Levitico 19:31 - Biblia Mixe de Quetzaltepec

³¹ Këtii xynyinëjkxëty oy natiipoj natii ënääw ets mëti'ipë nasja'apën. Këtii xy'ëxëëktuntëty yë mjuukyajtënëty, ko yë'ë tii xyajtëëwpëtëty. Ëjts jëtu'un Wintsën mëti'ipë miits mTiosajtëpën.

Levitico 19:31 ပူးပေါင်းရင်းမြစ်များ

Isaías 8:19

Nëjkxëp ja'ay m'ënë'ëmxëtë: Yajtëwtë o'kpë ets najtsja'apëtëjk mëti'ipë amë'pxy kajpxtëpën ets ka'ap yajmëtoy wi'ixën y'ëna'antë. ¿Ëkë pën ënaanp ko ka'ap tjëkyepy tu'uk yë naax kajpn tyajnitëwëty yë tyios ëkë o'kpë anëmë wi'ix myintën ja xyëëw jyuukyajtën ja ja'ayëty mëti'ipë juuky'ajtëpën?

Levitico 20:27

Yë ye'etyëjk ëkë to'oxytyëjk mëti'ipë pojmëkajpxtëpën, ëkë jä'ä tyuunk'ajtyp wi'ix winë tnajtsjawëtyën, kuka'atsy pyaatëtë xyaj'ooktëty ets kë'ëm jëtu'un ënäty nyätyunëtë.

2 Crónicas 33:6

Tä tyaj'o'ky ja y'u'unk y'ëna'k ets nino'ky nixämy mëti'ipë tyukwintsë'këyën ja Ben-hinom; ojts tyajmëjnajxnë ja näpyatoy näpyanaxë, ja najtsja'awën, ja toonkajpk ets ja kaxpojkën. Tim tëkatsy ojts winë tuunë, aakjä'ä mëti'ipë ja Wintsën y'ëxëëk'ijxypyën.

1 Crónicas 10:13

Jëtu'un ojts ja Saúl y'ooky tyëkoy, mëët ko ënäty ka'ap oy winë të tuny, jä'ä ko myëtëjkëy ja poky, mëët ko tkamëmëtooy ja Wintsën ja y'ënä'ämën tyiyajtën ets mëët ko ojts ja najtsja'apë winë tyajtëëwnë

2 Reyes 21:6

Ojts ja y'u'unk y'ëna'k tyajtooy tyajjäämnë, ma tukwintsë'këyën ja ka'apë tyiosëtyën, yajtuun ja najtsja'apë, yajkutujk ets ja ja'ay tuunk'atëty ja kajpxpojkën, paatoy panajxk. Tim tëkatsy ojts winë tuny, je'eyë ja Wintsën tyajjoot'anpëjk.

Apocalipsis 21:8

E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.

1 Samuel 28:3

Tääpë jëmëjt ja Samuel tëë ënäty y'o'knë, ko y'o'ky mëk ja Israel ja'ayëty ojts tnijë'ë tniya'axtë, jam tyajnaaxtëjkëtyë Ramá ma myiinyën naaxwiiny. Yë Saúl ojts tëkok t'ëxwojpta'ay ja najtsja'apëtëjkëty ets mëti'ipë myëkajpxtëpën ja o'kpë.

Isaías 47:13

Tëëxë kanaak xymyëët'aty m'ëëwij mkajpxwijpë, ets mmëtsipkä'äxnëp ijty ko nyimay'ajnëtë. Wä'än ënät tyam tmëjwa'aktë ja mxëëwmääpyëtëjk, mëti'ipë nyija'awëtëpën wi'ix yë mëtsa'a tyajkajpxtëtyën, mëti'ipë winpo'ojaty mtuk'ëwa'anëyëpën tii tunan jatanëp ets jeexyë mijts mtso'oky.

Isaías 29:4

O'ktëy mjata'any mkëpäta'any, jëtu'un nëjkx mnaaxkukëtawë, ko mjaya'ax mjajokëty jëtu'un je'eyë yajmëtowa'any tä tii tyukwanën, jëtu'un tä jeexyë mëkxejyën.

Éxodo 22:18

Këtii xyajwë'ëmëty juuky yë to'oxytyëjk, mëti'ipë kajpxpojkpën, myaj'ookëp ënätyë.

Gálatas 5:20

y'ëwtajtëp mëti'ipë ka'ap Tyiosëtyën, patooy panajxtëp, atsip a'äkë jyuuky'atë, mëtsip'ajtëp, pojën jyoot'anpëktë mëët yi'inëm tii, kyë'ëm oyajtën y'ixtaaytyëp, yajnäwya'kxëtëp ja ja'ay, ëpëky nyäpyëjkta'akëtë,

2 Reyes 17:17

Ojts ja y'u'unk y'ëna'k tyajnitooynyëtë, tyajknëtë ets wyintsë'kën'atëty, ojts tjajtnëtë wi'ix winë tnajtsjawëtëtyën ets ojts tnija'awënyëtë wi'ix ja kë'ë tyajmëtya'aktëtyën, tuunëtë tkajpxnëtë ja ëxëëkpë, mëti'ipë ja Wintsën ojts tukyajjoot'anpëktën.

Hechos 8:11

Yë'ëts ja xëëwmääpyë ja jyä'ä pyatuunëtëp, jä'ä ko tëë ënäty kanaak jëmëjt wyin'ëënëtë.

Levitico 19:26

Këtii nitii xytsyu'utsëty mëti'ipë ne'pnymyëëtën. Këtii xytyuunk'atëty yë nasja'awën, ëkë ma ja'ay tii t'akäjpxyën tii tunan jatanëp.

2 Reyes 23:24

Josías ojts tyajkutëkooytyä'äy ja kajpxpojkpëtëjk ets ja patooy panajxpë; yajkutëkooytyääy ja awinax mëti'ipë ja'ay myëët'ajtëpën winjëën wintëjk, ja wiinkëtypë ja awinax ets tëkokyë mëti'ipë ënäty ja ja'ayëty të tyajnikojtu'utën ets t'ëwtatë, jampë Jerusalén ets Judá yajpaatën. Paaty jëtu'un winë tuuny, jä'ä ko ojts ja wyinma'any tpëjktä'äky ko tpatuunta'aja'any ja ënä'ämën tëyajtën mëti'ipë jap miinpën kuja'ay ma ja nokyën mëti'ipë ja Hilquías pyatën ma ja tsajptëjkën.

Levitico 19:3

Nitu'ukjaty yë ja'ay mëpaat twinkutsë'ëkë yë tyeety tyaak. Mwinkutsë'ëkëtëp näjyëtu'un yë po'kxënxëëw. Ëjts jëtu'un Wintsën, mëti'ipë miits mTiosajtëpën.