Levitico 20:27 - Biblia Mixe de Quetzaltepec

²⁷ Yë ye'etyëjk ëkë to'oxytyëjk mëti'ipë pojmëkajpxtëpën, ëkë jä'ä tyuunk'ajtyp wi'ix winë tnajtsjawëtyën, kuka'atsy pyaatëtë xyaj'ooktëty ets kë'ëm jëtu'un ënäty nyätyunëtë.

Levitico 20:27 ပူးပေါင်းရင်းမြစ်များ

Levitico 19:31

Këtii xynyinëjkxëty oy natiipoj natii ënääw ets mëti'ipë nasja'apën. Këtii xy'ëxëëktuntëty yë mjuukyajtënëty, ko yë'ë tii xyajtëëwpëtëty. Ëjts jëtu'un Wintsën mëti'ipë miits mTiosajtëpën.

Levitico 20:6

Pën myëkäjpxypën yë poj ënääw, ëkë nyinëjkxypyën yë najtsja'apë ets ja jyot wyinma'any tyajma'aty ko yë'ë tninëjkxy. Ëjts nän ntëytyunëpës tääpë ja'ay ets nëjkxëpës nyaj'ooky ma ja nyaax kyajpnën.

Éxodo 22:18

Këtii xyajwë'ëmëty juuky yë to'oxytyëjk, mëti'ipë kajpxpojkpën, myaj'ookëp ënätyë.

Hechos 16:16

Tëkok ojts jyäty kyëpety, jamës ënäty nnëjkxtë ma ja ja'ay ja Tios tja'amyätstën, täätsës mpatë tu'uk ja to'oxy'ëna'k mëti'ipë ja ku'oypyë myëët'ajtypyën, ets tyuknajtsjawëty mëti'ipë tunan jatanëpën. Ëne'emy ijty y'ity; yajxon ja wyintsën myeenypyääty mëti'ipë ënä'ämëpën.

Levitico 20:2

Jëtu'un xy'ënëëmëty yë Israel ja'ayëty: Pën yë'ë Israel ja'ay, ëkë jaaypyaat jaaypyo'kxy mëti'ipë tsënääpyën ma Israel kajpnën ets tkë'ëyäky ja y'u'unk ets tukwintsë'ëkë ja wiink tios mëti'ipë xyëëwajtypyën Moloc. Tääpë ja'ay kuka'atsy nyitëkëty y'ookëty ma myëkukajpnën.

Levitico 24:14

Juut tääpë ja'ay naaxjoty kajpnjoty mëti'ipës të xy'ëxëëktijyën ets tkëxkontëty jam yë kyë'ë ma kyëpajkën, tëkokyë yë ja'ay mëti'ipë të tmëtowtën ets ja naax kajpn yë'ë kuka'atsëtëp.

Números 15:35

Ënät ja Tios t'ënëmaay ja Moisés: myaj'ooktëp tääpë ja'ay, tëkokyë yë Israel ja'ayëty nëjkx tkuka'atstë tääpë ja'ay jam kajpnpë'am.

Deuteronomio 21:21

Ënät nëjkx ja kunaax kukajpn tkuka'atstë ya'atë jëtu'unpë ja yä'äy'ëna'k. Jëtu'un'äämpy ka'ap yaj'ijxta'akëty ja ëxëëkajtën ma ja naax kajpnën, e ko ja Israel ja'ayëty nijawëtëty, myëët'atëp ja tsë'ëkë.

1 Samuel 28:3

Tääpë jëmëjt ja Samuel tëë ënäty y'o'knë, ko y'o'ky mëk ja Israel ja'ayëty ojts tnijë'ë tniya'axtë, jam tyajnaaxtëjkëtyë Ramá ma myiinyën naaxwiiny. Yë Saúl ojts tëkok t'ëxwojpta'ay ja najtsja'apëtëjkëty ets mëti'ipë myëkajpxtëpën ja o'kpë.

2 Crónicas 33:6

Tä tyaj'o'ky ja y'u'unk y'ëna'k ets nino'ky nixämy mëti'ipë tyukwintsë'këyën ja Ben-hinom; ojts tyajmëjnajxnë ja näpyatoy näpyanaxë, ja najtsja'awën, ja toonkajpk ets ja kaxpojkën. Tim tëkatsy ojts winë tuunë, aakjä'ä mëti'ipë ja Wintsën y'ëxëëk'ijxypyën.