtu'unpë ja'ay ka'ap tjëkyepy n'ijxpëjkpë'atëtyës.

Deuteronomio 33:9

Mëti'ipë y'ënëmaayën ja tyeety tyaak miitsëty ka'ap n'ixy'atë, t'ënëmaay ja myëkä'äxtëjk miitsëty ka'ap nijawëtë mpënmës jëtu'unëty, ets t'ënëmaay ja y'u'unk y'ëna'këty: Nkatimnyija'awëtëp miitsëty mpënmës jëtu'unëty. E tii ko jëtu'un y'ëtëtstë, yë'ëkyëjxm ko ënäty jä'ä xëmë tmaytyë tajtë ja m'aaw m'ayuk, ets ko ënäty yi'iyë xëmë timtyuunk'atë ja käjpxytyu'unën mëti'ipë yë'ëjëty mëët të xytyunyën.

Números 19:11

Pën tyoompy yë o'kpë, ëxëëk nëjkx wyi'imy wëxtujk xëëw.