Levitico 20:17 - Biblia Mixe de Quetzaltepec

¹⁷ Pën tu'uk yë naaxwiinyëtë ja'ay myëëtko'knääpy yë tsyë'ë, ëkë y'uty to'oxytyëjkpë, mëti'ipë yë tyeety nyëëx'ajtypyën, ëkë tyaak nyëëx'ajtypyën ets tmëëtko'knëty. Nimäjtskëty kopkpëky ko nëjkx yajjuutë ma myëkunaax myëkukajpnëtyën, mayjyä'äy wyintuuy. Jä'ä ko tu'uk yë ja'ay yë myëkä'äx tmëëtsënaaynyëty, mëj tsëtyu'un yë'ënë. Ets mëti'ipë ënäty jëtu'un të y'ëti'ityën, kyë'ëmpokyën ënäty jëtu'un nätyuktuunëp.

Levitico 20:17 ပူးပေါင်းရင်းမြစ်များ

Levitico 18:9

Këtii xymyëëtko'knëty yë mtsë'ë, ëkë m'uty to'oxytyëjkpë, mëti'ipë mteety nyëëxajtypyën, ëkë mtaak nyëëxajtypyën. Oy ënäty jyapëty të myiny naaxwiiny ma mtëjkën, ëkë oy ka'ap, ka'ap mëpaat xymyëëtko'knë.

Deuteronomio 27:22

Poky yë ja'ay wyë'ëmëty mëti'ipë myëëtko'knääpyën yë myëkä'äx to'oxytyëjkpë, oyxyëp wiink to'oxytyëjkëty tjataak'aty, tu'ukyë tyeetyëty tukmuktë, ëkë mëti'ipë wiinkteetyën, tu'ukyë ja tyaakëty tukmuktë. Ënät ja ja'ayëty y'ëtsowtëty: Oy, jëtu'un'atëp.

Ezequiel 22:11

Tam mëti'ipë jyiiky myëku'uk myëëtko'knääyëpën ja tyo'oxytyëjk ets tam mëti'ipë ja'ay myëëtko'knaaynyëpën yë myaank yë tyo'oxytyëjk ets t'atsip'ajnë yë'ëpaat yë kyu'uty to'oxytyëjkpë.

2 Samuel 13:12

Ënät y'ëtsoowë ja to'oxytyëjk: Ka'ap y'oy'atëty, këtii xy'ëwa'atsy ets mijts nëkoo xyajnipäxë tëkëtyës, tä mjamay mjatajyën ka'ap jëtu'un y'oy'atëty ma Israel ja'ayëtyën. Këtii xytyuuntëkoy mëti'ipë ka'ap kyutukyëtyën.

Génesis 20:12

Tyam mijts jatëkok n'ënëëmë, ko tëyajtën yë'ë, koos nmëku'ukëty ets koos nmëkä'äxëty. Jä'ä ko yë'ëjës yë nteety yë nyëëx, je'eyëp ko ëpëky tyaak. Paaty ojts tjëkyepy ets yë'ë mëët npëkëtyës n'uukëtyës.

Levitico 20:16

Pën tu'uk yë to'oxytyëjk myëët'ajtyp yë jëyujk tsajpkaa, jëtu'un tä jeexyë yë naaxwiinyëtë ja'ay tmëët'atyën. Kopkpëky ko nëjkx y'ooky ja to'oxytyëjk ets ja jëyujk mëti'ipë ënäty mëët jëtu'un të y'ëti'ityën ets kë'ëm jëtu'un ënäty nyätyunyë.

Números 5:31

Ja ye'etyëjk ka'ap nëjkx tii poky tsëëmë'ëky, jä'ä tëy ja tyo'oxytyëjk, pën yajpatp pokymyëët kopkpëky ko nëjkx ja pyoky tkumëtoy.

Éxodo 30:33

Pën muum kë'ëmwinma'any yajkojpy yë on jëtu'unpë tä tyaapë y'ixëtyën, ëkë muum oypyënëty tukuja'axnëtëty; pën ënäty jëtu'un ëtëtspën, kopkpëky ko nëjkx yajjo'otsy ma ja myëkunaax myëkukajpnën.