Levitico 19:10 - Biblia Mixe de Quetzaltepec

¹⁰ Këtii janty wa'ats xy'ijxtaaytya'ajëty ja m'aaytyëëm m'ujts tëëm, mëti'ipë ënäty muum të kyä'äyën. Ixmats wä'än yë'ë yë ëyoopëja'aytyëjk tyajmuktë ets jaaypyaat jaaypyo'kxyëty. Ëjts jëtu'un Wintsën mëti'ipë miits mTiosajtëpën.

Levitico 19:10 ပူးပေါင်းရင်းမြစ်များ

Isaías 24:13

Aakjëtu'un oy myaa'ajnë naaxwiinyëtë apëtsëmy, jëtu'un të jyäty tä ja'ay aceitunas twinwopyën, ëkë tä yajwin'ixyën yë tsatymtyëëm ko të yajpëjkmujkta'ay ja pëjktä'äky.

Isaías 17:6

je'eyë jyaak yaja'amyetsy; jëtu'unyë jyaak yaj'ixy je'eyë tä tu'uk mäjtsk jyaakwë'ëmyën muum ujtstëëm ko yajwinxity, ëkë taxk mëkoxk je'eyë muum jyaakkëxë'ëky kepykyëjxm. Jëtu'un y'ënä'äny ja Israel ja Wyintsën Tios.

Levitico 25:6

Mëti'ipë jam naaxwinm kamwinm kë'ëm pëtsëëmpën, ma ënäty pyo'kxyën ja kam tu'u, yë'ë mni''itëp. Jëtu'un'äämpy jotkujk kyäytyëty y'uuktëty ja mtuunpë ye'etyëjkpë to'oxytyëjkpë ets ja jaaypyaat jaaypyo'kxy mëti'ipë ijtpën ma ja mnaax mkajpnën.

Miqueas 7:1

Mon tukës nyajpaaty. Jëtu'unës tä tu'uk yë ja'ay t'ixtaaymyukyën yë akiink aka'ak ma ja pyëjktä'äky të tyajpëtë'ëkyën ets ka'ap tpaaty yë higos, yë tsatsym ets ujtstëëm mëti'ipë jyë'kxäämpyën.

Abdías 1:5

Ko yë mä'tspë jeexyë koots y'ëkmintë ets mjayajmäätsa'anëty, ka'ap mtimmyä'tsta'ajëtëty; ko jeexyë y'ëkmintë mëti'ipë tsatymtyëëm tyujkmujktëpën, yajwë'ëmtëp muum yë tsatymtyëëm. E tëkatsy të jyäty të kyëpety mëët ja mëtsip, ko të mniminyë tëë myajkutëkooytyä'äyë

Jeremias 49:9

Ko ja'ay tpëjkmuky tsatsymtsya'am yajkä'äpy wäänë në'ë'aay tu'u'aay; ko mä'tspë koots myiny kamjoty yi'iyë myënëkxyp mëti'ipë yajmëyäjtypyën.

Jueces 8:2

E yë'ë tyaa y'ëtsooy: Miitsëty ka'ap xywyinja'awëtyë ko mëj këjää winë xytyuuntë këtiinëm jëtu'un ëjts, jawäänëpë të xytyuntën tsoowpatp ni'ik, këtiinëm jyëtu'unëty mëti'ipës mëj këjää të ntuntën.

Levitico 19:9

Ko yë mpëjktä'äky y'itëty wyintëwëty, këtii tëkokyë winë xytyimyajpëtë'kta'ajëty ets ni xykya'ixtaaytya'ajëty, ja mëti'ipë ënäty muum të kyä'äyën.

Levitico 19:11

Këtii määtstëty. Këtii mnäwyin'ëënëtëty jaxim jayam.

Levitico 23:22

Ko yë mpëjktä'äky xyajpëtë'ëkëty, këtii janty wa'ats xy'ijxmujkta'ajëty winë, mëti'ipë muum ka'apën. Yajwë'ëmtë wäänë ets yë'ë ëyoopëja'aytyëjk pyëjkmuktëp, ëkë jaaypyaat jaaypyo'kxy. Ëjts jëtu'un Wintsën, mëti'ipë miits mTiosajtëpën.

Deuteronomio 24:19

Pën yë'ë yë tsajpmok myajmujktëp jam mkamjotm, ko mtso'onëtëty ets xyjyä'äytyëkoytyëty tu'k'atsumy, këtii xynyiwinpitëty. Ixmatstë jam, yë'ëts jyä'ä'atëp yë jaaypyaat jaaypyo'kxy mëti'ipë yajpatëpën ma miitsëtyën, ëkë ku'ooky'u'unk ku'ooky tyo'oxyëty. Jëtu'un'äämpy ja Wintsën ni'ik tkënu'kxëty ja mkam mtu'ujëty ets miits näjyëtu'un myajkënu'kxtëty.

Deuteronomio 24:20

Ko ënäty xytyuktë ja aceitunas ma ja nyikepyën, këtii janty jëtu'un xy'ijxta'a xytyuunta'atëty ma ja nyixe'entyën. Myajwë'ëmtëp jam kepykyëjxm wäänë, yë'ëts jyä'ä'atëp ja jaaypyaat jaaypyo'kxy mëti'ipë yajpatëpën ma miitsëtyën ets ja ku'ooky'u'unk ku'ookytyo'oxy.

Rut 2:2

Ënät yë Rut jatëkok t'ënëmaay yë Noemi: Nanë, ëwatskës yë ntu'u, wä'änës nëjkx n'ixta'ay yë tsajpmok, kooxyëp muum npaatëtyës yë ja'ay mëti'ipë oyjyä'äyën ets jam kyamjotm npëjkmukëtyës yë tsajpmok mëti'ipë tu'uka'apën. Nëjkx, u'unk, nëjkx, jëtu'un ja tyaakxyäkxy y'ëtsoowë.

Levitico 11:44

Ëjts jëtu'un mWintsën Tiosëty, miitsëty wa'ats mëpaat mnäyaj'itëtë, jä'ä ko ëjts wa'atsës n'ity. Këtii mnätyukyaj'ëxëëkëtëty nimëti'ipë jëyujk mëti'ipë naaxwin'a'tspën.

Levitico 19:25

E kommëkoxk jëmëjt jyëkyejpy xyjyë'kxnëtëty ja m'aaytyëëm m'ujts tëëmëty. Jëtu'un'äämpy ja mjë'kxykyepyëty mëj këjää tyëëmpätëty. Ëjts jëtu'un Wintsën, mëti'ipë miits mTiosajtëpën.

Deuteronomio 24:21

Ko xyajmuktëty ja mtsatym tyëëmëty ma ja mtsatym kyamëtyën këtii wa'ats xy'ixtaaytya'atëty ja nyikepy; mëti'ipë wë'ëmpën këtii xy'ëkniwinpijnëtëty, yë'ë jyä'ä'atëp ja jaaypyaat jaaypyo'kxy, ku'ooky'u'unk, ku'ookytyo'oxy.