Levitico 19:11 - Biblia Mixe de Quetzaltepec

¹¹ Këtii määtstëty. Këtii mnäwyin'ëënëtëty jaxim jayam.

Levitico 19:11 ပူးပေါင်းရင်းမြစ်များ

Éxodo 20:15

Këtii mtonëty mmäätsëty.

Colosenses 3:9

Këtii mnäwyin'ëënëtëty nixim niyam, jä'ä ko tëë xy'ëxmajtsnëtë jëtu'unpë ja juukyajtën ets ja ëxëëkpë mëti'ipë ijty mtuuntëpën,

Efesios 4:25

Paaty tyam, këtii m'ëk'antaknëtëty, ko mmëku'uk xymyëmëtya'aktëty mëtëy tii xytyuk'ëwaanëtëty, jä'ä ko tu'ukyë n'ijtëm ijxtëm tu'ukpë ja ni'kx kopkën.

Salmos 101:7

Mëti'ipë ja'ay win'ätsën ka'ap tyuunkpaata'any maas yë nkutujktaknën. Niwi'ixtsow tkajëkyepy mëët n'ijtmukëtyës yë ja'ay mëti'ipë win'ë'ënpën.

Romanos 3:4

Niwi'ix'äämpy. Tios aak mëtëy winë tuny, oy ja ja'ay ni'ëmukë y'anta'aktë. Jëtu'un ja Kënu'kxymyëkajtën y'ënä'äny: Mijts wa'ats mnaxa'any mëët mëti'ipë të xynyikäjpxyën, ets ko ënäty myajnipaye'ey mijts mëta'akaanp.

Deuteronomio 5:19

Ka'ap mtonëty määtsëty.

Apocalipsis 21:8

E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.

1 Timoteo 1:10

mëti'ipë yajwintsë'këntëkooytyëpën ja pëjkën ukën, mëti'ipë ja myëye'etyëjk ëkë myëto'oxytyëjk myëët'ajtëpën, mëti'ipë ja'amyä'tstëp, mëti'ipë win'ë'ëntëp, mëti'ipë ja Tios yajkajpxtëpën mëët ja antakën, ni'ëmukë jënu'un tmëtsip'atën ja mëtëypyë ijxpëjkën.

Efesios 4:28

Pën ijty mä'tspën, ka'ap y'ëkmä'tsnëty wä'än je'eyë tnitunë tii tsyojkpyën, wä'än tyajtuny ja kyë'ë ets tii tpaatëty mëti'ipë myo'ojëpën ja ëyoopëja'aytyëjk.

Jeremias 6:13

Wä'än tmëj tmutskëty yi'iyë myëmaay myëtajtëp wi'ix wit meeny tpaatëtyën mëët ja ëxëëkpë ja tu'unën kajpxën; yë käjpxynyajxpë ets teetytyëjkëty aakyë'ë yajtukwin'ë'ëntëp wit meeny.

Salmos 116:11

Janty nitiijës ënäty nka'ëkjëjp'ijxnë koos njaak'ënany, ko tëkokyë yë naaxwiinyëtë ja'ay aak antaktëp.

Éxodo 22:7

Pën yë myëku'uk tyukmëët'ajtyp yë wyit myeeny, ëkë oytyiijëty mëti'ipë tsoowpaatyëtyën ets yajmäätsëty jam ma ja jyëën tyëjkën. Ja mä'tspë kwanë ko tkujuuytya'ajëty mëti'ipë ënäty të tmeetsyën ets kujkwä'kxy tyajni'ikëty, pën yajpatp.

Éxodo 22:1

Ko ënäty pën të twijtske'eky tu'uk yë tsajpkaa, ëkë tu'uk yë kupixyny ets tyaj'ookëty ëkë tookëty. Ko nëjkx tkëpäjnë, jä'ä nëjkx tyajknë mëkoxk ja nyitsajpkaa ja tu'ukpë ënäty të tmeetsyën ets taxk ja nyikupixyny ja tu'ukpë ënäty të tmeetsyën.

Éxodo 20:17

Këtii xy'atsojkëty yë mmëku'uk yë jyëën tyëjk, këtii xy'atsojkëty yë tyo'oxytyëjk, këtii xy'atsojkëty yë myëtuunpë kyupëjkpë ye'etyëjkpë, to'oxytyëjkpë ets ni xykya''atsojkëty yë tsyajpkaa ets kyërukts ets tëkokyë ma tmëët'atyën winë.

1 Reyes 13:18

E ja mëjja'ay ni'ikyë y'ënaan'ëtë'ëtsy: Käjpxynyajxpës ëjts näjyëtu'un, jëtu'un tä mijtsën, e yë'ëts yë Wintsën tu'uk yë kyukäjpxy të xy'ënëëmës, ko mijts nwoownëjkxëty maas yë ntëjkën ets jam nyajkay nyaj'uuky. Ya'atë ja mëjja'ay, antakp ënäty,

Éxodo 20:16

Këtii ëxëëkjaty tëkatsyjyäty xynyikajpx xynyimëtya'akëty yë mjëëky mëku'uk.

Éxodo 23:1

Këtii tii tëkatsyjyäty xynyipaye'eyëty ets këtii xy'apupätëty ja mëti'ipë pokymyëëtën, këtiipë tyekymya'atëty ja tëyajtën ets ja yajnipaye'eyën.

Levitico 19:10

Këtii janty wa'ats xy'ijxtaaytya'ajëty ja m'aaytyëëm m'ujts tëëm, mëti'ipë ënäty muum të kyä'äyën. Ixmats wä'än yë'ë yë ëyoopëja'aytyëjk tyajmuktë ets jaaypyaat jaaypyo'kxyëty. Ëjts jëtu'un Wintsën mëti'ipë miits mTiosajtëpën.

2 Samuel 17:20

E ko ja Absalón ja jyä'äy jyajtë, ënät tyajtëëwtë ja to'oxytyëjk: ¿Ka'ap të xy'ixyë ma ja Jonatán ets ja Ahimaasë? Yaa të nyaxtë, jëtu'untsow të nyëjkxtë tu'knëë'aaw, jëtu'un y'ëtsoowëtë ja to'oxytyëjk. Tää ja Absalón ja jyä'äy ojts nyëjkxtë matsow ënäty të yajtuk'ëwaanëtën, e kajts tpatë tää ojts tyimwinpijnëtë jatëkok jam Jerusalén.

Proverbios 24:28

Këtii ajotkumonë xynyi'apëtsëmëty yë mjëëky mmëku'uk ets këtii tii xynyikajpxëty mëti'ipë ka'ap myëtëyëtyën.