Levitico 18:9 - Biblia Mixe de Quetzaltepec

⁹ Këtii xymyëëtko'knëty yë mtsë'ë, ëkë m'uty to'oxytyëjkpë, mëti'ipë mteety nyëëxajtypyën, ëkë mtaak nyëëxajtypyën. Oy ënäty jyapëty të myiny naaxwiiny ma mtëjkën, ëkë oy ka'ap, ka'ap mëpaat xymyëëtko'knë.

Levitico 18:9 ပူးပေါင်းရင်းမြစ်များ

Levitico 20:17

Pën tu'uk yë naaxwiinyëtë ja'ay myëëtko'knääpy yë tsyë'ë, ëkë y'uty to'oxytyëjkpë, mëti'ipë yë tyeety nyëëx'ajtypyën, ëkë tyaak nyëëx'ajtypyën ets tmëëtko'knëty. Nimäjtskëty kopkpëky ko nëjkx yajjuutë ma myëkunaax myëkukajpnëtyën, mayjyä'äy wyintuuy. Jä'ä ko tu'uk yë ja'ay yë myëkä'äx tmëëtsënaaynyëty, mëj tsëtyu'un yë'ënë. Ets mëti'ipë ënäty jëtu'un të y'ëti'ityën, kyë'ëmpokyën ënäty jëtu'un nätyuktuunëp.

Ezequiel 22:11

Tam mëti'ipë jyiiky myëku'uk myëëtko'knääyëpën ja tyo'oxytyëjk ets tam mëti'ipë ja'ay myëëtko'knaaynyëpën yë myaank yë tyo'oxytyëjk ets t'atsip'ajnë yë'ëpaat yë kyu'uty to'oxytyëjkpë.

Deuteronomio 27:22

Poky yë ja'ay wyë'ëmëty mëti'ipë myëëtko'knääpyën yë myëkä'äx to'oxytyëjkpë, oyxyëp wiink to'oxytyëjkëty tjataak'aty, tu'ukyë tyeetyëty tukmuktë, ëkë mëti'ipë wiinkteetyën, tu'ukyë ja tyaakëty tukmuktë. Ënät ja ja'ayëty y'ëtsowtëty: Oy, jëtu'un'atëp.

Levitico 18:11

Këtii xymyëëtko'knëty yë mteety yë tyo'oxytyëjk yë nyëëx, jä'ä ko mteety yë'ë mëët tnëëx'aty, e paaty mëkä'äxën yë'ë, këtii mëpaat jëtu'un m'ëtë'ëtsy.

Levitico 18:10

Këtii yë wintsë'kën xyajtëkoyëty ma mijtsën kë'ëm, ko xymyëëtko'knääpyëty yë m'oknëëx, mëti'ipë yë mmaank nyëëxajtypyën, ëkë mëti'ipë yë mnëëx nyëëx'ajtypyën, këtii mëpaat jëtu'un m'ëtë'ëtsy.