Levitico 2:2 - Biblia Mixe de Quetzaltepec

² Ënät tukninëjkxëty ja Aarón ja y'u'unk y'ëna'k mëti'ipë teety'ajtëpën ets nitu'uk tu'kkë'ëjaaxy tja'axpëtsëmëty ja tsajpmokway mëët ja nyi'on ets ja nyipoom, jam tkëxpëkëty ma ja wintsë'këntyaknën ets jam tnino'okëty, mëët ko ja ja'amyäjtsën tuny ets ja Tios jä'ä tukwintsë'ëkëty ja oypyë ja xyu'kën jyojkën.

Levitico 2:2 ပူးပေါင်းရင်းမြစ်များ

Nehemías 13:14

Mijts Wintsën, ma mijts n'ëwtatyën, tun mëyajtën ni''ijxkëtakës ets mijts kë'ëm m'ixëp mtunëp pën oy yam jëtu'un nmëtuny tä yam winë ntunyësën, këtii xyjyä'äytyëkoyëty mëti'ipëjatyës yam oy ntuunpyën ma mtsajptëjkën ets ma myaj'ëy myajwinkajpxtä'äkyën.

Nehemías 13:22

Näy ojtsës ntuk'ënä'ämpë Leví ja'ayëty ets näypyuj nyäjyä'ätsëtëty ets nëjkx tkëwent'atë ja tëjk'aaw ko po'kxënxëëw tpaatëty këtiipë yaj'ëxëëktunëty ja po'kxënxëëw. Wintsën, ma mijts n'ëwtatyën, xyjyä'äymyätsëpës, mja'amyätsëp mëti'ipë yam ntuunpy nkäjpxypën ets pa'ëyoow najts'ëyo'owëkës mëët ja m'oyjot m'oywyinma'any.

Éxodo 30:16

Paaty mijts myajmukëp ya'atë poop pujxn, mëti'ipë ënäty yë Israel ja'ayëty nätyukuyajkëtëpën ets jap xykyë'ëyakëty ma ja wit tëjkën ma ja näpyaatë y'ityën mëët ja Tios. Yë'ë ya'atë Tios tyukja'amyätsëp yë Israel ja'ayëty, mëët ko ënäty ja jyuuky'ajtën tëë tnikëpäjtu'utë.

Isaías 66:3

E tää yë ja'ay mëti'ipë tu'uk yë tsajpkaa yaj'o'kpyën, ets tu'uk näjyëtu'un ja'ay tyaj'ooky; ko tyaj'ooky tu'uk kupixyny, tu'uk uk tyo'kwiity; ko tyäky yë ujtspajk, näjyëtu'un tyäky yë ëtsëm ne'pny; nyo'ktëp xyaamtëp yë poom ets y'ëwtajtëp awinax. Mëti'ipë ja'ay jëtu'un ëtëtstëpën, oy nyäyjyawëtë ko jëtu'un y'ëtë'ëtstë.

Levitico 1:13

Ja teety mëti'ipë yäjkpyën ja wintsë'kën, jëyëjp tpujëty ja jëyujk tiinty ets ja jëyujk puuy ets tnino'okëty jam ma ja wintsë'këntyaknën mëti'ipë ja Tios tyukwintsë'ëkëpën, tä tu'uk yë ayajk ako'onën mëti'ipë oy xu'kp jojkpën.

Levitico 1:17

Tääts tsujkwa'kxëty këëkujkm ja muuxy ëkë ja kuuk, jäätsow tmatsëty ma kyäknën. Ka'ap timyajjënakëty ja kyäkn, tä tnino'okëty ma wintsë'këntyaknënën, jam ma ja ja'axy tyoyën ets jëtu'un ja Tios yajtukwintsë'ëkëty, tä tu'uk yë wintsë'kënën oypyë xyuuky jyokyën.

Levitico 1:9

Pën ja jëyujk'ooky ënäty nino'oky yäjkpyën, yajxon tpujëty ja tyiinty ets ja y'ixpajk. Ja teety yë'ë nëjkx tnino'kta'ay ma ja wintsë'këntyaknën ets ja Tios yajtukwintsë'ëkëty tä tu'uk yë wintsë'kën oypyë xyuukyën.

Levitico 2:16

Tääts ja teety wäänë tyajnitoyëty ja aaypyajk ujtspajk, mëti'ipë ënäty të yajme'eyën mëët yë on ets mëët tëkokyë yë poom, jëtu'un'äämpy yë Tios yajmo'ojëty ya'atë ayajk ako'onën nino'oky ma ja ja'amyäjtsën yajtunyën.

Levitico 2:9

Tääts ja teety wäänë jam tkëxpëkëty ja mookway ma ja wintsë'këntyaknën ets tyajnitoyëty, jä'ä wa'anëp tä ja potsyën ma ja wintsë'kën yajyäkyën, mëti'ipë ja ja'amyäjtsën mëët yajtunyën ets ja xu'kën jojkën janty'oy jam jya'tëty ma Tiosën.

Levitico 24:7

Ets näjyëtu'un xypyëjkta'akëty yë poom pa'apa'a, ma wyaatsën ja tsajpkääky ets yë'ë jokëp tä jeexyë yë Tios yajmo'oyën tu'uk yë ayajk ako'onën, mëti'ipë nino'okyën. Ets tja'amyätsëty ja nyaax kyajpn.

Levitico 4:31

Näyjyëtu'un nëjkx yë y'on yajnëtsujkta'ay, tä ja mëti'ipë wintsë'kën'ajtpën ko ja nay'ëëw'oy näykyajpx'oyë y'ity. Jam tnino'okëty ma ja wintsë'këntyaknën mëti'ipë ja Tios yajtukwino'kp yajtukwinxaanpën ets oy xyuuky jyoky. Jëtu'un'äämpy ja teety ja pokymyä'kxën tpaatëty mëti'ipë tääpë ja ja'ay jyä'ä'atëpën.

Levitico 5:11

E ko ja nyimeeny tkëpätëty ets jeexyë mäjtsk tjuy ja muuxy ëkë ja pak, jyëkyejpy yë'ë tmënëjkxëty mäjtsk tsimën yë tsajpmokway mëti'ipë jä'ä tyukunaxëpën ja nyëë pyoky. Ka'ap tjëkyepy t'onëty ets ni poom mëpaat tkapëjktä'äky, jä'ä ko ya'atë ayajk ako'onën yë'ë ënäty të yajtuknipëjktaakë ma nëë poky yajmä'kxëtyën.

Levitico 5:12

Tääts ja teety tuknixijkxëty ets wäänë tja'axpëtsëmëty ja ne'pyny, mëti'ipë yajtukja'amyätsëpën ets ënät tu'ukyë tnino'kta'ajëty mëët ja wiinkëtypë ja ayajk ako'onën jam ma jä'ä ja jëyujk ne'pny mëti'ipë ënäty ja nëë poky kyunajxypyën mëti'ipë ja Tios yajtukmëjja'apën. Ya'atë ayajk ako'onën yë'ë mëti'ipë ja poky kyunajxypyën.

Levitico 6:15

Nitu'uk pën tja'axpëtsëmëty yë tsajpmokway mëët yë nyi'on mëti'ipë yajyajkpën ets mëët näjyëtu'un ja poom mëti'ipë mëët nyijkxyën tu'ukyë ja ayajk ako'onën. Ënät jam tno'okëty ma ja wintsë'këntyaknën mëti'ipë yajtukja'amyätsëpën ja wintsë'kën ets jëtu'un jya'tëty ja xu'kën jojkën jam ma Tiosën.

Números 5:18

Ets ja to'oxytyëjk jam wya'ak'oyëty Tios wintum ets t'ënëëmëty ko ja wyääy tnajtsmatsëty ets tmo'ojëty näjyëtu'un ja ayajk ako'onën mëti'ipë ënäty ja nyiye'etyëjk të tyäkyën, mëët ko të jyoot'anpëky. Jä'ä jëtu'un ets yajnijawëty pën janty tëë pyokytyuny. E ja teety yë'ë nëjkx tpëjkë'ëky ja nëë, mëti'ipë ta'amën, mëti'ipë myëët'ajtypyën ja poky.

Números 5:26

Ets wäänë tja'axë'ëkëty ja ujtspajk, mëti'ipë ayajkën'ajtp ako'onën'ajtpën. Ets nëjkx tnino'oky ma ja wintsë'këntyaknën, yë'ë nëjkx yajtukja'amyetsy. Ko ënäty ja teety ja to'oxytyëjk të tuk'ukta'ay ja nëë mëti'ipë ta'amën.

Hechos 10:4

Tääts ja Cornelio tsë'ëkë tsë'ëkë twin'ijxpejty ja tsajpjotmëtë kukäjpxy ets t'ëtsooy: ¿Tii?, Wintsën. Tää ja tsajpjotmëtë kukäjpxy y'ënëmaayë: Y'ijxyp nyija'ap yë Tios ko xyjyä'äymyetsy ets wi'ix xypyutëkën ja ëyoopëja'aytyëjkëty.