Levitico 19:5 - Biblia Mixe de Quetzaltepec

⁵ Ko miits yë wintsë'kën xyaktëty ma Tiosën ets näy'ëëw'oyë näykyajpx'oyë xytyuna'antëty, oy yajxon winë xytyuntëty, tä mëpaat yë Tios naje'eyë tkupëkyën.

Levitico 19:5 ပူးပေါင်းရင်းမြစ်များ

Levitico 22:29

Ko xyakëty ma Tiosën tu'uk yë wintsë'kën, jëtu'un mëpaat xytyuny tä yë Tios yajxon tkupëkëtyën.

Levitico 7:16

E pën ja jëyujk jä'äts yajtukëpäjtp ma ënäty winë ja Tios të yajtukwinwanën, ëkë atsoky pën tyäky, jä'ä xëëw xytsyu'utstëty ja nyitsu'uty, e ja mëti'ipë natëjkëpën jyëkyejpy komjëpom tjaaktsu'utstëty.

Levitico 22:19

Yë'ë mëpaat tyäky yë yä'äypyë, ënät ja Tios kyupëjkxëtëty, wä'än yë'ëjëty yë pu'ts pujxn ëkë kupixyny ëkë tsajppax

Levitico 1:3

Pën yë'ë tsajpkaa yakäämpy tä tu'uk yë wintsë'kënën, yë'ë yakëp yë oypyë mëkpë ets mëti'ipë kä'pxyën, jam tyaj'ookëty ma yajnitëkën yë wit tëjk ma näpyaatë y'ityën ets jam ja wintsë'kën tyakëty ets Wintsën tkupëkëty.

Ezequiel 46:12

Ko yë yajkutujkpë tyakëty tsojkënkyëjxm yë y'ayajk y'ako'onën ma Wintsënën, ijxtëm tu'uk yë tsajpkaajën ëkë kupixyny mëti'ipë yakëpën ko ënäty yë nay'ëëw'oy näykyajpx'oyë tuny, jamtsow xëëwpëtsëmtsyow tyëkëty ets tyakëty yë wyintsë'kën näjyëtu'un tä yë po'kxënxëëw txëëwtuntën. Ko pyëtsëmëty ënätyë yë tëjkëtyakn y'ëtujkojnëty.

Ezequiel 46:2

Yë yajkutujkpë jam tyëkëty ma ja tëjkëtyaknën mëjtëja'ptsowpë ets jam nyaaxwa'akëty ma tu'uk yë xenyën mëti'ipë jam ma tëjk'akajën. E yë teetytyëjkëty yë'ë nyino'oktëp ja jëyujk ooky mëti'ipë wintsë'kën'ajtpën ets yë'ë näjyëtu'un kyë'ëyaktëp ja wintsë'kën mëti'ipë ënäty ja yajkutujkpë të tmëminyën ma ja nay'ëëw'oy näykyajpx'oyë tuna'anyën, jam kyoxtänëty ets wyinta'ak nyaaxkowëty ma ja tëjk'apu'uyën ets jatëkok pyëtsëmëty, ya'atë tëjkëtyakn ka'ap nëjkx y'ëtuky tu'kxëëw koonëm kyootsëty.

2 Crónicas 31:2

Ezequías tyuknikäkëtyääy ja teetytyëjkëty tiijaty tyuntëpën, mëti'ipë ojts tyuka'ajëtë tyaktëty ja wintsë'kën ma Wintsënën ma ja nay'ëëw'oy näykyajpx'oyë y'ityën, mëti'ipë ojts tyuka'ayë twin'ëw twinya'axtëty ja Wintsën ets mëti'ipë ojts tyuka'ayë tkëwent'atëty ja tsajptëjk'aaw.

Levitico 22:23

Pën mo'ojäämpy yë Tios yë wintsë'kën tsojkënkyëjxm, jyëkyejpy yë'ë tyaktëty tsajpkaa ëkë tsajppax mëti'ipë tyekyën winpukon. E pën yë'ë myaj'ëtukäämpy yë mwaantakën yë'ë jëtu'unpë ka'ap nëjkx yë Tios m'ëxajxëty.

Levitico 22:21

Oy jëtu'un tyimpënëty ko ënäty pën ja wintsë'kën tyaka'any, mëët ko ja näy'ëëw'oyë näykyajpx'oyë tuna'any mëët ja Tios, ko ojts jëtu'un ja wyaantakën tpëjktä'äky ëkë jä'ä ko jëtu'un timtsyojkën'ajtpë. Yë'ë mëpaat tyä'äky yë tsajpkaayä'äy ëkë tsajppax mëti'ipë oyën mëkën ets kä'pxyën, ënät yajkupëkëty.

Éxodo 24:5

Ënät ojts tuk'ëne'emy ja ëna'ktëjkëty ets tyaj'ooktëty ja tsajpkaa ets jä'ä tukwintsë'ëkëtëty ja Tios, jëtu'un'äämpy ja nay'ëëw'oy näykyajpx'oyë tuntëty mëët yë'ë.

Levitico 19:4

Këtii xy'ëwtatëty yë awinax, ni xykya'oytyuntëty kë'ëm yë mtiosëty mëti'ipë pujxnën. Ëjts jëtu'un Wintsën, mëti'ipë miits mTiosajtëpën.

Levitico 19:6

Ja jëyujk mëti'ipë myajktëpën tä tu'uk ayajk ako'onën, jä'ä xëëw mëpaat xytsyu'utstë, jyëkyäpëp komjëpom xyjyaaktsu'utstëty, jä'ä tëy mëti'ipë natëjkëpën, ma ja kom tëkëëkxëëpën mnino'oktëp jä'änë.

Levitico 7:18

E pën jää tsyu'tsyp ja tsu'utsy ma tyëkëëkxëëwpetyën, ja nyitsu'uty ja jëyujk'ooky mëti'ipë të wyintsë'kën'atyën, ko ja nay'ëëw'oy näykyajpx'oyë y'ity. Ja wintsë'kën ka'ap nëjkx y'ëkyajkupëjknë ets ka'ap nëjkx tyuny, jä'ä ko ja nyitsu'uty nëjkxëp jää yaj'ëxtijnë. Pën ënäty ja jëtu'unpë tsyu'utyp, jä'ä jëtu'un ja poky tukëtakpäjta'ajëtëp.