Levitico 19:9 - Biblia Mixe de Quetzaltepec

⁹ Ko yë mpëjktä'äky y'itëty wyintëwëty, këtii tëkokyë winë xytyimyajpëtë'kta'ajëty ets ni xykya'ixtaaytya'ajëty, ja mëti'ipë ënäty muum të kyä'äyën.

Levitico 19:9 ပူးပေါင်းရင်းမြစ်များ

Levitico 19:10

Këtii janty wa'ats xy'ijxtaaytya'ajëty ja m'aaytyëëm m'ujts tëëm, mëti'ipë ënäty muum të kyä'äyën. Ixmats wä'än yë'ë yë ëyoopëja'aytyëjk tyajmuktë ets jaaypyaat jaaypyo'kxyëty. Ëjts jëtu'un Wintsën mëti'ipë miits mTiosajtëpën.

Levitico 19:8

Pën tsyu'typ ja tsu'utsy, tuuntëkoopy ënäty, kopkpëky ko nëjkx yajjo'otsy ma ja myëkunaax myëkukajpnën, mëët ko ënäty të tyaj'ëxëëktëkë ja wa'atspë mëti'ipë ja Tios jä'ä të yajmo'oyën.

Levitico 23:10

Jëtu'un xy'ënëëmëty yë Israel ja'ayëty: ko ënäty miitsëty jam të mjajnëtë ma ja itjotmën, mëti'ipë nmo'ojantëpën ets xynyiyu'ujëtëty ja tsajpmok ets y'itëty wyintëwëty, ko nëjkx xyajpëtë'knëtë ja pëjktä'äky, ja më''ëka'anypë xyajpëtë'ëktën, tu'k'atsumy nëjkx ja teety jëyëjp xymyo'otë.

Levitico 23:22

Ko yë mpëjktä'äky xyajpëtë'ëkëty, këtii janty wa'ats xy'ijxmujkta'ajëty winë, mëti'ipë muum ka'apën. Yajwë'ëmtë wäänë ets yë'ë ëyoopëja'aytyëjk pyëjkmuktëp, ëkë jaaypyaat jaaypyo'kxy. Ëjts jëtu'un Wintsën, mëti'ipë miits mTiosajtëpën.

Levitico 23:29

Pën jëtu'un jä'ä xëëw ka'ap y'ayuu'aty, oy tyimpënëty Kopkpëky ko nëjkx yajjo'otsy ma myëkunaax myëkukajpnën.

Rut 2:15

Ko ja Rut ojts jatëkok nyijkxy tuunpë ma tyajmukyën ja tsajpmok. Ënät ja Booz ojts tuk'ëne'emy ja tyuunpëtëjk ets t'ënëmaay: Mna'ixtëp tääpë to'oxytyëjk, wä'än tyajmuky yë tsajpmok mëti'ipë atsuumtä'äkyëtyën. Këtii wi'ix xy'ënëëmëtëty.

Rut 2:2

Ënät yë Rut jatëkok t'ënëmaay yë Noemi: Nanë, ëwatskës yë ntu'u, wä'änës nëjkx n'ixta'ay yë tsajpmok, kooxyëp muum npaatëtyës yë ja'ay mëti'ipë oyjyä'äyën ets jam kyamjotm npëjkmukëtyës yë tsajpmok mëti'ipë tu'uka'apën. Nëjkx, u'unk, nëjkx, jëtu'un ja tyaakxyäkxy y'ëtsoowë.

Rut 2:8

Tä ja Booz t'ënëmaay ja Rut: U'unk maay këtii maa wiinktsow mnëjkxëty, yaa mtunëty; tää yaa tsajpmok jyätyë, yajmuk jënu'un mmëtä'äky. Jää tun mëët yë tuunpëtëjkëty.