Levitico 20:20 - Biblia Mixe de Quetzaltepec

²⁰ Pën myëëtko'knääpy ja jyämy ja tyo'oxytyëjk, ja jyämyëtën ënäty kyawintsë'këp, niimäjtskëty kopkpëky ko nëjkx ja pyoky tkumëtowtë: Ka'ap nëjkx ja y'u'unk y'ëna'k tmëët'atë, tyim'ooktëty jëtu'un.

Levitico 20:20 ပူးပေါင်းရင်းမြစ်များ

Levitico 18:14

Këtii yë wintsë'kën xyajtëkoyëty ma mjämyën ets xymyëëtko'knääpyëty yë tyo'oxytyëjk, jä'ä ko tu'ukyë jot ne'pny tmëët'atë.

Lucas 23:29

Pyatäämpy ja xëëw ko m'ëna'antëty: Akujk jotkujk ja to'oxytyëjk mëti'ipë ka'ap y'u'unkpaatën ets mëti'ipë ka'ap yaj'u'unktsi'itstën.

Lucas 1:25

Paatyës ja Wintsën të xypya'ëyoy etsës ja ja'ay ka'ap xypyäxëty.

Lucas 1:7

Je'eyëp ko ka'ap ijty pën y'u'unkëty, jä'ä ko ja Isabel ka'ap tjëkyepy y'u'unk'ixëty, jëtu'un ojts myëj ja'ayënëtë nimäjtskëty.

Jeremias 22:30

Jëtu'un yë Wintsën y'ënä'äny: Jap ya'atë ye'etyëjk kuuja'atë ma yajjaaypyätën yë ye'etyëjktëjk, ko jëtu'un yë'ë tä tu'uk ja'ayën mëti'ipë ka'ap nitu'uk yë y'u'unkën, tä tu'uk yë ye'etyëjkën mëti'ipë ka'ap tii të y'oypyëtsë'ëmxëtyën ko të jyuuky'äty. Jä'ä ko ka'ap nëjkx nitu'uk yë y'u'unk y'ëna'k jyä'ty ma David yë kyutujktaknën ets jeexyë jam jatëkok y'ëne'emy Judá.

Salmos 109:13

Wä'än timkyixy timnyäxy yë y'aptëjk, ets wä'än timy'atëkoy yë xyëëw.

Job 18:19

Ma nëjkx tmëët'atyën yë y'u'unk y'ok ma naax kajpnën; nitu'uk nëjkx pën kyawë'ëmy juuky ma tyëjkën.

Levitico 20:21

Pën tu'uk yë naaxwiinyëtë ja'ay myëëtko'knaayëp yë y'äjty, yë myëkä'äx to'oxytyëjkpë, y'äjty jëtu'un ënäty myëtëkoopy. Ya'atë jëtu'un të tunyën, ëxëëktu'un yë'ë. Paaty nimäjtsk jëtu'un tyim'ooktëty ets ni y'u'unk ni y'ok nëjkx tkayajwë'ëmtë.