Levitico 20:7 - Biblia Mixe de Quetzaltepec

⁷ Ni'ikyë miitsëty mnäyajwa'atsëtëty ets jëtu'un itë wa'ats. Jä'ä ko ëjts Wintsën, mëti'ipë miits mTiosajtëpën.

Levitico 20:7 ပူးပေါင်းရင်းမြစ်များ

Levitico 11:44

Ëjts jëtu'un mWintsën Tiosëty, miitsëty wa'ats mëpaat mnäyaj'itëtë, jä'ä ko ëjts wa'atsës n'ity. Këtii mnätyukyaj'ëxëëkëtëty nimëti'ipë jëyujk mëti'ipë naaxwin'a'tspën.

Levitico 19:2

Jëtu'un xy'ënëëmëty yë naax kajpn: Wa'ats mëpaat myajpaatë, jä'ä ko ëjts Wintsën mëti'ipë mijts mTiosajtëpën, wa'atsës yë'ë.

Efesios 1:4

Tios të xywyin'ijxëmë ko ja Kristë të nmëpëjkëmë naamka'anëm ënäty ja naaxwiinyëtë tsyo'ontä'äkynyëm ets jëtu'un wa'ats n'ijtmëty wyintuuy mëët ja tsyojkën jya'awën.

Colosenses 3:12

Mëk miits yë Tios mtsokëtë ets tëë mwin'ixëtë ets jam myajpaatëty ma ja kënu'kxypyë nyaax kyajpnën. Tuk'itëtë ja pa'ëyo'owën, oyjä'äyajtën, yujyajtën, tëtä'äkyajtën, nätsyokë ets ja mä'kxtujkën.

1 Tesalonicenses 4:7

Ka'ap ja Tios yë'ëjëty të xytyuknipëjktakëmë ets ëxëëk njuuky'ajtmëty, yë'ë të xytyuknipëjktakëmë ets oy wa'ats nyajpatmëty.

1 Tesalonicenses 4:3

Mëti'ipë Tios tsyojkpyën, yë'ë ets ëmuumtu'ukjot oy mjuuky'attëty: ka'ap xim yam ye'etyëjk to'oxytyëjk xymyëët'attëty,

Hebreos 12:14

Jotkujk itë mëët ja ja'ayëty oypyënëty ets wa'ats mjuuky'atëty. Pën ka'ap wa'ats jyuuky'äty, ka'ap ja Tios nëjkx t'ixy.

Josue 24:19

E ja Josué tyaa y'ëtsoowëtë: Miitsëty ka'ap xyjyëkyäptë Tios xymyëtuntëty. Jä'ä ko wa'ats yë'ë ets ni'äkë'ajtp; ko pën je'eyë kyäjpxykyutëjy ets pyokytyuny, ka'ap jëtu'unyë tnani''ijxnaxy.

Levitico 11:45

Ëjts jëtu'un Wintsën, mëti'ipë ojts myajpëtsëmëtën jap Egiptë etsës xyTios'atëty. E paaty jëtu'un mëpaat wa'ats mnäyaj'itëtë, jä'ä ko ëjts wa'atsës yë'ë.

Levitico 21:8

Jä'ä jëtu'un mëpaat xymyëët'aty wa'ats. Jä'ä ko yë'ë jëtu'unëty xëmë kyë'ëyajktëp ja tsajpkääky ma Tiosën mëti'ipë mTios'ajtypyën. Paaty wa'ats jëtu'un mëpaat y'itë, jä'ä koos mëti'ipë Wintsën'ajtpën, wa'atsës yë'ë, etsës jä'äs yë'ëjëty mpëjkta'aktë wa'ats.

Levitico 21:15

Këtii ixtijy tyajwë'ëmpëty ja myëku'uk mëti'ipë mëët tyu'kjëëky'äty tyu'kmëku'uk'atyën. Jä'ä koos mëti'ipë Wintsën'ajtën tëëjës yë nkënu'kxtë.

Levitico 21:23

Je'eyëp ko ka'ap tjëkyepy jap nyëjkxëty jëxkë'p'äämpy ma wyit'atëëytyukëtyën ets ma ja wintsë'këntyaknën. Këtiipë jëtu'un ja y'oyajtën ja ntëjkës kyayajwinkutsë'ëkëty, ko ënäty yë'ë ka'ap y'oyëty myëkëty ets kyakä'pxyëty. Ëjts jëtu'un Wintsën mëti'ipë yë'ëjëty kënu'kxëtëpën.

Josue 3:5

Tä yë Josué y'ënëmaayëtë: Näyajwa'atsëtë Tios wintuuy ets tjëkyäpëty wi'ix xy'ixtëtyën yë Wintsën yë myëj'ajtën mëti'ipë jëpom yaj'ixanëpën.