Levitico 19:7 - Biblia Mixe de Quetzaltepec

⁷ Pën mtsu'tstëp kom tëkëëk xëëw, ja mëti'ipë ënäty të xyaktën tä tu'uk yë ayajk ako'onënën, ëxëëk nëjkx ja Tios tyajnajxnë ets ka'ap nëjkx t'ëkkupëjknë.

Levitico 19:7 ပူးပေါင်းရင်းမြစ်များ

Jeremias 16:18

Jëyëjp nëjkx ntukumëtoyës ja pyokyëty, mäjtsk oknipety nëjkx ntukumëtoyës ja tyëko'oyënëty mëët yë'ë ko të t'ëxëëktuntë ja it naaxwiinyëtë mëët ja y'awinaxëty ëxëëkpës n'ixyën ets ka'ap të twintsë'ëkëtë ja it naaxwiinyëtë mëti'ipës ojts njatukumaytyën.

Isaías 66:3

E tää yë ja'ay mëti'ipë tu'uk yë tsajpkaa yaj'o'kpyën, ets tu'uk näjyëtu'un ja'ay tyaj'ooky; ko tyaj'ooky tu'uk kupixyny, tu'uk uk tyo'kwiity; ko tyäky yë ujtspajk, näjyëtu'un tyäky yë ëtsëm ne'pny; nyo'ktëp xyaamtëp yë poom ets y'ëwtajtëp awinax. Mëti'ipë ja'ay jëtu'un ëtëtstëpën, oy nyäyjyawëtë ko jëtu'un y'ëtë'ëtstë.

Isaías 65:4

mëti'ipë o'kpë jut akë'ëy ijty naaxwä'tspën, ets nyäxy tyëkë ma ka'ap pën y'ixëtëtyën; mëti'ipë ijty ëtsëmtsu'utsy tsyu'typyën ets yajxon tyaj'utsy ja tu'ts mëët ja tojkxnëë ka'apë wya'atsëtyën.

Isaías 1:13

Këtiis nitii wintsë'kën xy'ëktuknimiinëtëty ka'apë tsyowpaatyën, yë nyijok ka'apës n'ëktsojknë. Ma ja po'o xynyixëëwtuntën, ma ja po'kxënxëëw xypyo'kxtën ets ma ja ja'ay xyajtu'ukmuktën ets ëxëëk y'ëtë'ëtstë y'ëna'antë.

Levitico 22:25

Näy ka'ap xykyupëktëty jëtu'unpë jëyujk, mëti'ipë yë jaaypyaat jaaypyo'kxy yäjkpyën ets yë'ë Tios yajmooypyëty, Tios ka'ap jëtu'unpë tkupëky. Jä'ä ko tääpë jëyujk ka'ap yë kya'pxëty ets ka'ap y'oyëty myëkëty.

Levitico 22:23

Pën mo'ojäämpy yë Tios yë wintsë'kën tsojkënkyëjxm, jyëkyejpy yë'ë tyaktëty tsajpkaa ëkë tsajppax mëti'ipë tyekyën winpukon. E pën yë'ë myaj'ëtukäämpy yë mwaantakën yë'ë jëtu'unpë ka'ap nëjkx yë Tios m'ëxajxëty.

Levitico 19:6

Ja jëyujk mëti'ipë myajktëpën tä tu'uk ayajk ako'onën, jä'ä xëëw mëpaat xytsyu'utstë, jyëkyäpëp komjëpom xyjyaaktsu'utstëty, jä'ä tëy mëti'ipë natëjkëpën, ma ja kom tëkëëkxëëpën mnino'oktëp jä'änë.

Levitico 19:8

Pën tsyu'typ ja tsu'utsy, tuuntëkoopy ënäty, kopkpëky ko nëjkx yajjo'otsy ma ja myëkunaax myëkukajpnën, mëët ko ënäty të tyaj'ëxëëktëkë ja wa'atspë mëti'ipë ja Tios jä'ä të yajmo'oyën.