Levitico 20:25 - Biblia Mixe de Quetzaltepec

²⁵ Paaty miitsëty kopkpëky ko xynyijawëtëty, mëti'ipë jëtu'un yë jëyujkëty wa'atsëtyën ets mëti'ipë ka'ap wya'atsëtyën ets näjyëtu'un yë joon jëyujkëty mëti'ipë wa'atsëtyën ets mëti'ipë ka'ap wya'atsëtyë. Ka'ap mëpaat yë'ë mnätyukyaj'ëxëëkëtë ja jëyujk, joon jëyujk ets ja mëti'ipë naaxwin'a'tstëpën, mëti'ipës të nikäjpxyën ko y'ëxëëk'atë.

Levitico 20:25 ပူးပေါင်းရင်းမြစ်များ

Hechos 10:28

Ënät ja Pedro y'ënäny: Ejxtëm xynyijawëtën, ka'apës ëjts yë n'ënä'ämën kyutuky ets jutiis ja'ay mëët ye'eymyuk nyajxmuktëty ja ja'ay mëti'ipë ka'ap jyutiisëty, nän ka'ap tjëkyepy tyëkëty ma tyëjkën. E tëëjës ja Tios xytyuknijawë ko ka'ap y'oyëty koos pën ntijëty ëxëëk.

Génesis 1:21

Ojts yë'ë Tios yë jëyujk tyajkojy mëjatypë këjxmjatypë jap nëëjoty ets tu'kë'ëyë jëyujk jënu'un yaj'ixy yajpaatyën nëëjoty, näjyëtu'un yë joon jëyujk ojts tyajkojy. Yë Tios aak'oy t'ijxy mëti'ipë ënäty të tyajkojyën.

Levitico 10:10

Jëtu'un wyinkëxë'ëkëty ko miitsëty mkënu'kxy'atë, mëët ja mëti'ipë ka'ap kyënu'kxëtyën ets ko mwa'ats'atë mëët ja mëti'ipë ka'ap wya'atsëtyën.