Levitico 19:13 - Biblia Mixe de Quetzaltepec

¹³ Këtii yë mmëku'uk ëxëëk xytyunëty xy'ënëëmëty ets ni xykyapëjkëty mëti'ipë yë'ë jyä'ä'ajtypyën. Këtii xytyuk'ëwxitëty yë mtuunpë myëju'uny tu'kxëëwpaaty.

Levitico 19:13 ပူးပေါင်းရင်းမြစ်များ

Santiago 5:4

Ja mtuunpëtëjk mëti'ipë ka'ap të xymyëjuytyën, mëti'ipë të tyajpëtë'ëktën ja mpëjktä'äkyëty, yë'ë jëëytyak nu'kxtaktëp ets miitsëty ëxëëk mjatëty mkëpätëty; e tëë ja Wintsën mëti'ipë maaytyääyëpën winë tmëtoy ko jyiiytya'ak nyu'kxta'aktë.

Malaquías 3:5

Yë Wintsën mëti'ipë maaytyääyëpën winë jëtu'un y'ënä'äny: Minaanpës ets miitsëty nipaye'eya'antë. Näyjyëtu'un kë'ëm n'ixa'any nmëtowa'anyës wi'ix ënäty yajtuntën ja mëti'ipë najtsja'awëtëpën, mëti'ipë ka'ap twintsë'ëkën ja nyiye'etyëjk ëkë ja tyo'oxytyëjk; mëti'ipë nanëkoo ëëwpäjn kajpxpäjn wyäämpyën yë Tios yë xyëëw; mëti'ipë ka'ap tsow tmëjuyën yë tyuunpë, je'eyë mëk tyajtuny; mëti'ipë o'ktëy tyuunpyën ja ku'ookytyo'oxy ets ja ku'ooky u'unk; mëti'ipë yaj'ëyoopyën ja jaaypyaat jaaypyo'kxy ets mëti'ipë ka'ap wyinkutsë'ëkën.

Jeremias 22:13

Janty mon janty tuk mijts myajpaaty, jä'ä ko ka'ap tii mëtëy xynyipaye'ey, yë mkëmoon tëjk yë'ë të xytyukkojy ja ëxëëk winma'any, ko ja ja'ay nëkoo të xytyätyyajtuny ets ka'ap të xymyëjuy ijxtëm pyäätyën.

Proverbios 20:10

Ko yë ja'ay ka'ap tii mëtëy tkijpxy, ets ka'ap tii kä'pxy tëy jënu'un jye'emtyëtyën, jëtu'un mäjtskpëky mëti'ipë Tios y'ëxëëk'ijxypyën.

Marcos 10:19

Mnija'ap ja Tios ja y'ënä'ämën, mëti'ipë ënaanpën: ka'ap myajja'ay'ookëty, ka'ap xyajwintsë'këntyëkoyëty ja pëjkën ukën, ka'ap mmäätsëty, ka'ap pën xynyi'antaakëty, mwintsë'ëkëp ja mtaak mteety.

Ezequiel 22:29

Yë ja'ayëty mëti'ipë tsënaaytyëpën ma naax kajpnën aak je'eyë tyontë myäätstë ets tsyiptuntë; je'eyë twoptë ja ëyoopëja'ay ma tyajmëtuntën ets yë'ë tyukumeenytyaktëp, ka'ap tnipaye'eytyë oy wi'ix jyatë kyëpätë mëti'ipë jaaypyo'kxyajtëpën.

Jeremias 22:3

Tuntë ja tëyajtën ets ja nipaye'eyën tëypyë jaantypë ma ya'atë it naaxwiinyëtën, yaj'ëwaatsëpëtsëmtë ja'ay ma wyintsënën mëti'ipë je'eyë mëk mëtuunpën ets ka'ap tsow yajmëjuy, këtii xytyiytyuntëty yë jaaypyaat jaaypyo'kxy ets ku'ooky u'unk, ku'ookytyo'oxy. Këtii xyaj'ooktëty ma ya'atë it naaxwiinyëtën yë ja'ay mëti'ipë ka'ap tii poky tmëëtëtyën.

Éxodo 22:21

Këtii nëkoo ëxaty xytyimtunëty yë jaaypyo'kxyjyä'äy, yë'ë ja'amyäts ko mijts ojts mjaaypyo'kxy'äty jap Egiptë.

Éxodo 22:15

E pën jamts ja nyiwintsën y'ixyë, ko tsyëtyutëty wyintëkoyëty, yë'ë ka'ap nitu'kjënu'un tkujuyëty. Pën ja jëyujk je'eyë ënäty të yaj'ënu'kxy, je'eyë nëjkx tmëjuy, mëët ko ënäty të pyutëkëty.

1 Tesalonicenses 4:6

Ka'ap pën ja myëku'uk ja tyo'oxytyëjk twin'ë'ënëty, jä'ä ko Tios tu'kë'ëyë tukumëtoowta'aja'any mëk'äämpy mëti'ipë jëtu'un ëtëtstëpën; ijxtëm të ntuk'ëwaanëtën janaam jatsojk.

Lucas 3:13

Tääts ja Juan y'ënëmaayëtë: Ka'ap yë ja'ay tii tsowni'ik xytyukkukëpätëty.

Proverbios 22:22

Këtii yë ëyoopëja'ay o'ktëy xytyunëty mëët yë'ë ko y'ëyoy jyotëkoy, ets ni yë'ë ëxëëk xykyatun xykya'ënëëmëty mëti'ipë ka'ap tjëkyepyën nyäkyuwa'anëtëty,

Job 31:39

Pën tëë tii pën nmä'tsës mëti'ipë myëët'ajtypyën, ëkë pën tëë nëkoo nayajnatëkëtunyës yë naaxtuunpë ja'ay,

Levitico 6:3

Ko y'ënta'akëty, ko ka'ap të tpaaty mëti'ipë ënäty ja wiink ja'ay të tyajtëkoyën ets Tios tukajpxpätëty, y'ëna'anëty ko ka'ap tnijawë mëti'ipë jyanija'apën, yë jëtu'unpë ja'ay,

Éxodo 22:13

Pën tääpë jëyujk ëwa'anjëyujk ënäty të yaj'ookyë ets të tsyu'utsyë, ets ka'ap tkujuyä'äny ja jëyujk'ooky, yë'ë myënëjkxëp ja jëyujk tsu'tstuk jam ma ja kujëyujkën.

Mateo 20:8

Ko tsyu'ujënë, tääts ja kukam t'ënëmaay ja tyuunpë wintsën: Mëkajpxmuk yë tuunpëtëjk ets xymyëjuyëty: yë'ë jëyëjp mëjuyëp mëti'ipë ok të tyëkëtën tuunpë ets ok xymyëjuytyëty mëti'ipë jëyëjp të tyëkëtën tuunpë.

1 Timoteo 5:18

Jä'ä ko jëtu'un ja Tios ja y'aaw y'ayuk y'ënä'äny mëti'ipë këxja'ay miinpën: Këtii ja tsajpkaa xytyuk'ajänëty ja xuumy ko ja tsajpmok twintäänëty. Näyjyëtu'un y'ënä'äny: Yë tuunpë patëp yajmëjuyëty.

Éxodo 20:15

Këtii mtonëty mmäätsëty.

Éxodo 22:7

Pën yë myëku'uk tyukmëët'ajtyp yë wyit myeeny, ëkë oytyiijëty mëti'ipë tsoowpaatyëtyën ets yajmäätsëty jam ma ja jyëën tyëjkën. Ja mä'tspë kwanë ko tkujuuytya'ajëty mëti'ipë ënäty të tmeetsyën ets kujkwä'kxy tyajni'ikëty, pën yajpatp.

Job 17:5

Wä'än t'ayuu'atë yë y'u'unk y'ëna'këty yë ja'ayëty mëti'ipë nyimeenypyëjktëpën jyiiky myëku'uk.

Proverbios 3:28

Këtii komjëpom xytyuna'anëty ja mëyajtën mëti'ipë jyëkyejpyën tyam xytyunëty.

Ezequiel 18:7

ka'ap jyiiky myëku'uk tyaj'ëyoy, myoopy jatëkok ja myëku'uk mëti'ipë të t'amëtoyën ko të tyajnu'kxy; ka'ap pën tmeetsy; yajwä'kxyp yë kyääky y'uuky ma ja'ayën mëti'ipë yuu'o'këpën ets xyojxyp mëti'ipë niwa'ats ëxwa'atsën.

Ezequiel 22:12

Tam yë mëkunaax mëkukajpn mëti'ipë nyimeenypyijkpyën ets nëjkx yaja'ay ooky. Tam mëti'ipë meeny myëku'uk tyuk koontsoopyën ets may'äämpy tyaj'u'unk'aty, tam mëti'ipë je'eyë myëku'uk mëk tjanty yajtunyën ets yë'ë myeeny'äjtyp. Ëjts ka'apës pën xy'ëkja'amyäjtsnë, tëëjës xyjyä'äytyëkooynyëtë. Ëjts Wintsën, ëjts ënaanp.

Levitico 25:14

Pën jää pën nyaaxtooka'any, ëkë nyaaxjuyä'äny ma tääpë jëmëjtën, këtii janty mëpaat tpëka'anëty ja naax kam pën ënäty naaxjuupyën, ëkë janty tsow tooka'anëty;

Levitico 25:17

Nipën mëpaat yë myëku'uk tkawin'ëëny, yajnikëxë'ëktë yë näywyinkutsë'kën ma mTiosëtyën, jä'ä koos jëtu'un Wintsën, mëti'ipë miits mTiosajtëpën.

Job 7:2

ëkë tä tu'uk yë mëtuunpë tu'ktsojkyë pyo'kxyën niktuuy, ëkë tä tu'uk yë mëtuunpë t'ëwxityën jëna'a yajmëjuy.