Levitico 2:4 - Biblia Mixe de Quetzaltepec

⁴ Ko ja m'ujts tëëm m'ujts pajk xykyë'ëyaka'anëty ma Tiosën ets jap xyajkëty ma tu'uk yë tsijtkën, yë'ë myakëp yë tsajpkääky mëti'ipë oytyunyën mëët yë jëtsy mëti'ipë tijjëtitypë mëët yë on, je'eyëp ko ka'ap tsyooymyëëtëty, ëkë oy yë'ëjëty yë tsajpkääky tsyë'ëts pejypyë ets mutskjatyëty mëti'ipë ka'ap tsyooymyëëtëtyën, yë'ë on mtuknixijkxëp.

Levitico 2:4 ပူးပေါင်းရင်းမြစ်များ

Salmos 22:14

Jëtu'unës ëjts tä nëë nyajtstämën. Tëës yë nwaay mpajk jyäjxma'ta'ay. Jëtu'unës yë njuukyjot tä pu'unykyën tëë jap jyiiytyakta'ay njootjotyës.

Éxodo 12:8

Jä'ä tsu'um nëjkx xytsyu'utstë ja tsyu'utsy tsyä'äy, yë'ë mëët xyjyë'kxtëty ja aay ujts, mëti'ipë ta'amën ets tsajpkääky ka'apë tsyooymyëëtëtyën ets tsäk.

Éxodo 16:31

Ja Israel ja'ayëty jä'ä ojts tijtë maná mëti'ipë ënäty winjopy yajmujktëpën. Ya'atë maná jä'ä ënäty y'ixëty poop ets jëtu'un kyëxë'ëky tä yë tsajpmokën ets pya'akëty jëtu'un tä yë tsajpkääkyën cerëpa'akmëëtpë.

Éxodo 29:2

ets ja tsajpmokway mëti'ipë oyën, yajkoj ja tsajpkääky ets ma'atsy mëti'ipë ka'ap tmëët'atyën yë tsajpkääky tsyooy, yë'ë mëët xytyijëtitëty yë on ets tsajpmoktë'ëts ka'apë tmëët'atyën yë tsooy ets wäänjaty xytyuknixijkxëty yë on.

Isaías 42:1

Tyaajës ja ntuunpë mëti'ipës mëk n'ijx'ijty nkëwent'ajtypyën, mëti'ipës të nwin'ixyën ets mëti'ipës ntukxoontäkpyën. Tëës nmo'oy yë nmëk'ajtën ets tunëty ja nipaye'eyën tëy tëtä'äky ma ja naax kajpnën.

Isaías 61:1

Ja Wintsën ja myëk'ajtën y'oyajtën tyaa yajpaaty mëët ëjts, jä'ä ko tëëjës yë Wintsën xykyënu'kxy; të xykyexyës etsës njotkujkmo'ojëty ja ëyoopëja'aytyëjk, nyajtso'ok nyaj'akëta'akëtyës ja jëëpyë yaxpë, nyaj'ëwaatsëpëtsëmëtyës ja tsumpyë matsypë, njuutëtyës pujxn tëkoty mëti'ipë natëk nawa'akë të yajmatsyën;

Ezequiel 46:20

etsës të xy'ënëëmë: Yaa yë teetytyëjkëty tyajkë'ëwtëty yë tsu'utsy mëti'ipë wintsë'kën'ajtpën ko të yajpaaty yë pokymyä'kxën ets yaa näjyëtu'un tyajkë'ëwtëty yë aaypyajk ujtspajk. Jëtu'un ka'ap jap tii tmëpëtsëmtëty tëja'p ets jëtu'un ka'ap yë naax kajpn tii tonëty mëti'ipë kënu'kxyën.

Levitico 1:11

ets xyo'kumtëty anëkëjxytsyow ma ja wintsë'këntyaknën, jam Wintsën wyintum. Yë Aarón yë y'u'unk y'ëna'këty mëti'ipë teety'ajtëpën yë'ë myënëjkxtëp ja ne'pny ets txijkxjëtitëty ma ja wintsë'këntyakn ja pya'ajën.

Levitico 10:12

Ënät yë Moisés t'ënëmaay yë Aarón mëët ja myaank nimäjtsk mëti'ipë xyëëwajtëpën Eleazar ets Itamar: Mijts jë'kxtë yë aaypyajk ujtspajk, mëti'ipë të nyatëkën ma ayajk ako'onën yë Israel ja'ayëty tmo'otën yë Wintsën, mëti'ipë ka'ap tsyooymyëëtëtyën jam xyjyë'kxtëty ma wintsë'këntyaknën jä'ä ko wa'ats yë'ë yajpatnë.

Levitico 6:17

Ka'ap mëpaat tyajkë'ëwtë mëët yë tsajpkääky mëti'ipë tsooyën. Yë'ëjës yam nmooytyëp ets patëtëp wäänë tjä'ä'ajtpëtëty mëti'ipës ëjts yajtukmëyojxpën. Yë'ë wa'ats yë mëj këjää, jëtu'un tä yë ayajk ako'onën mëti'ipë yë nëë poky yajtukuyajkpën.

Levitico 7:12

Pën ja wintsë'kën yë'ëkyëjxm yajyaka'any ko ënäty winë yajkukajpxëja'any, nëjkxëp yajyäky yë tsajpkääky mëti'ipë ka'ap tsyooymyëëtyën, yë'ë mëët xyëpiny'atëty yë on, yë tsajpkääky tsyë'ëts pejypyë ets mutskjatyëty ka'apë tsyooymyëëtëtyën ets yë'ë mëët xyëpiny'atëty yë on ets näjyëtu'un yë tsajpkääky tsajpmokwaymyëëtpë yajxonpë të yaj'oytyunyën mëët yë on.

Números 6:15

Nëjkxëp näjyëtu'un tyäky tu'katsy u'unk yë tsajpkääky ka'apë tsyooymyëëtëtyën, mëti'ipë oytyunyën mëët yë tsajpmok ets on. Näyjyëtu'un nëjkx tyäky yë tsajpkääktyë'ëts, mëti'ipë wäänjaty yë on të yajtuknixijkxyën, mëët ja ayajk ako'onën mëti'ipë aaypyajk ujts pajkën ets ja tsatym nyëë.

Mateo 26:38

Ënät ojts y'ënä'äny: Këjxpës njawë n'aaw njot, jëtu'un tä ja'ay y'ooka'anyën. Yaa wë'ëmtë, juuky m'itëty mëët ëjts.

Juan 12:27

Nëkoojës tyam nmaaynyë ntajnë. Wi'ixës n'ëna'anëty. ¿Koomës jëtää n'ëna'anëtyë, Tios Teety, këtii xyajkutuky ets n'ookëtyësë?. Yë'ëtsës të niminy ets jëtu'un tyunëtëty jyatëtëty.

Juan 3:34

Pën ja Tios të kyexyë, Tios ja y'aaw y'ayuk myëtyäkpy, jä'ä ko Tios ja Jya'awën të tyäky ëmuumtu'ukjot.

Hebreos 7:26

E jëtu'un yë Jesús, të nyäxy Mëj teety wintsën mëti'ipë ënäty nyajmëyajtëmën. Yë'ë kënu'kxy, wa'ats, ka'ap poky tmëëtëty, ka'ap pyokyjä'äyëty ijxtëm ëëtsajtëmën, wäänë këjxm yë'ë y'ity këtiinëm ja tsajp.

1 Pedro 2:1

Ixmajtsta'atë ja ëxëëkajtën, ja win'ë'ënën, ko ja'ay oy nyänyimëtyä'äkyë ets ëxëëk jyä'äy'äty, ja näy'ëxëëk'ixë ets ja pi'tskäjpxy.

1 Pedro 2:22

Nitii poky ja Kristë tkatuuntëkooy ets ka'ap ojts ni pën twin'ëëny.