Levitico 19:14 - Biblia Mixe de Quetzaltepec

¹⁴ Këtii xypyokëty yë ja'ay mëti'ipë natën. Këtii yë nyë'ë tyu'u xyaj'ëtujkëty yë ja'ay mëti'ipë wiintsën. Yaj'ixëty yë näywyinkutsë'kën ma Tiosën. Ëjts jëtu'un Wintsën.

Levitico 19:14 ပူးပေါင်းရင်းမြစ်များ

Deuteronomio 27:18

Poky yë ja'ay wyë'ëmëty mëti'ipë wyoowma'typyën tu'uk yë wiints. Ënät ja ja'ay y'ëtsowtëty: Oy, jëtu'un'atëp.

Levitico 19:32

Ko yë mëjja'aytyëjk xy'ixëty, mwa'akë'ëkëp ënätyë ets xykyajpxpo'kxëty. Myaj'ixëtëp yë näwyinkutsë'ëkë, mëët ko jyääjëty yë Tios. Ëjts jëtu'un Wintsën.

1 Pedro 2:17

Wintsë'ëkëtë ni'ëmukë mëjpë mutskpë, tsoktë ja mëku'ukëty, wintsë'ëkëtë ja Tios ets ja yajkutujkpë kopk.

Romanos 14:13

Paaty ka'ap mnäpyoky'ixëtëty nixim niyam. Yë'ë tuntë mëti'ipë ka'ap yajwiink'ixëtyën ets mëti'ipë ja mmëku'uk ka'ap ja myëpëjkën yajma'txëtëty.

Levitico 25:17

Nipën mëpaat yë myëku'uk tkawin'ëëny, yajnikëxë'ëktë yë näywyinkutsë'kën ma mTiosëtyën, jä'ä koos jëtu'un Wintsën, mëti'ipë miits mTiosajtëpën.

Apocalipsis 2:14

E tam wäänë mëti'ipës ka'ap n'oyjyawën ma mijtsën: tam ma mijtsën jënaakën yë ja'ay mëti'ipë ka'ap t'ëxmatstën ja Balaam ja y'ijxpëjkën, mëti'ipë ojts t'akajpxën ja Balac ets ja Israel ja'ay pyokytyuntëty ets tjë'kxtëty ja mëti'ipë yajtukwintsë'këpën ka'apë Tyiosëty ets ko pyokytyuntëty mëët ja wiinkpë to'oxytyëjkëty.

Nehemías 5:15

E ja yajkutujkpëtëjk mëti'ipë ënäty jëyëjp të tyuntën je'eyë ijty xëmë ja naax kajpn tuk'atsiptë ja ayajk ako'onën, xëmë ja ja'ay ijty yaj'amëtowtë ja wit meeny këëkwëxtyikxy ja poop pujxn mëti'ipë ja yajkutujkpë nyikayëp nyi'uukëpën. E xëmë ijty winjëpom ja naax kajpn winë tjanty'amëtowtë ets tjantypyëjkëtë. Ëjts ka'apës jëtu'un ja naax kajpn ntuuny jä'ä ko ja Wintsën jä'äs ntsë'këp.

1 Pedro 1:17

Pën miitsëty Tatë, xynyëëmëtë ja Tios, mëti'ipë paye'epyën mëtëy ets ka'ap wyin'ixy wyinkexyëty, kopkpëky ko xywinkutsë'ëkëtëty xëmë mapaat yaa naaxwiiny mjuuky'atën.

Romanos 12:14

Amëtowtë ja Tios ets tkënu'kxëty pën m'ixjëtijt mpajëtijtëtëp. Ni'ikyë kënu'kxtë ets këtii xykyajpxpoktëty.

Génesis 42:18

e kom tëkëëk xëëw ojts t'ënëëmë: Ëjts ntsë'këpës yë Tios, tuntë ya'atë ets miits npokymyä'kxtëty.

1 Corintios 10:32

Ka'ap pën xymyo'otëty ja ijxpäjtën ëxëëk, ni yë'ë mëti'ipë jutiis kajutiis, ni yë'ë mëti'ipë yajpatëpën ma ja Tios ja nyaax kyajpnën.

Levitico 19:15

Këtii wiinkjaty winë xytyunëty, ko tii poky xynyipaye'eyëty: ni yë'ë xykya''apupätëty yë ëyoopëja'ay ets kumeenyjyä'äy xykyatsë'ëkëty. Yë tëyajtën yë'ë jëtu'un mëpaat xyajtuny, ko tii poky xypyaye'eyëty.

Salmos 111:10

Yë wijyajtën ets nija'awën, jam yaj'ixy ma ënäty yë Wintsën yajwinkutsë'ëkën. Pën yë Tios wyinkutsë'këpën myëët'ajtyp yë wijyajtën. Tios mëj'äämpy y'ita'any.