Levitico 19:30 - Biblia Mixe de Quetzaltepec

³⁰ Wintsë'ëkëtë yë nxëëwës ma po'kxënxëëw y'ityën. Wintsë'ëkëtë yë njëën ntëjkës. Ëjts jëtu'un Wintsën.

Levitico 19:30 ပူးပေါင်းရင်းမြစ်များ

Levitico 26:2

Wintsë'ëk mëjjawëtë yë npo'kxënxëëwës ets yaj'ixëtë yë näywyinkutsë'kën maas yë njëën ntëjkën. Jä'ä ko ëjts Wintsënajtp.

Eclesiastés 5:1

Ko mnëjkxëty tsajptëkoty mkëwent'atëp yë mjot mwinma'any; mijts këtii yë'ë xymyëmay xymyëtajëty jëna'a yë mwintsë'kën xyaka'any jëtu'un tsuuja'aytyëjkën, yë'ëmës mëmay mëtaj wi'ix xymyëmëtowëtyën yë Wintsën.

Levitico 19:3

Nitu'ukjaty yë ja'ay mëpaat twinkutsë'ëkë yë tyeety tyaak. Mwinkutsë'ëkëtëp näjyëtu'un yë po'kxënxëëw. Ëjts jëtu'un Wintsën, mëti'ipë miits mTiosajtëpën.

2 Corintios 6:16

Ka'ap tjëkyepy tu'ukyë yajpaatëty yë Tios yë jyëën tyëjk mëët yë awinax. Jä'ä ko jëtu'un ja Juukpyë Tios xyajwa'anëmë tsyënaaytyaknën. Jëtu'un ijxtëm ja Tios y'ënä'änyën: Tsëënëjaanpës ets juuky'ataanpës ma yë'ëjëtyën, yë'ëjës xyWyintsën'attëp, ets yë'ëjës nja'ay'attëp.

Mateo 21:13

ets t'ënëmaay: Jëtu'un kuja'ay myiny: Yë ntëjkës jä'ä yajtijëty Tios mëkajpxtakn e miitsëty jä'ä të xyaj'awinpijnëtë mä'tstakn.

Salmos 89:7

Tios yë mëjpë ets kutsë'ëkëpë, itkujky ets natuky yajpaaty mëët tëkokyë jënu'un yajpaatën jam tsajpjotm.

Levitico 16:2

ets t'ënëmaay: Ënëëmë yë m'ajty Aarón ets këtii oy jëna'a tyëkëty jap ma tsajptëjkën, jëxkë'p ma wit atëëytyuk yajpaatyën, ma jap y'ityën yë Tios yë kyaaxë, këtiipë y'ookëty; jä'ä ko ëjts näynyikëxë'ëkanëpës yootsjoty ma ja kaaxë yajpaatyën.

Éxodo 20:8

Mja'amyätsëp xëmë yë po'kxënxëëw ets jää yë Tios xymyëjjaw xyjyäänty jyawëty.

1 Pedro 4:17

Tëë ja tiempo tpaaty ma ja Tios tpaye'eyä'änyën ja jyä'äy. Ets pën jam ja paye'eyën tsyo'ontä'äky ma ëëtsajtëmën, ¿Wi'ixpëm jëtää jyata'antë mëti'ipë kyamëmëtoowtëpën ja oy aaw oy ayuk?

2 Crónicas 36:14

Näyjyëtu'un ja Judá ja'ayëty ets ja teetytyëjkëty, ojts ja jyot wyinma'any tyajtëkooynyëtë ets ka'ap ja Wintsën ojts t'ëkmëj'ijxnëtë; jëtu'un winë tuunëtë tä ja ja'ayëtyën mëti'ipë ka'ap ja Wintsën t'ixy'atën ets ka'ap t'ëkwitsë'kënëtë ja Wintsën ja jyëën tyëjk, mëti'ipë ënäty ja Wintsën të tnikäjpxyën ko yë'ë tëjk'ata'any mëti'ipë jam Jerusalén yajpatpën.

2 Crónicas 33:7

Wiink awinax ojts jap tsajptëkoty tpëjktaknë ma ja Wintsën ja jyëën tyëjkën, ma ënäty ja Wintsën të t'ënëëmën ja David ets ja myaank Salomón: Ya'atë tsajptëjk, mëti'ipë yaa yajpatpën Jerusalén ma tsyëënëtën yë Israel ja'ayëty, ëjts njä'ä'atäämpy ets yaajës yë nxëëw yaja'amyätsëty xëmëkyëjxm.

Levitico 15:31

Jëtu'un'äämpy jëtu'un ja ëxëëkajtën jëkäm yajpaatëty ma Israel ja'ayëtyën, këtiipë y'ooktëty, mëët ko ënäty tyaj'ëxëëkëtë ja it naaxwiinyëtë maas ëjts n'ityën.

Levitico 10:3

Ënät ja Moisés t'ënëmaay ja Aarón: Ya'atë jëtu'un yë Tios të tjatijy ko të y'ënä'äny: Pën nëkoo kë'ëmwinma'any xymyëwinkoonpës ntuk'ixëpës yë nwa'atsajtën, ets jëtu'un yë Israel ja'ayëty t'ixtëty, ëjts yë nmëj'ajt n'oyajtën. Yë Aarón amonyë ojts tyimwë'ëmy.