Levitico 20:1 - Biblia Mixe de Quetzaltepec

¹ Ënät ja Tios ojts tmëkäjpxy ja Moisés ets t'ënëmaay:

Levitico 20:1 ပူးပေါင်းရင်းမြစ်များ

Levitico 19:37

Paaty tuntë jëtu'un, tääjës yë n'aaw n'ayuk të nkäjpxyën ets tääjës yë n'ënä'ämën ntëyajtën y'ënä'änyën. Patuntë, ëjts ënaanp. Ëjts jëtu'un Wintsën.

Levitico 20:2

Jëtu'un xy'ënëëmëty yë Israel ja'ayëty: Pën yë'ë Israel ja'ay, ëkë jaaypyaat jaaypyo'kxy mëti'ipë tsënääpyën ma Israel kajpnën ets tkë'ëyäky ja y'u'unk ets tukwintsë'ëkë ja wiink tios mëti'ipë xyëëwajtypyën Moloc. Tääpë ja'ay kuka'atsy nyitëkëty y'ookëty ma myëkukajpnën.

Miqueas 6:7

¿Tyukxoonta'akëp jëtää yë Wintsën koos ntukwintsë'ëkëty tu'uk mil yë tsajppax ayääkë ëkë may olivë onë? ¿Ëkë ko ntukwintsë'ëkëtyës yë nmaankës kä'äxkopk ets yë'ë ntukkunaxëtyës yë n'ëxëëk winma'anyës ets nnëë npokyësë?

1 Samuel 12:14

Tyam miits ënät mpatëtëp pën mëjjawëjantëp yë Wintsën ets pën m'ëwtatantëp yë'ë, miits mnija'awëtyëp pën nkäjpxymyëtowantëp ets pën mpatunantëp yë y'ënä'ämën tyiyajtën ets mjuuky'atëty jëtu'un tä yë'ë tsokyën, jëtu'un'äämpyts jotkujk myajpaatëty.

Esdras 7:26

Pën ka'ap tpatuny ja Wintsën ets ja yajkutujkpë ja y'ënä'ämën, wä'än t'ooky, ëkë wä'än tyaj'ixkexy, wä'än tkuyäky ëkë wä'än tyajtsumy.

Jeremias 7:31

Ma ja Ben-hinom joyjotmën, jam të tkojtë yë Tofet wyintsë'këntyakn ets jam nino'oka'antë ja y'u'unk y'ëna'këty ye'etyëjkpë to'oxytyëjkpë, mëti'ipës ka'ap nijëna'a ojts ni'ënä'ämën ets ka'apës ojts nijënu'un ntimmyäy ntimtyäjy jëtu'un y'ëtë'ëtstëty.

Ezequiel 16:21

ets ëpëky të xykyë'ëyajknë ja n'u'unk n'ëna'kës ets jëënjoty të nyitoytyë ma awinax të yajtukwintsë'këtën, ¿këtiijë?