Levitico 21:10 - Biblia Mixe de Quetzaltepec

¹⁰ Mëti'ipë ja teetytyëjkëty nyiwintsën'ajtypyën, yë'ë jëtu'un ja kutujkën myëët'ajtyp ets ja wit tpëjkta'akëty mëti'ipë të yajtukmëkënu'kxën ets mëti'ipë ojts ja on yajtukujaaxyën. Paaty yë'ë ka'ap mëpaat yë wyääy tnajtsmatsë ets ni wyit tkakëëtsëty, ko tmëkjawëty ko ënäty pën të y'ooky të tyëkoy.

Levitico 21:10 ပူးပေါင်းရင်းမြစ်များ

Levitico 16:32

Ja teety mëti'ipë ënäty të yajwin'ixyën, mëti'ipë ja kutujkën myëët'ajtypyën ets ja tyeety tkutëkëty, yë'ë winë tyunëp ma ënäty ja pokymyä'kxën yajpaata'anyën. Nëjkxëp ja oywyit tuktëkë mëti'ipë kënu'kxyën.

Mateo 26:65

Ënät ja teety wintsën ja wyit tkë'tsy a'äkë ets y'ënäny: Ya'atë ja'ay, Tios yë myëkajpxtëkoopy. ¿Tii ko pën njaakwo'owmëty mëti'ipë ni'ë'ënëpën? Tëë xymyëtowtë wi'ix yë Tios tmëkajpxtëkoyën.

Números 35:25

Ja kajpn yë'ë ka'ap t'ëwa'atsëty ets ja ja'ay mëti'ipë ënäty ja myëku'uk të y'ookyën tyaj'o'kwinpitëty ja yaja'ay'o'kpë. Nëjkxëp tmo'otë ja ëwaatsëtuuy'ajtën ets jam nyëjkxëty ma ja naax kajpnën mëti'ipë tsoktaknën. Ja yaja'ay'o'kpë jam jëtu'un jyuuky'atëty koonëm y'ookëty ja teety kyopk, mëti'ipë ënäty ja Tios myëtuumpyën jä'ä xëëw jä'ä jëmëjt.

Levitico 8:12

Tä ja Moisés tukuja'axnë ja kënu'kxy on ja Aarón ets ojts tukmëkënu'kxë ja teety'ajtk.

Salmos 133:2

Jëtu'un nyäxy tä oypyë onën mëti'ipë pa'akxu'kpën, mëti'ipë ijty yë teetyëjk nätyukuku'tsëtëpën, ets pya'akxuuky ma kyëpajkën, ma wyiin y'aawën ets tyimkëtä'äky jëtu'un ma wyitëtyën.

Ester 6:12

Ko jëtu'un tukjëtitëtyääy ja naax kajpn, ja Mardoqueo jam ojts jatëkok nyijkxy tëjk'ëkë'ëm ma ja kutujktaknën. E ja Amán, ko jam tsyo'ony, pëyi'ikyë ojts nyijkxy ma tyëjkën, mon tuk, jëëpy yaxp ets ka'ap y'ëk'ijxë'k y'ëkkoowë'knë.

2 Samuel 15:30

E ja David jamtsow ojts pya'tëkë ma ja kopk txëëwatyën Olivos; tekywya'ats ojts nyijkxy ets jëëpy yaxp, kupe'eny mëët ko ja amay jotmay tpaaty. Näyjyëtu'un tëkokyë ja ja'ayëty mëti'ipë ënäty panëjkxëpën aak kupe'eny nyëjkxtë ets jëëytyëp yaxtëp.

Levitico 13:45

Ko pën yë pu'uts pa'am pyëkëtëty, yë'ë mëpaat yë wit tpëjktä'äky mëti'ipë këëtsën ets niwa'ats yë kyëpajk tyaj'itëty, wäänjaty wiinkujuuxë yajpaatëty ets mëk y'ëna'anëty: Ëxëëkës. Ëxëëkës.

Génesis 37:34

Ënät yë Jacob ojts yë wyit tukëëtsë ets nyätyukxojxë ja wit mëti'ipë kuumpën u'kxpën ets nyätyukniwëjtaayë naaxway; jekpyaat ojts nijë'ëy niyä'äxy ja myaank ko ënäty të y'ooky të tyëkoy.

Job 1:20

Ënät ja Job pyëti'ky ets tkë'tstëëy ja wyit, jä'ä mëk jya'ap ko ënäty jëtu'un të tyuny të jyätyë, ojts ja wyääy kyopk tkä'pta'ay ets tmënu'kxtäky ja Wintsën.

Éxodo 29:7

Tääts xypyëjkë'ëkëty ja on mëti'ipë yajtukkënu'kxpën ets xykyënu'kxëty ja Aarón ko tyeetyëjkënë, jam kyëpajkëjxm jam ja on xykyëxtämëty.

Ezequiel 24:17

Ame'tsyë m'ëyowëty ets ka'ap xynyimon xynyitukëty yë m'o'kpë tä yë ja'ay yë o'kpë tnimon tnitukyën. Ka'ap jää mjëtitëty kuwa'ats tekywya'ats; ka'ap mnäwyinkuwitsëtëty ko yë m'aaw mjot pyëk y'atonëty ets ka'ap yë tsajpkääky xykyäyëty mëti'ipë yajkääpyën ko jëtu'un tyunyë jyätyë.

Levitico 4:3

Pën yë'ë pokytyuunp yë teety wyintsën ets jëtu'un'äämpy ja naax kajpn tyaj'ëxëëktëkë, yë'ë yakëp tu'uk yë tsajpkaa u'unk, mëti'ipë oyën mëkën ets kä'pxyën jam ma Tiosën ets yë'ë ja nyëë pyoky tukunaxëty.

Números 6:7

Oy ënäty yë tyeety tyaak jya'o'kpë ets myëkä'äx näjyëtu'un. Ka'ap mëpaat tmëwinkony, këtiipë yë'ë mëët nyäyaj'ëxëëkëtëty. Jä'ä ko yë'ë wa'ats mëpaat nyäyaj'ityë ma Tiosën.